عدد سنوات الخبرة

الكاتب : حسين اشكناني | المشاهدات : 2,210 | الردود : 38 | ‏16 فبراير 2008
  1. بسم الله الرحمن الرحيم


    بعد كل ما سمعناه و شفناه من نقابتنا السابقه و الحاليه عن الاب قريد و عدد السنوات المحدده و المفاوضات الي صرح فيها رئيس النقابه السابقة و العضو الحالي الاخ دليهي الهاجري .

    1: انه في مده محدده للترقيه من جريد لي قريد بس الي سمعناه من المفاوضات انه لم يتم تحديد المده علا كلام النقابه السابقه .

    ( اذا كان هل الكلام صحييح و مثبت بالمراسلات يعني لازم تكون وقفه جاده من النقابه و تبيين للخطوات الي يسونها و الاعلان عنها لكي يعرف العمال الي ينطبق عليهم الكلام موقعهم من الاعراب )


    العمال الي ينطبق عليهم هل الكلام اكثر من 350 في الدوائر و يمكن اكثر الي يشملهم قرار المده .

    يعني يجب علا النقابة اذا تريد الاستمرار في نهج قطعة علا نفسها الوعود الي بمشي فيه في خطا ثابته

    نبي عمل جاد لانه موظفين المستقبل من حملة ارقام 64 و 65 لهم كلام كثير مع النقابه اذا لم نجد وقفه جاده جدا جدا
    و نريد مخاطبتنا مباشره عن طريق بيانات تصدر من النقابه


    قبل لا يفوت الفوت ( و القرارات الي يبون يمشونها خل تمشي علا الموضفين القادمين ) الي تاريخ توضيفهم من بعد قرار الشركة الرسمي للاب قريد


    يا نقابة شركة نفط الكويت ما نبي الاستهتار بهل الموضوع و عمل الصفقات الاداريه علا حساب اكثر من 350 موضف في الانتاج و المختبر و الماي و الغاز وكل من شملهم الاب قريد .



    ننطر الردود من الاعضاء النقابيين و ردوود الافعال ممن يمثلون هذه الشريحه


    العمال مستائون ونكن كل التقدير و الاحترام لمعليمننا من اصحاب الخبره الي مالنا غنى عنهم بس نبي العدل بين الموضفين .


    وكلنا ثقه بنقابة قام اغلبيه موضفين الشركة باختيارهم


    و انتم في اختبار صعب لانه هل الموضوع يمس شريحة كبيره من العمال و هم مستقبل الشركة


    و اسف علا الاطاله

    اخوكم حسين اشكناني
     
  2. القحطاني

    القحطاني بـترولـي خـاص أعضاء الشرف

    4,717
    0
    0
    مشكور اخوي الاشكناتي

    على الموضوع المفيد ويفتح اعيون الموضفين

    :)
     
  3. koc_q8

    koc_q8 بـترولـي نشيط جدا

    188
    0
    0
    والله العظيم ان احنا مانعرف شنو موقعنا من الأعراب للحين
     
  4. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    مشكور اخوى حسين على الموضوع.

    بالنسبه لموضوع السنوات تأكد انه ما كنا السبب فيه .. وما كان لنا اى دخل وترا كنا اعضاء جمعية عموميه حالنا من حالك .. وتكلموا الشباب في الجمعية العموميه عنه وتم نفيه بالمرة !! (اذا كنت حاضر و تتذكر).

    وتأكد ان النقابة الحاليه ما راح تذخر شى في هذا الخصوص وراح تنتهج مبدأ الشفافيه بكل اتفاقياتها.

    ومشكور مره ثانية
     
  5. يعطيك العافية اخوي فيصل علا الرد السريع و التفاعل مع الموضوع من النقابه


    صح كلامك تم نفي الكلام هذا من قبل النقابة السابقه و هذا شي مثبت و هم يقولون انه لم يتم في التفاوضات السابقه مع الاداره

    و هذا يكون في صالح النقابة السابقه اذا فعلا لم يكون في محاضر المفاوضات و الحين انتو شغلكم الحين تبيين الحقيقه حق العمال يعني اخراج اوراق المفاوضات ممكن تكون سريه بس المهم عندنا تبين موقف النقابة السابقه هل هم فاوضو في المده ام كانت القرارات بدون مده معينه اهني


    انتو يا تقولون ماكانت في المفاوضات مع النقابه السابقه وقراراتهم تمشي علا القرار السابق بدون تعديل و بسعي منكم و تكملون المشوار



    يا تقولون هذه اوراق مفاوضات نقابتكم السابقه مفاوضين علا المدة يعني شنو يعني الي صار بالجمعية العموميه (........)



    و ما نعتقد انه نقابتنا السابقه تستخف في عقول العمال


    و انشاء الله تبين لنا اخوي فيصل بانك عضو نقابي الخطوات اول باول و التطورات


    و انشاء الله العمال ياخذون حقوقهم عن طريق النقابه و السبل الديمقراطية لاننا ديمقراطيين في دولة ديمقراطية تعلمنا منها الديمقراطية
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الله كريم يكرمكم بالأبقريد و الفال لكل الموظفين
     
  7. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    اللى فات فات وتأكد ان مشوار تقييم الوظائف لباقى اقسام الشركه راح نستكمله ..

    اى خطأ حصل ، راح يتم اصلاحه باذن الله .
     
  8. HUMMER

    HUMMER بـترولـي خـاص

    مشكور اخوي الكريم على هالموضوع
     
  9. yn.koc

    yn.koc بـترولـي نشيط

    90
    0
    0
    أخ فيصل مع احترامي الشديد لشخصك الكريم ... لكن لم يعجبني قولك ( إلي فات فات)
    ألا تستطيع إدارة النقابة الحالية تصحيح خطأ واضح و قرار ظالم بحق شريحة من الموظفين قوامها 350 شخص تقريبا؟
    علما بأنكم أطلقتم لنا الوعود بمسعاكم للإصلاح
    عفوا أخ فيصل ولكن كأني أسمع منك نبرة تقول فلتوافقوا على هذا القرار و لا تشتكوا لأننا غير مسؤولين عنه
    أتمنى طبعاً أن أكون مخطئ في هذا الأمر ... ولك مني موفور التحية
     
  10. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    العفو اخوى العزيز انت فهمت غلط او ممكن كلامى كان مبهم..

    انا قصدت باللى"فات فات" عن كلام الاخ حسين اشكناني لما ذكر مفاوضات النقابة السابقه وان فيها استغفال لعقول العمال اذا ما كانت صريحه بتفاصيل مفاوضاتها وطالب بنشر محاضر المفاوضات ... هذا اللى كنت اعنيه ب "اللى فات فات" واحنا راح نستكمل العمل ..

    وشرط السنوات هذا ( على حسب علمي) انه جاي من المؤسسة وله ترتيب معين وراح يتم مناقشته مع الادارة لكنه اول وتالي هي شغله تنظيم مو شغله تعجيز او تصعيب .. اقصد ممكن يكون فيها اخذ وعطى بين النقابة والادارة.

    وحتى القرار بوجوب مرور سنه كامله بين الترقيه والثانيه له مساوئه وادارة الشركه راح تطلب من المؤسسة الغاءه او تعديله.
     
  11. انت وبس

    انت وبس بـترولـي نشيط جدا

    281
    0
    0
    بو أحمد شلونك طال عمرك ;)

    بالنسبة لشرط السنوات
    (يوجد كتاب من المؤسسة بخصوص هذا الشرط)

    للعلم فقط
     
  12. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يااا خي أنا مستغرب من موضوووع السنوااات هذي :confused:
    معنااااته رااح يصير أب قريد علي البعض والبعض لأ :confused:
    معنااته راح يصير تخلخل بين المسميااات الوظيفية والدرجااات :D
    معناااته رااح يصير أختلااف بالمهاام الوظيفية :D

    يالله يا نقاابة تلحلي شوي وشدي الهمه نبي الدرجاات ع الكل بارك الله فيكم :D
    لا تخلوون الشعب يتحسف علي أصوااتهم ;)
     
  13. انت وبس

    انت وبس بـترولـي نشيط جدا

    281
    0
    0
    على فكرة حتى القدامى راح يحوشهم هالتأخير (مثل المراقب بالوكالة ومشغل انتاج1 بالوكالة ومشغل انتاج 2 بالوكالة) وفني مختبر 1 بالوكالة .... :(
     
  14. yn.koc

    yn.koc بـترولـي نشيط

    90
    0
    0
    الأخ فيصل شاكرلك تجاوبك... وأتمنى أن يأخذ هذا الموضوع حيز من اهتمامكم لما له من أهمية
     
  15. under maintenance

    under maintenance بـترولـي نشيط جدا

    453
    0
    0
    السلام عليكم
    اخوي فيصل ما اعتقد الى الان ماعندكم كتاب رسمي يثبت انه الاب قريد له شروط و بعدين انا عندي واحد من الربع 64 و ماصارله اربع سنوات و عدلوله بالسستم شنو ردك على هذا الموضوع ؟!؟!؟!
    اذا انتو يالنقابيين الى الان ماعندكم شي يثبت كلام شرط السنوات هذي كارثه وين المتابعه و اذا انت تقول انه انتو مالكم شغل بشرط السنوات و اصلا شرط السنوات مو موجود بصراح مصيبه
    و اذا اتبي الدليل على صحه كلامي انا حاضر دزلي على الخاص و انا اثبتلك انه الرجال ماكمل اربع سنوات و عدلوله بالسستم
     
  16. يا جماعة لازم تثار هذه القضية بشكل جدي من النقابة ولا تبون العمال اهم الي يقومون بدوركم يا نقابة ذنبكم انكم استلمتو النقابه في وقت حرج مو ذنب العمال يعني انتو الي تتحملون هل المسؤولية يعني لا تتضطرون العمال ان يحاسبو نقابتهم


    يعني احنا ناس ديمقراطيين و نمشي مع الشرعية و القانون و القانون خولكم انتو بين العمال باختيارهم لكي تدافعون عنهم في مثل هذه الاوقات و تبينون الحقيقه نريد بيان للنقابة تبين اخر التطورات لحد الان و الخطوات و الاجرائات المتبعه انما تقولي الي فات فات و احنا اعيال اليوم و بنطالب من اول وديد مو حجي هذا كل نقابة تكمل الي بعدها مو ترجعنا لي ورا .


    و اذا كلامنا بالمنتدى مالة صدى عندكم و لا له تاثير يعني تبون نستخدم الطرق الاخرى يعني انتيمع و انروح النقابة عشان بيان توضيحي ولا شلون نثبت حقنه انه احنا طلبنا منكم رسميا هذا التوضيح و البيان الي من اختصاصكم انتم عشان نقدر انحاسبكم او نشكركم عليه و في الجمعية العموميه القادةه بعد سنتين او اقل من هل المده !!!!!!


    و اسف علا الاطالة
     
  17. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    في شى اسمه "جف" لكل وظيفه ، وتقدر تقرا كلامي اللى فات راح تشوفني ذكرت ان شرط السنوات موجود بالجف الجديد ... وانشروه الشباب في المنتدى من شهر 12 وفيه شرط السنوات .. اذا ما تعرف شنو يعنى "جف" فأحب اقولك انه وصف الوظيفه اللى انت ملزوم بأدائها وفيها كل شروطها.

    وصاحبك(حسب شروط درجته) اذا باقيله على 4 سنوات يوم واحد راح يردونه الا اذا عنده خدمة برا الشركه وضافها ... وانا عند كلامي.

    وبعدين مافي احد عدلوله بالسستم من الاب قريد ليلحين يمكن التعديل اللى ذكرته تم على ترقيه عادية.

    دزلى رقمه على الخاص وراح اثبتلك انه ما استثنى من المده وابشر بالكتمان ..
     
  18. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    اخوي حسين اشكرلك مداخلتك .. وأظن شرحت معنى كلمه " اللى فات فات" في الرد على الزميل yn.koc وان طريقه تعامل النقابة السابقه في مفاوضاتها شى مو مهم لنا واحنا طريقتنا تختلف عنهم.. ما دشينا النقابة اندور مطمع كل الهدف ان عندنا طاقة وودنا انوجهها لمصلحة العمال اولا واخيرا.

    ارد اكرر نفس كلامي فوق : ان اى خطأ حدث في السابق راح يتم اصلاحه والعمل مستمر بشفافيه ووضوح باذن الله ... اخطاء غيرنا ما انتحملها لكن راح نجتهد باصلاحها .. وهذا المهم

    ومادرى شنو تقترح اكثر؟؟ احنا متواجدين بالمنتدى لنشر الاخبار والاجابه على الاستفسارات ومتواجدين ايضا بالنقابة يوميا و تواصلنا معاكم بالايميل نفس ما شفت بايميلك.. هذا غير اللقاء نصف سنوى اللى عاهدناكم عليه وراح يتم باذن الله

    اشكرلك مرورك مره ثانية.

     
  19. koc_q8

    koc_q8 بـترولـي نشيط جدا

    188
    0
    0

    صح لسانك يابوعلي
     
  20. koc_q8

    koc_q8 بـترولـي نشيط جدا

    188
    0
    0
    ابو احمد معنى كلامك ان اللي عنده خدمه سابقه راح تشفعله بالنسبه لشرط السنوات او لا
     
جاري تحميل الصفحة...

مشاركة هذه الصفحة