صرف منحة السكن للمترقين الجدد باثر رجعي

الكاتب : فيصل الكندري | المشاهدات : 7,907 | الردود : 75 | ‏22 فبراير 2008
  1. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    صبحكم الله بالخير


    بالنسبه للزملاء المترقين الجدد في الاب قريد الى الدرجه 13 وتنطبق عليهم الشروط للحصول على منحة السكن الثانيه او ما يسمى مجازا ببدل الايجار ..

    للعلم ان منحة السكن تمنح (عادة) من نفس شهر توقيع الترقيه او الشهر الذى يليه ولا تصرف باثر رجعي.

    ونظرا للظروف الخاصه للاب قريد حيث ان الموظف يمنح ترقيه -وفق قرار ادارة الشركه-اعتبار من 1/11/2007 فقد قامت النقابة بمناقشة موضوع منحة السكن مع الاخوة في فريق عمل شئون العاملين (الاسكان) وتمت الموافقه على صرف البدل بأثر رجعى لمستحقيه من 1/11.


    كل الشكر لتعاون الزملاء في قطاع الاسكان ...


    ونبارك مره اخرى للزملاء المترقين
    :)



    الاوراق المطلوبه للحصول على منحة السكن (بدل الايجار):

    - لمن يهمه الامر من بنك التسليف
    - لمن يهمه الامر من التوثيق العقارى في وزارة العدل (مجمع الوزارات)
    - لمن يهمه الامر من ادارة نزل الملكيه (بجانب بيت التمويل الرئيسي)
    - تقرير راتب الزوجه او شهادة من التأمينات (اذا كانت عاطله عن العمل او طالبه)
    - لمن يهمه الامر - الاسكان (الدائرى السادس)
     
  2. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
    يعني اللي ماخذين قبل منحه اثاث على قريد 12

    يا خذها الحين بعد ماوقعوا قريد 13

    ابي اعرف اللي يجزاك خير
     
  3. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت


    من جاب طارى منحة الاثاث جزاج الله خير ؟؟

    انا اتكلم عن منحة السكن (بدل الايجار) 150 دينار للى درجته 13 وفوق.

    منحه الاثاث على وضعها السابق وتحتاج مطالبه الى وزير النفط لتعديلها ..
     
  4. كويـ هلاليه ـتيه

    كويـ هلاليه ـتيه بـترولـي مميز

    916
    0
    0
    اها مادري تنحت !!!

    سوري اخوي

    ما قصرت على الإفاده يعني حصلنا منك الحين أفادتين
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait
    اخوي فيصل شلونك يالغالي واشكر تواجدك

    لكن انا عندي استفسار بسيط

    اشوف كثير يتكلمون عن الاب قريد وبالاخير اشوف شروطه وقصته الا قيه ترقيه عاديه ياخذها الكل بعد قريده سنتين

    مادري انا غلطان ولا شسالفة هالاب قريد بالظبط

    مثال مهندس جديد بالشركه على قريد 12 وبعد سنتين اخذ 13 والحين بياخذ 14 بالاب قريد الاخير بسرعه ولا بعد سنتين

    اذا بعد سنتين يعني ترقيه عاديه مافيها اي جديد

    ممكن التوظيح لان ماعندي اي فكره عن سالفة هالاب قريد
     
  6. ملكّع

    ملكّع بـترولـي مميز

    535
    0
    0
    K_O_C
    الله يجعلنا منهم انشالله






    أمين أمين أمين
     
  7. op-2

    op-2 بـترولـي نشيط

    103
    0
    0
    الاخ فيصل الكندري عضو النقابه المحترم:

    اشكرك على توضيح المناسب بالنسبه لبدل الاجار .

    ولكن السؤال المطروح لبدل الاثاث ؟ هل بعد ان تمت الترقيه او الترفيع ( الاب قريد) نستطيع ان ناخذ فرقيه بدل الاثاث ام ما تم صرفه

    لنا من بدل اثاث هو الصرف النهائي لهذا البدل ؟

    ارجو الاجابه وشكرا .

    الله المستعان
     
  8. dehen_3ood

    dehen_3ood بـترولـي خـاص أعضاء الشرف

    يا مال العافية ومشكور وماتقصر على تواجدك المتميز والمثمر اخي الكريم فيصل الكندري
    والله يبشرك بالخير على هالخبر المفرح ..

    ومبروك صرف منحة السكن بأثر رجعي للزملاء المترقين ويستاهلون :)
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    يعطيك العافية أخووي فيصل
    بالنسبة للبدل هل يشمل الي عنده بيت من الشركة ؟ هذا أولاا
    وثانيا مثل ما تفضلو الأخوان فرقية بدل الأثاث هل سوف تصرف للموقعين الجدد للقريد
    ولك خاالص الشكر والتقدير
     
  10. fawaz79

    fawaz79 بـترولـي نشيط

    140
    0
    0
    الف مبروووك

    وعقبالنا ان شاء الله
     
  11. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت


    هلا والله بالزعيم وعاش من شافك :)

    بداية.. في تقييم صار لبعض الوظائف واكتشفوا ان في اعمال يقوم فيها الموظف ومو ملزوم فيه .. وقاموا باضافه هذى الاعمال رسمي له ، ولها حسبه ارقام يقوم فيها فريق تقييم الوظائف لهذى الاعمال (مثلا الدرجه 14 : الرينج مالها 1501 الى 1600 نقطة) ، فاذا مجموع الارقام هذى دخل في الدرجه اللى فوقه ارفعوا تقييمها وسوولها " اب قريد" .. في بعض الفرق تم اضافة الاعمال لها لكن ما تم رفع درجتها لان مجموعها ما دخل بالدرجه اللى فوقها (وهذى احد المشاكل اللى راح تنحل باذن الله).

    في شروط تم وضعها لكل وظيفه من باب التنظيم مو اكثر والمقصد منها ان سالفة الواسطات والترقيات السريعه توقف وان يكون في حد ادنى للحصول على الترقيه بمتوسط سنتين تقريبا وهذى مطبقه من 2001 على المهندسين والمحاسبين وغيرهم من الجامعيين ، وهذى الشروط مع شرط مرور سنه على الترقيه سوت لخبطه بالموضوع ... وقامت النقابة بمخاطبة الادارة بخصوص شرط مرور سنه بين الترقيات وابدت تعاون كبير وجارى مخاطبة المؤسسة لإلغاءة.

    التقييم تم للمسميات الوظيفية وما تم للشهادات .. فالمهندسين والجامعيين عموما ما تم اعاده تقييمهم انما افتحولهم الدرجه 15 فقط بدون اب قريد .. وراح يتم المطالبة لهم باذن الله.
     
  12. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    بعد التسكين وتوحيد سلم الدرجات في 2003 في امور حصلت وماتمت معالجتها بوقتها.. منها موضوع بدل الاثاث.

    في شريحه كبيره من الموظفين في القطاع النفطي ما تم منحهم الفرقيه وتم معالجة الموضوع في 2006 بقرار من الوزير (الشيخ/على الجراح).

    هذا القرار اللى اعتمد في 2006 يمنع الحصول على الفرقيه اذا ترقى اى موظف مستقبلا (اتمنى ان الصورة وضحت)

    وعلاج هذا الموضوع راح يتم بعد تشكيل اتحاد عمال البترول في مارس 2008 .. ويحب حل الموضوع مع الوزير مباشرة بما ان القرار الاول صدر من الوزير ويمس القطاع النفطي ككل وليس شركه نفط الكويت.
     
  13. كي او سي

    كي او سي بـترولـي خـاص أعضاء الشرف

    هلا ومرحبا فيصل

    عندي سؤال

    ليش الدرجة 12 وما تدون ما تشملهم ميزة السكن الاضافية ؟

    وهل عندكم برنامج معين للعمل على شمولها لجميع الدرجات؟

    ومشكور شكر كبير على تواصلك معانا

    وموفق خير
     
  14. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    حياك الله اخوى جونم :)

    في امور تمنع حصولك على منحه السكن (بدل الايجار) وهى :

    -اذا عندك بيت بالشركه. ( هذى مكشوفه من الشركه)
    - اذا عندك بيت حكومة او قسيمة. (هذى تكشفها ورقة الاسكان)
    -اذا ثبت انك مآخذ سلفة 70 الف من بنك التسليف. (هذى تكشفها ورقة بنك التسليف)
    -اذا كنت تملك عقار باسمك(حتى لو ورث). (هذى تكشفها ورقة ادارة التوثيق العقارى بوزارة العدل)
    -اذا كنت تملك عقار وتم تثمينه من املاك الدوله. (هذى تكشفها ورقه ادارة نزع الملكية)
    - اذا زوجتك تستلم بدل اجار من عملها. (هذى تكشفها ورقة تقرير الراتب)
     
  15. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت


    اشكر مروركم ... والساعة المباركه :)
     
  16. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    هلا بالكي او سى

    هذى التوزيعه صادره من مجلس ادارة المؤسسة من سنة 2003 .. وللأمانه ماعندى خبر اشمعنا الدرجه 12 ما تشملهم.

    ونقدر نطرحها على اتحاد العمال الجديد واذا تصير ما راح يقصرون
     
  17. كي او سي

    كي او سي بـترولـي خـاص أعضاء الشرف

    مشكور اخوي ونتمنى فعلا من الاتحاد النظر فيها

    لان بصراحة فيها تفرقه واضحة ما ادري ليش!!!!

    لو انها تطبقت على الدرجة 16 وما فوق لقلنا انها ميزة لاصحاب الدرجات الكبيرة واصحاب الشهادات

    بس وافقت على 13 كمل احسانك وخلها على الاقل من 10 مثلها مثل التذاكر

    والا انا غلطان؟


    على العموم مشكور

    وجزاك الله الف خير
     
    آخر تعديل: ‏22 فبراير 2008
  18. mohammed

    mohammed بـترولـي نشيط جدا

    496
    0
    0
    حياك الله اخوي فيصل شلونك ؟
    الله يبشرك في الخير
    والله هذا الي تعودناه منك المصداقيه
    والشفافيه
    والاخبار الجميله
    الله يجملك
    والله يوفقك دنيا و آخره
     
  19. judgement

    judgement بـترولـي نشيط جدا

    342
    0
    0
    معاين ابار

    اهو لو بس يتقير مسمى بدل السكن في شهادة الراتب إلى اي شي آخر تنحل مشكلة منحت السكن في قريد 13 لأنه وزارة الاسكان تنزلنا 150 اذا ماكان مكتوب بشهادة الراتب اي شي عن بدل سكن
     
  20. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
جاري تحميل الصفحة...

مشاركة هذه الصفحة