سؤال للاخوانه الكبار دليهي الهاجري و حمد شافي

الكاتب : حسين اشكناني | المشاهدات : 1,411 | الردود : 14 | ‏23 فبراير 2008
  1. يا الربع تكفون الي له علاقه بالاخوان حمد شافي الهاجري و دليهي الهاجري بوسعد بيض الله وجيهم الي ماقصرو و وعودهم صارت بالقريد لاخوانه العاملين و في ال5 دوائر و الصيانه و راهم . ( ما عدا المضلومين :) )


    قبل الجمعية العموميه الاخ حمد شافي انا مكلمه بنفسي محد قالي سالته عن عدد سنوات الخبره الي تداولوها الربع قبل الانتخات قال ماكو حجي دعايه انتخابيه و كلام فاضي و من هل القبيل مافيها مساوات و ماصار جذي بالمحادثات و الاتفاقيات و كل الكلام الحلو الي قاله لي .


    في يوم الجمعية العموميه سال الاخ دليهي الهاجري عن نفس الموضوع و قال كلام فاضي و الخ ماكو اوراق رسميه عندنا اوراق نحجهم فيها بالاتفاقيات و الكل كان موجود و سمع الكلام الحلو ز



    بعد الجمعيه العموميه و الانتخابات .


    بدو يوقعون الشباب و طلع في قانون من مؤسسة البترول انه مايصير بين قريد و قريد الا سنه امنه بالله .


    قالو في سنوات خبره 6 سنوات حلو قلنا ضحلو قالو الي عنده خبره بره الشركة في مكان الفلان و العلانتاني يمشونه

    انزين ما عرفنا طقاقنه منو بس الي عرفناه


    انه ماكو قريد 13 للابريتر 2 الا بال2010 بعد ما تكمل 6 سنوات خبره علا الاقل من العمال الجدد اخر التوضيفات .

    ولا اكو فورمن بياخذ 12 الا بعد سنتين .




    ابي اعرف منو المسؤول الحين منو الي مشا هل السالفه .
    اكيد وايد ناس من الي راح يشوفون هل الموضوع يعرفون الاخوان بو شافي و بوسعد وصلولهم هل الحجي ابي اعرف ردودهم بس .


    و ابي يقولولي الشباب احنا غلطانين ولا لا
     
  2. .K.O.C

    .K.O.C بـترولـي نشيط جدا

    454
    0
    16
    No Comment


    إنت بس أشر ودلني على اللي مضايقك
     
  3. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    للأمـــــــــــانة الموظفيين المظلوومين أنصدمووو بهذاا القراار المفااجئ
    والي أعتقد أنه ظهر من السهل الممتنع للأداارة
    وأنشالله تكوون النقاابة عند حسن الظن وتحااول أتصحح هذا القرااار بشتي الطرق
     
  4. koc_q8

    koc_q8 بـترولـي نشيط جدا

    188
    0
    0
    السلام عليكم ورحمة الله

    صبحكم الله بالخير ياشباب

    بالنسبه للمشكله اللي صايره والله العظيم أنها سببت أحباط على الموظفين اللي ماوقعوا الاب قريد . قبل الأنتخابات سمعنا كلام واللحين طلع لنا كلام ثاني .. يعني السالفه كلها مافيها عدل .. انا عندي خدمه 7 سنوات قبل الشركه واللحين صارلي 3 سنوات بالشركه والأخوان يقولون لازم يكون لك خدمه بوزارة الكهرباء .. شنو هالمسخره وشمعنى وزارة الكهرباء علشان عندكم جم واحد تبونه كان يشتغل بالوزاره والله العظيم عيب واقسم بالله عيب .. واللحين الدور يرجع للنقابه لازم تشوف لنا حل بسالفة الخدمه هذي ومو لازم تكون في وزارة الكهرباء ومو لازم خدمه أصلاً شلون انا اوبريتر تو قريد 12 ومعاي واحد نفس المسمى قريد 13 تعالوا فسروها شلون ؟؟؟


    يالنقابه شدوا حيلكم وخلوا الفرحه تعم الموظفين

    واسف على الأطاله
     
  5. fawaz79

    fawaz79 بـترولـي نشيط

    140
    0
    0

    تصحيح بسيط ماكو قريد 13 للابريتر 2 الا بسنه 2011 شهر 2 لللي دشو سنه 2005 شهر2 مثلي واعتقد مثلك :)

    الله يكون بالعون
     
  6. كي او سي

    كي او سي بـترولـي خـاص أعضاء الشرف

    يبه

    هذي تغيرات ادارية بحته جايه من الادارة العليا

    والا معقوله 3 او 4 جريدات ياخذهم الموظف بثلاث او اربع سنين

    انا بصراحة مع هالنظام

    انزين اخذت كل اللي تستحقه من قريدات وصرت 13 وبتقعد طول عمرك 13

    طبعا لا اكيد لسانك بلعلع وتبي ال 14 وبعدين 15 ووراها 16

    انزين شخليتوا حق اصحاب الشهادات اذا الكل يبي يوصل الى هالمرتبه (ترى شهادتي دبلوم علشان لا تقولون شايف نفسه)

    الادارة السابقة كانوا يبون يفيدون ربعهم وقاموا يغيرون بالقوانين

    وهذي الادارة تبي تحاول تعدل شوي

    وانتوا صرتوا المظلومين اللي بنظرهم مستفيدين

    وبصراحة انا معاهم

    لان معاهم حق

    اشعدعوه صواريخ

    صج الكويت صارت مخامط

    اعطيكم شغله بس فكروا فيها

    موظفين الوزارات في دول الخليج كلها

    ياخذون درجاتهم كل 4 او 5 سنين مره

    فالشركات اكيد اصعب وخاصة انه شركة بس احنا خلنا نقول شركتنا حكومية

    فهل يعقل انك تاخذ 4 درجات ب 4 سنين

    وسامحوني اذا انا غلطان

    وهذا راي الشخصي
     
  7. تايتنك

    تايتنك بـترولـي خـاص

    1,239
    0
    0
    واحنا البترول متي تشملنا
     
  8. fawaz79

    fawaz79 بـترولـي نشيط

    140
    0
    0

    الله يعطيك العافيه اخوي الكريم

    مع احترامي لوجهة نظرك ...

    اخوي اذا تبي يعطونه كل 4 سنوات قريد عيل راح نطل تقاعد على قريد 11 :)

    وشنو المشكله ان حصلنا على قريد 13 وتمتعنا بالمميزات .... وشو المانع ان نطلب 14 و15 مع مرور الوقت ومع تقدم الخدمه .....

    الاب قريد المفروض انه يكون شامل لجميع الموظفين وهذا ما وعدونا به بالسابق

    وبالنسبه للشباب اللي عندهم شهايد مايطالعون قريد 12 او 13 اكيد اقريداتهم اعلى ولا تنسى بعد الللي عندهم شهاده هم راح يحصلون على الاب قريد

    الاب قريد تسكير فجوه بالقريدات وهالشي جاء من نصيبنا ليش ما تبينا نطالب فيه ....


    وبالنسبه لوظيفتنا لا تستهين فيها وشغلنا يعادل في اهميته صناعه الصواريخ لا وبعد اكثر اهميه

    ولا تنسى بان اقتصاد دوله بكبرها قائم على هذا المجال
    مع الشكر
     
  9. HUMMER

    HUMMER بـترولـي خـاص

    الله يكون بالعون عالقانون الجديد لان في ناس وايد انظلموا
     
  10. كي او سي

    كي او سي بـترولـي خـاص أعضاء الشرف

    كلامك على عيني وراسي

    وحياك الله اخوي العزيز

    انا اقصد ان المفروض حاله حال المهندس، المهندس ياخذ قريدين خلال 4 سنوات

    ولنفترض كل سنتين قريد يعني بياخذون قريد 13 بعد مرور 10 سنوات اذا تعين على قريد 9

    ولا تنسى ان جدامه غير ال 10 سنوات 15 سنه على الاقل


    لا تاخذ الوعد لانك بالكويت وبالاخص انت في شركة تغيراتها الادارية شبه شهرية, وكل واحد يمسك يغير على حسب مشتهاه ومزاجه، انا ياما وعدوني باشياء وايده بس يحطون قوانين تخدم ربعهم مثل الرانكينج او وقت ال اس او بي وغيرها .

    بالنسبه حق اصحاب الشهايد انا مثل ما قلت هذا خطأ بالنسبة للترقيات من الادارة السابقة، اغلبها واسطات بواسطات، وهذا غلط تبيني اقول انه هذا صح، اوكي صح (راي شخصي)
    لازم يكون في اعادة ترتيب بالنسبة للوظائف الادارية والفنية والهندسية
    مثال: قسم فيه 4 سناتر وقسم اخر فيه 4 سناتر ، لو تلاحظ ترتيب المانباور فيه غير كليا ، هذا فيه 4 سنيور فورمان، والقسم الثاني فيه 2 ، وغيرها من الفورمانية والاداريين والمهندسين، كل تيم ليدر صاير فهلوي ويطلب على حسب مزاجه ولا ياخذ براي الاخرين مع انه اجتماعات كثيرة بخصوص المانبور وكلها خرطي بخرطي (سوري على اللفظ)


    يخليك ربي انا ما استهين بوظيفتكم ، انا اللي اقصده بالصواريخ هي كيفية الترقية مثل الصاروخ يعني قريد ورا قريد

    والله اني عارف هالشي ان اقتصادنا من النفط، وهذا المفروض الحكومة هي اللي تعطي اشارة واضحة للمسؤولين لاتخاذ ما يلزم للاهتمام بالموظف وخاصة ابن البلد.

    واسف ان اخطات فهذا رأيي

    ولو بتكلم عن اخطاء الادارة والله اني راح احتاج 100 اجتماع وكل اجتماع 6 ساعات بالقليل

    ملاحظة : كل لون ردّه باللون نفسه

    وشاكرلك
     
  11. fawaz79

    fawaz79 بـترولـي نشيط

    140
    0
    0


    هلا وغلا اخوي الكريم

    صحيح ان في اخطاء كثيره وكبيره وشغلات الظلم مثل الراكنج المتقلب اللي يتغير نظام نقاطه مع مصلحه الاشخاص المرادين ..... انا واحد من عده اشخاص تضررو من هالشغله

    بس هم اخوي كل واحد يدور مصلحته ويبي الخير لنفسه قبل لا يبيه للغير وهذا طبع الانسان فلذلك مو معقوله تبينا نرضى بان يتم التعديل على انظمتهم ولوائحهم على احسابنا خصوصا عقب ما الطيور طارت باأرزاقها

    والمشكله هم لو بغو يعدلون على القوانين واللوائج تلقى يلتزمون بالقانون الجديد علي اقصد على الفقاره وعند وصول احد من اللي يبونه يغيرون القانون علشان يتناسب مع حاله اللي يبونه ولمن يخلصون يرودوونه علينا احنا الفقاره

    الله كريم

    وبخصوص موضوع الصواريخ اسف ان استعجلت وفهمت الموضوع بشكل خاطيء

    والسلام
     
  12. السلام عليكم الشباب الي ردو علا الخ الكريم كي او سي كفو ووفو .


    و انا احترامي الكبير للاخ كي او سي لانه طرحة راقي و واسلوبه يزيدني احترام فيه و في اسلوبه و نقاشه جميل .


    بعد هذه الديباجة :)


    اقولك اخوي اخطاء كثيره بس بالنسبة للقريد الي اقر حاليا هذا حق مكتسب لي و يجب علي الدفاع عنه اولا و نحن لا نقارن باخواني اصحاب الشهادات اهم لهم دوائر و لهم قريداتهم كيفهم و اهم القريد مفتوح لهم لي 16 و 17 و فوق و المتميزين مهم و الي عندهم واسطات يصعدون الى اعلا المراتب الله يهنيهم اتعبو و اجتهدو في حياتهم الدراسيه و انشاء الله يجتهدون في مجالهم العملي والله يوفقهم .


    احنا ما راح انطالب في 14 الا في وجود شاغر في الابريتر ون علا حسب الرانكنج الي محطوط و امرنا لله :)


    و الله كريم و ايدك معانه خل ناخذ قريدنه :) مضلومين احنه ترا :)
     
  13. كي او سي

    كي او سي بـترولـي خـاص أعضاء الشرف

    والله اني بدعي لكم ليل ونهار علشان تاخذون حتى قريد 15 و 16

    بس لازم يكون في سياسة واضحة ونظام معين للترقيات

    اخواني

    انا قاعد اقول هالكلام مع اني ترى مظلوم مثلكم

    انا تعينت في 94 قريدي الحالي 11 اداري (ادري بتقولون اداري وقاعد يناقشنا) انا اريد اوضح بعض القوانين فقط لا غير

    ربعي اللي معاي الغالبية 12 ومنهم 13 و 14

    اللي تعينو بعدي يعني في 1998 و1999 و 2000 وفي بعد 2001 و 2002 اغلبهم ان لم يكن كلهم قريداتهم 12

    واتمنى ان يرى اصحاب الصلاحيات هذه المقالة ويراسلوني على الخاص علشان يعرفون اني استحق او لا

    مع العلم بان اخر ثلاثة اس او بي فري جود + ، اوت ستاندينج، اوت ستاندينج

    واخذتها بفضل الله ومجهودي وليس منه او فضل من احد

    وهذي الكويت وصل على النبي

    وشاكرلك احترامك مما يزيدني احترام شديد لك
     
  14. hassankoc

    hassankoc بـترولـي خـاص

    ى ا
     
    آخر تعديل: ‏25 فبراير 2008
  15. ثامر الخالدى

    ثامر الخالدى بـترولـي نشيط جدا

    393
    0
    0
    دايما مستعجلين ...اللى قبلنا تقاعدوا ولا شافوا ورقه القريدات

    والحين ..يوم وترك توقع قريد ...احمدوا ربكم تعيينكم الحين

    اخذتوا تعب الاولين ...
     
جاري تحميل الصفحة...

مشاركة هذه الصفحة