ليش مانقدر نكمل دراستنا؟؟؟

الكاتب : Shoomy | المشاهدات : 4,638 | الردود : 79 | ‏18 أكتوبر 2007
  1. Shoomy

    Shoomy بـترولـي خـاص

    السلام عليكم

    اولا" يعطيكم العافيه فردا" فردا" يالقائمين على هالمنتدى وحتى انتوا يالاعضاء
    ثانيا" عندي استفسار بسيط

    ليش ماكو قانون يساعدنا في تكملت دراستنا؟؟
    يعني مومسموح لأي موظف انه يكمل دراسته خلال السنتين الولانيتين
    وفوق هذا عقب السنتين مالك حق بإجازه دراسيه لان الشركه ماعندها هالقانون
    واللي يسمحون فيه بس 30 يوم حق الامتحانات @@!!!!!!
    لا لا ماقصروا بصراحه وبعدين وااايد 30 يوم جان خلوها اسبوع (7 ايام) وكافي
    لا بصراحه يعطيهم العافيه
    ويبون كفاءات ... اي صح ... خير انشالله :cool:

    كل اللي ابيه يوصل يا جماعه الخير ان لازم يساعدونا من هالناحيه ولا مايبون الموظفين يتطورون ويطورون الشركه معاهم وتصير عندهم خبرات وكفاءات؟؟
    ولا شاطرين بس ايبوون هالهنود اللي يقولون انهم دكاتره ( دكاتره في مجال تخصصهم مو دكاتره طب :) )

    المهم شوفولنا حل يا جماعة الخير واتمنى يطلع قرار يديد بهالموضوع لاني سألت وسألت وسألت ... وللحين اسأل :(


    ماطول عليكم زياده وسامحوني عالطواله

    طانكيو :)
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    اختي الكريمه نزلت نشره قبل يومين من المؤسسه بخصوص التفرغ الدراسي
    بس للأسف انه يعطون تفرغ بدون راتب
    هذي النشرة وصلتنا في البترول الوطنيه مادري عندكم اذا نفس الشي او لا
     
  3. Shoomy

    Shoomy بـترولـي خـاص

    هلا كويتي :)

    لا وين ياحظي القوانين اللي انا قلتها هذي عندنا بشركة نفط الكويت

    بدون راتب مومشكله المهم تفرغ دراسي

    الله يكتب اللي فيه الخير

    وتسلم على المرور


    حجزتلي كرسي؟؟؟
    ;)
     
  4. المشاكس

    المشاكس بـترولـي خـاص أعضاء الشرف

    998
    1
    0
    رمانتين باليد ماينلزمون ..... هذا مثل ينقال
    تبون دوام ودراسة بعد ... جان كملتوا دراستكم بعدين توضفتوا ليش مستعيلين على الوظيفه مادامكم تحبون الدراسة ...:)
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    انا اقول كل وااحد يقضب ارضه ويترك عنه عوار الراس
    يا جماعه تبوون شهادة في كلياات يعطوونكم شهايد وانتو ابيتكم بس كل واحد ومده ايده :)
     
  6. Shoomy

    Shoomy بـترولـي خـاص

    @@!!!!

    ليش تحبطون الواحد؟؟؟ :(

    ياجماعه ترا اللي عندهم دبلوم مالهم مستقبل بشركه النفط يعني انا اتكلم عن نفسي وعن وظيفتي ... انا بشهادتي هذي اقعد 8 سنين وانا بنفس الوظيفه ونفس القريد :( الله يرضى؟؟

    ليش ما اطور من نفسي وادرس ... صج انه في عوار راس وعباله ومن هالحجي بس هم الواحد مايقعد طول عمره تحت لازم يصعد فوق

    ولا انا غلطانه؟؟


    عالعموم يعطيكم العافيه ومشكورين على المرور والتعليق

    تحياتي :)
     
  7. dehen_3ood

    dehen_3ood بـترولـي خـاص أعضاء الشرف


    انا اشوف إن بالنسبة لشهادات الدبلوم بالشركة أفضل مكان لهم هو الـ HR
    على الأقل يقدر يوصل حامل الدبلوم لي قريد 14 و 15 غير جذي يطحس ابمكانه !!

    وسمعت انهم بسوون Upgrade حق الدرجات 13 وما دون الإدارية وإن شاء الله يكون لكم من الطيب نصيب :)
     
  8. الفيصل

    الفيصل بـترولـي خـاص أعضاء الشرف

    السلام عليكم


    انا من الناس اللي ادرس بالخارج واشوف 30 يوم مو ملحقة معاي الله يسلم الرصيد اكمله عليها

    مثل الاختبارات الكورس الاول تقريبا 22 يوم يعطوني قبل الاختبار بيوم وبعده بيوم يعني راح 24 يوم

    ويبقي 6 ايام حق الكورس الثاني اكمل عليه برصيد اجازاتي الخاص تقريبا 17 يوم


    انا اشوف لو يزيدون اجازة الاختبارات افضل على اقل يبقي لتا شي من الاجازات



    مع التحية
     
  9. Winchester

    Winchester المـراقب الـعـام


    أختي ترى ال 30 يوم ان شاء الله مع شوي من اجازتج تقدرين تصيرين جامعيه بتقوليلي شلون

    بقولج نفس غيرج الحين قاعدين يدرسون بمصر يروحون مرة وحدة بالسنه ومعترف فيه من قبل التعليم العالي وتخصص محاسبه او ادارة اعمال .
     
  10. Shoomy

    Shoomy بـترولـي خـاص

    مــــــــــشـــــــــــــكــــــــــــــــوريــــــــــــــــن على الردود جميعا ويعطيكم الف عافيه

    والله انا ادرس هني بالكويت بأحدى الجامعات الخاصه بس اواجه مشاكل في ان بعض المواد ماتنزل العصر عشان جذي انا اسال عن الاجازات الدراسيه

    عالعموم مشكورين وماقصريتوا :)
     
  11. SMART_BOY

    SMART_BOY بـترولـي نشيط جدا

    189
    0
    0
    اي والله جيتو على الجرح

    السلام عليكم

    والله جيتو عالجرح يا جماعة ..

    والله ودنا يصير عندنا ماجيستير ودكتوراه .. وأكثر من وحده ... بس وين الدعم؟! المالي والمعنوي؟!

    إذا جيت تبي تروح ... والا مافي فلوس؟!!

    وإذا انحلت مشكلة الفلوس .. جات مشكلة الاجازة ؟!

    وأذا خذيت اجازة ورحت تدرس .. تجي تلقى المتردية والنطيحة وما اكل السبع وما ذبح على النصب ... كلهم صاروا (تيم ليدرز) و (سينيرز) .. وانت لا الحين بمكانك ..

    والله جيتو عالجرح



    لكن سمعت إن الشيخة شذى الله يوفقها .. قدمت مقترح بدعم الدارسين دراسات عليا وبكاليوس الظاهر بعد بمبلغ وقدره 5000 دينار. وقريت الاقتراح يعيوني وموقع.

    وعساهم يوافقون عليه.



    ومشكور على الموضوع اللي خليتنا نفضفض فيه
     
    آخر تعديل: ‏20 أكتوبر 2007
  12. Shoomy

    Shoomy بـترولـي خـاص

    هلا والله سمارت بوي

    تسلم على هالاخبار السنعه والحلوة

    وانشالله انشالله يطلع قانون يدعمنا من ناحيه الدراسه

    والله يوفق الجميع انشالله
     
  13. SMART_BOY

    SMART_BOY بـترولـي نشيط جدا

    189
    0
    0
    آآآآآآآآه يا شومي

    يا رب يارب
     
  14. Shoomy

    Shoomy بـترولـي خـاص

    أووفيييييييييييييييييييييييييييه ليش ليش ليش؟؟
    والله الدنيا ماتسوى ولا حتى الشركه تسوى

    لاتهتم اذا ماطلع قانون يدعمنا ويساعدنا الحين بيطلع بعد سنه ولا سنتين

    انت عليك الحين تقدم على المكان اللي تبيه وانشالله يطلع قبولك وبلش دراستك عادي ولاتستعيل ترا كل تاخيره وفيها خيره ياخوي

    وبالتوفيق ياسمارت
    ومثل ماقلتلك لايهمك ;)

    تحياتي : اختك شومي :)
     
  15. SMART_BOY

    SMART_BOY بـترولـي نشيط جدا

    189
    0
    0
    والله يا شومي

    أنا تخرجت من الجامعة الأولى في آسيا

    63 على العالم

    ابتعثتني وزارة التعليم العالي نسبتي كانت 97,8

    وحصلت قبولات في القطاع الخاص والجامعات

    لكن كان نجم الشركة يلمع ... وتحمست

    قلت اصير ام دي والا تشيرمان


    وناطرين يمكن يصير اللي بدنا ياه
     
  16. Shoomy

    Shoomy بـترولـي خـاص

    أخييييييييييييييه



    اول شي ماشالله ماشالله ماشالله

    اللهم لا حسد

    تف تف تف ... عن الحسد مو الحين تروح تشتكي علي تقول شوم تفلت عليي مثل ماسووا ناس من قبلك مع اني ماقلت اللي اهم قالوو
    بس حسبي الله ونعم الوكيل

    انا شفيني شطيت عن الموضوع

    اي صح تذكرت
    والله ياسمارت تستاهل كل خير والله يوفقك انشالله ومنها للاعلى وانشالله نشوفك على يوم ماسك جذي منصب عوود بالشركه واصير انا سكرتيرتك ( رازه ويهي مو ؟؟؟ ) ولا ايي وابي منك شغله وتقولي مشغول مشغول ولمن ادق عليك تسده بويهي ولا تحوله مغلق ولا كلش كلش مغير الرقم

    كااااااااااااااااااااااااااااااااااااااك خيالي واسع والله

    الله يوفقك ياسمارت والله يسهل دربك انشالله
     
  17. مساير الوقت

    مساير الوقت بـترولـي جـديـد

    3
    0
    0
    اخوى ممكن تزودنى بنشره من الكتاب لانى اول مره اسمع فيها
     
  18. الولدالذهبى

    الولدالذهبى بـترولـي نشيط جدا

    192
    0
    0
    متى نكمل دراسه
    والا شنو أخر دفعه راحت بعثه دراسيه من الشركه
    سنة 93
    والمشكله اهم للحين لا طورو ولا تطورا
    بس زادت عدسه النظاااره شوى
    :)




    وبس
     
  19. Shoomy

    Shoomy بـترولـي خـاص



    اخوي مساير الوقت النشره اللي قال عنها اخوي Q8ow متعلقه بالمؤسسه ... مؤسسه البترول الكويتيه Kpc


    مشكور عالمرور ويعطيك العافيه
     
  20. Shoomy

    Shoomy بـترولـي خـاص

    حلوة يالذهبي


    متى تكمل دراسه؟؟ تقدر الحين تبلش .. اقصد الكورس الياي لان التسجيل خلص
    تقدر تسجل بأي جامعه خاصه عندها دوام عصر او انك تروح انتساب برا الديره مثل مصر ولا يوغسلافيا ولا غيرها

    الشركه كل سنه تاخذ 2 بس من موظفينها كلهم وتدزهم بعثه يكملون الدراسه
    يعني انا وانت اذا بننطر بعثات الشركه ما راح نخلص ونسبتنا بين الموظفين ما تيي 0.99999999 يعني حتى ماصرنا واحد بالميه

    والشركه بس قاعده تقول انها تطور من الكادر اللي عندها لانهم اهم اللي يطورون الشركه بس ماشفنا اي تطوير واي تطور

    وعلى قولتك زادت عدسه النظاره ... الله وكيلك صارت قاعة قلاص ماي ماصارت نظاره

    كااااااااااااااااااااااااااااااااااااااااك

    مشكور اخوي على مشاركتك الحلوة يالذهبي :)
     
جاري تحميل الصفحة...

مشاركة هذه الصفحة