حسافه يا كويت

الكاتب : Blue angel | المشاهدات : 1,053 | الردود : 27 | ‏23 فبراير 2008
  1. Blue angel

    Blue angel بـترولـي خـاص

    حسافة عليج يا كويت



    دخلنا في سنة 2008 .. يعني صار لنا 18 سنة من الغزو .. يعني اللي انولد ذيج الأيام ، تخرج من الثنوية و يبي يدش الجامعة و يبي يتزوج .. يعني فيه جيل يديد طلع .. يعني السنين مرت .. يعني بدينا نكبر و نشيب ..

    خلا هذي الفترة ، جم شغلة تغيرت بالكويت ، نقولها للأمانة:

    فتحنا سوق شرق و المارينا .. و توه هم بطلوا الأفنيوز.

    الجمعيات صارت شوية كشخة.

    المدينة الترفيهية صار فيها قطار ينقلب!

    و يمكن جم إشارة سووها دوار .. و حطوا نفق بالدائري الخامس ، صار له دهر و ما خلص ..

    للأسف ، راحت الأيام اللي الناس كانت تحسدنا لأنا كويتييت ، يوم كنا النموذج ، الناجح و الكل يشوفنا و يقلدنا ، و وده إصير مثلنا ..

    صرنا آخر عمرنا المساكين اللي نكسر الخاطر ، الناس كلها طايرة ، و احنا بالغصب نلحقهم على "عربانة و حصان" ..

    شوفوا الخليج اشلون قام و صار مشاريع و استثمارات و تخطيط و رؤية و تنمية و ناطحات سحاب ، و احنا لما الحين مستانسين على برج التحرير ، لا و ما يخلونا نصعده بعد !!

    في دبي ، بنوا أربع جزر صناعية تنشاف من القمر ، و بالكويت مو عارفين شيسون في فيلجا !

    في السعودية ، بنوا مدن طبية و مستشفيات تخصصية ، و بالكويت لما الحين قاعدين يصبغون مستشفى الصباح و يرقعون الرازي و يطفون الجهرا !

    في قطر ، قاعدين يسون مدينة كاملة للطاقة ، و بالكويت ، و بعز الحر ، كل يوم يدقون علينا ، يبونا نسكر المكيفات عشان ما تنطفي علينا الكهربا !

    حتى المنتخب فشلنا و رفع ضغطنا ..

    مسرحياتنا صارت مليقة ، مسلسلاتنا صارت سخيفة ,,

    و الكويتية إن طارت بالموعد صفقوا للكابتن !

    جسر الصبية خو من انولدت و أنا أسمع فيه ، القدس راح تتحرر و احنا ليلحين نسوي دراسة بيئية حقه !

    الأسعار شبت نار ، و المعاشات ما توكل خبز ، و العيشة كلها أقساط .. بيوتنا أقساط .. سياييرنا أقساط .. حتى حريمنا قمنا ناخذهم بالأقساط !

    و عسى ما صارت عطلة أو إجازة ، إن شاء الله 3 أيام ، شفت الناس كلها هجت و سافرت و الديرة خلت .. و الله ما ينلامون الأوادم ، و ين نبيهم يروحون الجزيرة الخضرا ؟؟ و لا النافورة الراقصة ؟؟

    حرام و الله الكويت تصير جذي ، بس تدرون .. المشكلة مو فيها ، المشكلة فينا !


    بقلم دكتور كويتي


    منقول و الله لما وصلي هالايميل عور قلبي و صج حسافه يا كويت
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    فعلااا كناا في قديم الزمان يطلق عليناا "دره الخليج"
    أما الاآن فا أعتقد يطلق علينااا "تخلف الخليج"
    الدوول تبني مجمعاات وجامعاات وكلياات ومستشفياات تفيد الشعب
    وتظهر وزااراات حديثه تعااصر الكوكب الحديث ومتطلبااات الدوولة
    أما نحن فماذا نبني
    مطااعم مجمعات الأسواق
    بكل منطقه ممشي معا ان الشعب ما يمشي كل قااعد
    والله علي قوولتج """ حسافه يا كويت """""

    مشكوورة يا ملاك المنتدي علي الطرح الهاادف والذي فعلاا وصلناا الاا حاال لا يحسد علييه
     
  3. Blue angel

    Blue angel بـترولـي خـاص

    ألف شكر لك يا جونم و يعطيك ألف عافيه على مرورك الكريم :)
     
  4. كي او سي

    كي او سي بـترولـي خـاص أعضاء الشرف

    هذا نفس كلامي وتفكيري بالضبط

    لو تعرفون هالدكتور وتعطوني رقمه وايد زين علشان يصير رفيجي:)

    يمكن نطلع بحزب يديد
    :p

    والله صج عوار قلب

    وما ابي اتكلم بهالموضوع واتعمق فيه لاني راح اعور قلوبكم وايد

    اللي ابي اعرفه

    هالفلوس وين تروح

    ومشكوره بلو انجل على هالموضوع الطيب
     
  5. Safety First

    Safety First بـترولـي خـاص أعضاء الشرف

    أشكرج جزيل الشكر لهذا الموضوع اللي فعلا والله يحزبالخاطر ...فعلا الدنيا في تقدم واحنا لاورا ولاجدام مكانك راوح

    هل في أحد فينا سأل ليش صار فينا جذي ؟ وليش احنا تغيرنا ؟ وليش ايضا قبل نسمع بالجريمة بالسنة مره والحين اذا يوميا ماسمعنا نستغرب! وليش وليش .....الخ

    السبب أختي العزيزه بأن الكل قام يفكر بنفسة وبس ودخول عادات الغرب أثر بنفسياتنا وخلانا شبه أنطوائيين

    وحتى التجار قاموا يستثمرون بالخارج ويدعمون الغريب ويتركون القريب!!!

    الكل نفسي نفسي

    والله المستعان

    اللهم أحفظ ديرتنا من كل مكروه

    موفقين...
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    هذا غيظ من فيض ، و شاللي قاهرنا يا الكويتيين و مخلي بقلبنا الحسرة غير حزننا على حال البلد و توقف النمو شبه نهاءي فيها ؟

    الشعب ما تنقصه الخبرات و المبدعين لكن تنقصنا وضع الخطط المناسبة و وضع الشخص المناسب في المكان المناسب

    و شوية ضمير و تخفيف التنفيع على حساب البلد
     
  7. بلبل عنقريزي

    بلبل عنقريزي بـترولـي خـاص

    2,187
    0
    0
    تصدقين ياملاك مع ان الموضوع واقعي وصح
    بس ضحكت وايد والله مادري ليش كأن اللي قاعد يصير فينا مسرحيه !!

    والله صج اللي قاعد يحصل مسرحيه بس صج وقائعها

    وعلى فكره اختي ملاك المستشفيات وصيانتها ترى تبرعات من اهل الخير :) يعني مو حكومه بليز مانبي تزوير ملاك ههههههه

    صج كل شي صار تبرعات من اهل الخير وافراد

    يعني الحكومه بالعربي توزع الفلوس بره وانتوا استريحوا

    الله يكون بالعون
     
  8. Blue angel

    Blue angel بـترولـي خـاص


    ما عندي رقمه و لا اعرف منو :) ، اي و الله هالشي يعور القلب بس شنو نسوي نظل نحب الكويت ، مشكور على المرور و ان شالله الله يفرجها و يتغير حالنا :)
     
  9. MAB12

    MAB12 بـترولـي مميز


    الظاهر ماسمعت بالمثل اللي يقول ( عين عذاري....... وانت كمل )
     
  10. Blue angel

    Blue angel بـترولـي خـاص


    اي و الله كلامك عدل 100 % ، اللهم امييييييييييين يا رب ، و مشكور على مرورك الكريم :)
     
  11. Blue angel

    Blue angel بـترولـي خـاص



    الله كريم عبدالله و الله سبحانه تعالى يحفظنا من كل شر ، يعطيك العافيه على المرور :)
     
  12. Blue angel

    Blue angel بـترولـي خـاص

    لووووووووووول ان شالله ماراح ازور مره ثانيه ، الواقع يضحك و يبجي بنفس الوقت ، الله يعينا ديرتنا ماشيه على البركه ، مشكور على المرور :)
     
  13. MAB12

    MAB12 بـترولـي مميز

    كلام يحز بالخاطر

    قبل الكويت نفس ماقالوا الاخوان ( درة الخليج ) والحين ولا شي بالنسبة للدول الثانية او بالاصح ولا شي بالنسبة لامارة دبي ( مابي اقارن بدولة )

    قبل الدول تتسلف من الكويت عشان تبدى عملية التطور والتنمية والكل تطور اللا احنا ( مكانك ثابت )

    الخلل فينا احنا يالشعب وصلنا ناس للمجلس هدفهم الاستفادة الشخصية .... والتنفيع

    ليش مافكروا بأشياء تنفع الشعب مثل :

    1\ بناء مجمع طبي متكامل بدال لا يرسلون الناس للخارج

    2\ جامعة حكومية بدال الجامعات الخاصة اللي مصاريفها زايدة

    3\اعطاء الفرصة للمستثمرين الصغار يحققون نجاحهم بمشاريعهم اذا تعود بالنفع للدولة

    4\يسوون لنا مطار يفتح النفس

    5\ هذا اللي عندي ........ انقهرت


    شاطرين لي يصارخون نبي زيادة ( على شنو زيادة عشان قوطي قيمر ولا قوطي روووب )

    حساااااااااااااااااافة ياكويت
     
  14. Blue angel

    Blue angel بـترولـي خـاص


    اي و الله عطونا هالزياده عشان نسكت عن اشياء ثانيه ، الله كريم و يفرجها علينا و يحفظنا من كل شر :) ، مشكور على المرور و سلامتتتتتك من القهر
     
  15. تايتنك

    تايتنك بـترولـي خـاص

    1,239
    0
    0
    الحفات العرات يتطالون في البنيان من علامات قرب الساعة
     
  16. Blue angel

    Blue angel بـترولـي خـاص

    اكيد تايتنك كلامك عدل ، و مشكور على المرور :)
     
  17. نفط خام

    نفط خام بـترولـي نشيط

    121
    0
    0
    الكويت دره وتبقى دره واللي مو راضي يروح يدور له دره يمكن تترس عينه
     
  18. مواق

    مواق بـترولـي مميز

    501
    0
    0
    لو انتي كاتبة الموضوع صدقيني راح تبدعين وتتميزين اكثر من الدكتور الدايخ صاحب الخرابيط هذه .
     
  19. Blue angel

    Blue angel بـترولـي خـاص

    يعطيك العافيه نفط على المرور ، بالبدايه الموضوع ما تناول مسأله حب الكويت لانا كلنا نحب الكويت و نحب ديرتنا و مالنا غنى عنها و مو مسأله مو عاجبتنا ، من كثر حبنا لها نبيها تكون دايما متطوره و في مصاف الدول المتقدمه و اذا انتقدنا بعض الامور اللي قاعده تصير مو معناته ما نحبها و مو تارسه عينا، الله يحفظها لنا يا رب :)
     
  20. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
جاري تحميل الصفحة...

مشاركة هذه الصفحة