الكادر والعاملين في الخفجي ( موقفنا من الإعراب)

الكاتب : الشيبة | المشاهدات : 2,041 | الردود : 36 | ‏22 فبراير 2008
  1. الشيبة

    الشيبة بـترولـي نشيط جدا

    233
    0
    0
    أسعد الله أوقاتكم جميعاً

    يا جماعة إحنا ( موظفين الخفجي ) شنو موقفنا من الإعراب بالنسبة للكادر اللي تم إقراره ... يعني اللحين إحنا معلقين ماعندنا نقابة رسمية إطالب !

    إللي عندا أي أخبار ياليت يفيدنا فيها


    من ناحية ثانية ... هل الكادر غير ال120 ؟؟؟

    وشكراً
     
  2. Winchester

    Winchester المـراقب الـعـام

    السلام عليكم ورحمة الله وبركاته


    اخي العزيز .

    هذي مطالبه اليوم لموظفين الخفجي من قبل نقابة نفط الخليج , ونتمنى أقرارها أسوة بزملائهم في نفس القطاع .

    اما بخصوص 120 فهل راح تشمل موظفين القطاع الحكومي ؟؟

    نقول ان شاء الله مع ان لي الحين ما فيها قرار واضح من قبل الحكومة كلها جم يوم وتتضح الرؤية زيادة .


    [​IMG]
     
  3. الشيبة

    الشيبة بـترولـي نشيط جدا

    233
    0
    0
    هلا مرحبا أخوي ...

    القرار السابق اللي تم سحبه كان مستثني العاملين خارج الكويت ( حسب علمي )

    الآن يقال أنه تم القيام بتعديلات بسيطة على قرار يوم أمس
     
  4. جابر

    جابر قــلــم بــتــرولــي أعضاء الشرف

    هلا بالشيبه :)
    حسب علمى ، القرار كان (ولايزال) مستثنى الخفجى من الزيادات على الراتب الأساسى ...
    فيه لخبطه كثيره فى الموضوع .... أحسن خبر سمعته إن العلاوه التشجيعيه راح تحوشنا لكن زيادة الراتب الأساسى لا ...
    للعلم قبل كم شهر ... كان فيه لقاء لفيصل الجدى يقول فيه إن سمو رئيس مجلس الوزراء أعطى تعليماته للعليم بأن الزياده تشملنا بدون نقصان ....لكن إعلان اليوم ...يثبت إن السالفه فيها شك .... والا ليش يطالب مدام السالفه منتهيه ؟؟؟؟

    الله يجيب اللى فيه الخير
     
  5. الشيبة

    الشيبة بـترولـي نشيط جدا

    233
    0
    0
    طيب يا جابر علمك بإن القرار كان ولايزال مستثنينا من وين مصدره ؟

    أنا اللي كنت أعرفه أن زيادة الراتب الأساسي إهي اللي بتحوشنا والعلاوة التشجيعية لأ !
     
  6. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    حسب علمي انه في دراسة من قبل السيد محمد الزهراني رئيس العمليات بزيادة شامله لجميع موظفي عمليات الخفجي
    لكن الأخوان في النقابه يبون يشفون هل تكون اكثر من كادر الكويت ولا لا ان كانت اقل طالبو بالكادر الكويتي وان كانت اكثر وافقوا عليها والله اعلم
     
  7. جابر

    جابر قــلــم بــتــرولــي أعضاء الشرف

    مصدرى ..واحد من الشباب ومعلوماته من رئيس النقابه مباشرة....تكلمت معاه قبل أسبوعين .....
    بس هذى مو معلومه جديده ... من أول ما طلع القرار وكان فيه صيغة (داخل حدود الكويت) والشباب يقولون أغسل إيدك من الزياده إلا بمطالبات جديده ...لكن التشجيعيه راح تحوشنا .....

    بما إن القرار المكتوب ثابت وكلنا شفناه والإستثناء كان واضح ...ولا نزل قرار (مكتوب) أخر ... إذا كل شى على ما هو عليه .....


    بس متأملين خير ...وإن كان مافيه شى ثابت وبقرار رسمى ...لا أساسى ولا حتى تشجيعيه ... مجرد سمو رئيس الوزراء وعد وبلغ العليم ...بس مو على ورق ...:rolleyes:
     
  8. جابر

    جابر قــلــم بــتــرولــي أعضاء الشرف

    الدراسه هذى نسمع فيها من سنتين والسبب فيها لما قارنوا رواتب المدراء مع اللى يعادلونهم فى ارامكو والشركات النفطيه الأخرى وشافوا إن مدراء الخفجى يستلمون أقل ......
    الشى الوحيد اللى تك فى الخفجى هو رفع سقف ومتوسط الرواتب 10% لحل مشكلة اللى تجمدت رواتبهم من سنين وهذا تم ودخل النظام وصرف فى رواتب هالشهر .....................

    الأخوان فى النقابه ..مع الأسف .......ضايعيييييييييييييييييييييين ....ولا بيدهم يأخذون لا زيادة الخفجى ولا حتى زيادة الكويت ....الدليل .........مطالبة فيصل الجدى ...اليوم ...بأن سمو رئيس الوزراء يتكرم ويوافق على زياداتنا ..طبعا هذى الزيادات اللى مفروض إن سمو الأمير وافق عليها ....يعنى بالعربى حنا مو وياهم ....

    طبعا فيه نقابه ثانيه ..تنشر أوراق وأحكام .بإنها هى النقابه الرسميه .(العسكر وربعه)..بس مختفيين وناطرين الفرصه ...إذا جت الزياده قالوا حنا جبناها بس شغلنا كان بصمت وإذا فشل فيصل قالوا هو السبب ..........

    مع الأسف إبتلينا بهالناس ... وحقوقنا ضاااااااااااااااااااااااااااااااااااااااااااااعت ......
     
  9. دسمان

    دسمان بـترولـي نشيط

    141
    0
    0
    احمدو ربكم بعد تبون الكادر انتو المفروض اتمشون علاوات حق الشباب ب Knpc الي يكرفون كرف محد يكرفه..... معاشاتكم معاشات وزراء ونواب وتبون كادر......... صج عشنا وشفنا
     
  10. الشيبة

    الشيبة بـترولـي نشيط جدا

    233
    0
    0
    لا حول ولا قوة إلا بالله ... ياأخي عن الحسد
     
  11. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج

    اخي الكريم .. اذا تشوفنا ناخذ اكثر من غيرنا فأنا أقول ...
    1- قوم الساعه 5 او 5 منص الصبح علشان لا تتأخر على الدوام .. هذا الأيام العادية الله يعين اذا فيه اجازة الحدود فل هذا غير اجازة الربيع والحج
    2-قاوم النعاس بالروحة والردة هذا غير الأيام اللي فيها غبار اهلك يحاتون وصلت ولا لا امش شوي شوي وغيره وغيره
    3-رد بيتكم الساعه 4 او 4:30 اذا ساكن بالديرة ما لك خلق تبي تنام تريح جسمك شوي ولا تقاوم ولا تشوف طلبات البيت تقعد مع العيال ولا تروح الدوانية ؟؟!!

    وغيره وغيره ... اخوي اللي يداوم بالخفجي يومه كله رايح على الدوام .. لا ولا اللي ناخذه نستاهله واحنا حالنا من حال غيرنا اللي بالقطاع النفطي ..حياك جرب الدوام عندنا بعدين احكم
     
  12. q8kjoc

    q8kjoc بـترولـي جـديـد

    43
    0
    0


    انت الظاهر ماتستحي على هالكلام وما اعتقد انك عاقل عيب عليك الرازق بالسما والحاسد بالارض انا لله وانا اليه راجعون اخاف ما خذينها من جيبك ولا حلال عيالك ماذبحنا غير انت واشكالك وماقطع المطر والخير الا انت اسأل الله العفو والعافيه يامريض ....................
     
  13. جابر

    جابر قــلــم بــتــرولــي أعضاء الشرف

    حنا حامدين ربنا وشاكرينه ... ما شاء الله توك 16 مشاركه وبلشت تهاجمنا وحنا بينا وبينك حدود دوله ..:D
    على العموم الشباب اللى بال KNPC يستاهلون كل خير ولو بيدنا كان مشينالهم علاوات على قولتك ... :p
    بس ترى معاشاتنا على حسبة 13 ساعه يوميا تقريبا ...يعنى لو أنت تدام 5 ساعات باليوم أوفر تايم وأنت بالأحمدى راح تحصل كثرنا أو حتى أكثر وأنت عند أهلك .. ;)
     
  14. دسمان

    دسمان بـترولـي نشيط

    141
    0
    0
    لاحول ولا قوة إلابالله......ليهالدرجه متضايقين عموما... ابتدي ب q8
    اذا نطق السفيه فلا تجبه
    فخير من اجابته السكوت ...

    ثانيا اخوي واحد فاهم اذا علي القومه الساعه 5 او 5,30 الصبح وترد بيتكم الساعه 4,30 احنا انداوم بنفط الكويت الساعه 5 الصبح قاعدين ونرد البيت الساعه 8,30 باليل ولانأخذ مثلكم ... الله يرزقكم مو حسد بس والله معاشاتكم زينه بالنسبه للقطاع النفطي وروح قيس وشوف... اخوي جابر الله اهديك حاسب مشاركاتي اهي مو عالمشاركات انا من زمان بالمنتدي بس كنت ماأشارك وتوني بلشت علي ماقلت بس مو عليكم هذا رأي انا وطرحته وقابل لصواب والخطأ... بعدين وسعو صدوركم لرأي الآخر ... اظاهر اخوانا السعودين اثرو عليكم حيل الله اعينكم...
     
  15. radar

    radar بـترولـي نشيط جدا

    285
    0
    0
    انشاء الله تشمل الخفجي والمطالبات متابعة من قبل اتحاد البترول منذ البداية ونزلوا اعلانات مدفوعة الأجر خلال الأشهر الماضية والحالية وتصريحات ولقاءات مع ديوان الخدمة المدنية ومجلس الوزراء ومؤسسة البترول الكويتية وكذلك النقابة نزلت توها اعلان بعد قرارا مجلس الوزراء والفرج قريب انشاء الله دام جات الكوادر لباقي الشركات راح تجي انشاء الله للخفجي ، واتحاد البترول يمثله / مطلق غازي العتيبي من الخفجي اللي كل يوم نشوف مطالباته بالصحف واجتماعاته مع القيادات قبل الإقرار وبعده وانشاء الله فالكم طيب وفاله البيرق
     
  16. جابر

    جابر قــلــم بــتــرولــي أعضاء الشرف

    اول شى ...لما أنا قلت هالحجى (عن المشاركات)..كنت (شاق) الإبتسامه ..:D يعنى مو قاعد أهاوش..
    ثانيا إنت ماقلت رأى أنت كنت قاعد تهاجم ... لو كان مجرد رأى ...ما زعلوا الشباب ...:(
    وأخيرا ...إنت مبين عليك من الوفره ;)

    على العموم ...حياك الله ...بس خفف شوى الهجوم ...وحدة اللهجه ...والرأى قابلينه ...حتى لو ما عجبنا ..:)
     
  17. جابر

    جابر قــلــم بــتــرولــي أعضاء الشرف

    يعطيك العافيه على التمنيات الطيبه ...بس للتصحيح ..
    الإتحاد كان مطنش ...والسبب معروف...ورئيس الإتحاد كان يتجنب ذكر الخفجى ..أما ..بو غازى ..صح .فلما طلع بالجرايد مره اللى طافت أعلن بصراحة المطالبة بإرفاق الخفجى بالزيادات....واليوم بس .. أعلن عبدالله طالب بمطالبة بإرفاق الخفجى ....(يمكن لأن العسكر وربعه ربحوا أخر حكم ..;))

    على العموم ما نقول لا ...اللى يجيبها (فعلا) مو سوالف ...راح نقوله جزاك الله خير وماقصرت ...:)
     
  18. radar

    radar بـترولـي نشيط جدا

    285
    0
    0
    اخوي جابر المهم في الموضوع انه تجي الزيادات لأخواننا بالخفجي ثانيا انت ظلمت ابو طالب والاتحاد لأنهم لو ترجع للموضوع العام في القطاع النفطي تلاقي انه نزل اعلان مطالبة فيه الخفجي قبل اسبوع تقريبا نص صفحة وقبله بهر اعلان نص صفحة وتصريحات متفرقة واجتماع الخدمة المدنية كان فيه المطالبة ونزلت بالصحف ومجلس الوزراء اجتماع ونزل بالصحف واجتماع المؤسسة ونزل بالصحف كلها طالبت بشمول الخفجي شنو تبي بعد أكثر ياقلبي
    بفضل من الله ودور الاتحاد الموسع انشاء الله راح يشمل الخفجي والنقابة لو تلاحظ نزلوا الاعلان بالمطالبة بعد قرار مجلس الوزراء وينهم قبل اقرار مجلس الوزراء يا الغالي منو اللي نايم ومتقاعس؟
    نرجو سعة الصدر والكل له دور لازم يأديه واحنا اخترنا هذي الناس يمثلونا ولازم نتحمل اللي يجينا ونعطيهم النصح والطريق الصحيح
     
  19. جابر

    جابر قــلــم بــتــرولــي أعضاء الشرف

    صدقنى ...ما ظلمت أحد ..( على الأقل متعمدا) .....والقضيه لها شهور وأنا أخوك مو أيام ..;)
    ....وعلى كلن الجميع كانوا مقصرين بحق إخوانهم بالخفجى ...وقبلوا يضحون فيهم لما صدر القرار .... وإن كان تقصير بعضهم أكثر وأوضح من بعض .....والكلام طبعا عن الإتحاد و (النقابتين) إن صح التعبير :)

    الله يجيب اللى فيه الخير ...
     
  20. radar

    radar بـترولـي نشيط جدا

    285
    0
    0
    اخوي جابر الحين اللي راح راح وصار المبدأ وتحقق والباقي الخطوات التالية وهي المطالبة واجراء التعديلات --المشكلة موفي الاتحاد او النقابة المشكلة بادارة الشركة اللي لها دور كبير برفع الرواتب وعدم اعتبار الخفجي من ضمن نفط الخليج ولكنهم اعتبروهم سعوديين المييزات وضايعة الطاسة--اهني الخلل بالشركةمن الاساس
     
جاري تحميل الصفحة...

مشاركة هذه الصفحة