هجوم كاسح على النويصيب :)

الكاتب : q8security | المشاهدات : 713 | الردود : 9 | ‏22 فبراير 2008
  1. q8security

    q8security بـترولـي خـاص أعضاء الشرف

    السلام عليكم ورحمة الله وبركاته


    أخواني


    بعيدا عن أخبار الزيادة وضغوطات العمل


    قررت السفر عن طريق النويصيب من باب التوفير :d وبما أن السفره يومين

    لأفاجئ بامتداد طوابير خارج مركز النزيصيب لمسافة تزيد عن الكيلو والنصف


    وأنا أقول الله يستر شكله بدقها فوق تحت وأرجع بس عالق بالزحمة و الخطوة بساعه






    وأنا أتسائل هنا هل جبل الكويتي على حب السفر


    سؤال يتكرر دائما في مثل هذه المناسبات




    مع تحيات مراسل المنتدى من


    منطقة هجوم الهجوم:d:d:d


    وإنشالله نشوف ردودكم أخواني الكرام


    كويت سيكيورتي
     
  2. كي او سي

    كي او سي بـترولـي خـاص أعضاء الشرف

    الكويتي ما عنده مكان يروحله بديرته بسبب نقص الاماكن السياحية او المهرجانات الترفيهية اللي المفروض تكون ما تخليك حتى تفكر انك تطلع من الديرة

    انت شايف هلا فبراير

    واشلون ما تبيهم يسافرون بره

    وبالنسبه لمنفذ النويصيب

    اعتقد هناك عيب في التصميم ولازم يفتحون كاونترات اكثر لان اغلب الشعب الكويتي يستخدم طريق النويصيب للسعودية والبحرين وقطر والامارات شبه يومي بسبب القرب

    بس السالمي قليل من مستخدمي المنفذ

    قبل نهاية عطلة الربيع بثلاثة ايام كنت رايح البحرين بسيارتي

    ومن وصلت حدود السعودية - البحرين

    والله اني فكرت ارجع الكويت بسبب الزحمة

    ما ابالغ اذا مو اكثر من 3 كيلوات

    مع ان البحرين مافيها شي الا اماكن ترفيهية قليلة

    بس تعرف اشلون تجذب العائلات مو اهني طيح الله حظهم

    6 ما ادري 7 سنين ينظمون هلا فبراير كل سنه نفس النسخة ولا جديد
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الكويت بها أماكن قليلة جدا جدا قد تصلح للسياحة و الترفيه ، فلذلك يشن الناس الهجوم على النويصيب و

    على الطيران إلى كل حدب و صوب حسب مدة الإجازة .

    بالرغم من وجود رؤوس الأموال و المبدعين و الهندسة المعمارية الحديثة إلا أن تجارنا قد بخلوا علينا بالإستثمار في الكويت بينما ذهبوا

    لخارج البلاد و أنشأوا فيها و ساهموا في بناء المراكز الضخمة و المعالم الجميلة.
     
  4. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
    اخوي كويتي سيكيورتي


    صح كلموني قالولي زحمه في النويصيب

    بس انا بسإلك اشعندك امسافر !!!


    وجوابك هو من ضمن احد اسباب حب الكويتين للسفر في العطل الرسميه
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait
    استغرب طريقة توسعة المركز

    اول مره اشوف توسعه بالطول

    المفروض تكون توسعتهم بالعرض

    الطريقه السليمه للتوسعه تدخل السياره وتطلع من المركز على شكل مسار واحد لا تروح لا يمين ولا يسار الى ان تطلع
     
  6. أحــمــد الــعــيــد

    أحــمــد الــعــيــد نـقـابـة الـمؤسـسـة أعضاء الشرف

    موضوع حلو بصراحه يعني انا انسان من هواه السفر بالسياره طبعا السفر بالسياره فى البلدان العربيه تشوف العجب فيها بالنسبه للكويتين انا اقولكم ليش الزحمه هذى انا بتكلم مو عن عطله هلا فبراير خل نتكلم عن عطله الصيف مثلا خل اى واحد فيكم اول العطله الصيفيه يحاول يحجز تذكره بالطياره ويسافر والله يا جماعه اذا ما عندك مكتب سفريات يدفع ( رشوه ) لشركه الطيران طبعا انسى تسافر وثاني شى بالنسبه حق العايله اللى تتكون من 6 اشخاص او سبع اشخاص وتلقي رب الاسره حالته الماديه متوسطه والريال يبي يفرح عياله طبعا راح يروح المسكين عن طريق البر والله يحفظه بصراحه بالطريج طبعا الريال استعمل البر علشان يوفر بالمصروف بس المسكين ما يدرى اذا راح الخليج اطلعت عليه السفره اكثر من بيع السوق واذا راح دول الشام الله يعينه على بلواه من اعصاب ومعامله سيئه ورشاوي علشان تسهل امورك واذا قعد داخل الكويت الحبيبه الله يكون بعونه غبار ورطوبه وحنه اليهال يبون يطلعون كل يوم ومافي امان سياحيه بصراحه الواحد يروحلها حتي منتزه الخيران اللى انتهي صلاحيته غالى عليه السعر ومافي حجز وكيمنسكي ماكو حجز يعني كل مكان محجوز وين يروح ماله الا البحر والبحر للاسف ماعندنا قوانين بحريه تحمي رواد الشواطئ اللى عندهم جت سكي مقرب على الشاطي ووده لو يحصله انه يسوق الجت سكي على الرمل وكل يوم حادث ومأساه
     
  7. HUMMER

    HUMMER بـترولـي خـاص

    سفره سعيده.. واحسب حسابك مره ثانيه روح الفجر ماكو احد

    واللي بالجمارك مالهم خلق
     
  8. q8security

    q8security بـترولـي خـاص أعضاء الشرف

    الله يسلمك وشكرا شكرا على ردودكم

    سفرتي كانت سريعة لحظور إحدى المناسبات

    وللعلم المشكلة ليس بالجوازات المشكلة بالجمارك وضيق المركز كما

    ذكر الإخوان


    من الساعه 3 وكم دقيقة الى الساعه 7ونص تقريبا يالله طلعت


    والأغرب أن المركز السعودي لم يستغرق معانا

    ربع ساعه فاتحين كباينهم وفيه سلاسه في التعامل

    لأول مرة يحدث

    وكأن الآية إنعكست


    وتقدرون تستفسرون من أصدقائكم اللي كانو مسافرين في نفس الوقت وتتأكدون




    مع تحياتي
     
  9. عبدالله العصيمي

    عبدالله العصيمي صــحــفــي أعضاء الشرف

    موفق يا الغالي وماتشوف شر..
    والحمدلله على سلامة العودة
     
  10. q8security

    q8security بـترولـي خـاص أعضاء الشرف

    الله يجزاك خير يابوعيسى

    نورت الموضوع أنت والأخوان

    :)
     
جاري تحميل الصفحة...

مشاركة هذه الصفحة