حملة ضد سنوات الخبره

معك قلبا و قالبا
انا كلمت احمد الفيلكاوي بالنقابه و قال انهم بيتحركون و سألته هل يحتاج تواقيع قال اذا احتاج راح انبلغكم

 

مانبي تحرك بس

نبي الناس تورينه اوراق رسمية

 

كلااام في محله وعلى النقااااابة الاستجابة لمطالبنا والدفاااع عن حقوووقنا لا نرييد ارساال كتااب شكوى جمااعية الى العلاقات الصناعية بل نريييد ان تاخذ طابع السرعة وذلك بمقابلة رئيس النقابة مع رئييس مجلس ادارة الشركة هذا اذا كان ما يقااال صحييح ان شرط سنوات صحييح مع العلم اان بوادرها صحييحة حيث انه لايوجد اي شخص من الشباب وقع مع العلم ان درجته 12 اسوة بزملائه القدامى وهذه بادرة خطييييييرة ارجوا من المتحدث الرسمي باسم النقابة الاخ فيصل الكندري ان يوافينا او يخبرنا اذا كان هذا الكلام صحييح وما الاجراءات التي سيتخذوونها ونحن جاهزيين لكل ما يطلب مننا

 

يارجل عط عمرك العافيه


انا جديد بالشركة وراضي بالحال


اقعد ولاتجيب فينا العيد

 

لا تكون نظرتك داءما للاسفل اطمح ارغب بالمساواة مع زملائك وارجوا انه يكون طرحك راقي لانه هذا حق من حقوقنا ولا نطلب باكثر من ذلك

 

ياعم اي حق....الشركة ماقصرت معاكم يكفي انكم,,,,صرتوا تكتبون باللون الازرق من كثر الرفاهيه والدلع


شكرا

 

Gc17 استريح أقول

 

أحب التنويه إلى أن الشباب الجدد لن يصوتوا للنقابة الحالية (الإتلاف) في المرات القادمة أبدا إذا لم نرى منهم تحرك جاد في هذا الموضوع حيث أنه يعتبر من أهم مطالبنا في الوقت الحاضر

 

الله يعطيكم العافيه على هالموضوع

صحيح بالنسبه للاب قريد ضر الشباب الجدد اكثر من ما نفعهم طبعاا بالوقت الحالي وليس على المدى البعيد والسبب

طبعا الكل كان يعرف ان بالسابق كان اثناء ترقيه احد الموظفين يكون تحت التدريب لفتره معينه وهي 100 يوم تقريبا وبعدها يوقع قريده الجديد

ولاكن اللي يحصل الان ان الموظفين اللي ترقو الى مشغل ثاني من الموظفين الجدد صارلهم تقريبا 9 اشهر وزياده وحتى الان لم يوقعو القريد الجديد اللي يتناسب مع وظيفته الحاليه ... وطبعا السبب في ذلك باعتقادي هو زياده فتره التدريب لمده سنه ..

وثاني شيئ بالنسبه للموظفين الجدد واللي انا منهم خدمتي بالشركه 3سنوات وجم يوم على قريد 11 بوظيفه معاين ابار .. يعني بعد سنه تقريباا راح اطبق ال4 سنوات ان شاء الله في حاله ترقيتي لمشغل ثاني بالاشهر القادمه ان شاء الله ولنقول شهر 4 من السنه الحاليه كمثال وبالشرط الجديد ان راح اوقع قريد 12 وهو القريد للمشغل بعد سنه من التدريب يعني شهر 4 لسنه 2009 واساسا انا بشهر 2 2009 راح اكون طبقت 4 سنوات خدمه فراح احصل على الاب قريد وما راح اوقع القريد العادي لمده سنه ثانيه يعني راح اوقع القريد شهر 2 -2010 ..

يعني راح تفرق معاااي وااااااااايد ...


ولا طافني شي بعد .. ومن شرط الاب قريد من 12 الى 13 خبره 6 سنوات يعني ما نحصلها الى بعد 3 سنوات من ترقيتنا
فعلااا شي مزعج ....

 

اخوي حسين

ليش ما نسوي كتاب شكوى نرفعه للنقابه الحاليه فيه توقيع كل الموظفين المتضررين ...

يعني نكتب صيغه الشكوى ونعممها على السناتر عن طريق الايميل وكل سنتر يطبع ورقه الشكوى ويوقعون عليها ونبعثها الى النقابه ..

يبيلها شوي ترتيب بس ....


والا في طريق اسهل نقدر نسويها بالمنتدى وهي طريق التصويت نحط الموضوع ويكون موجه لنقابه ونوضح به الضرر ونطلب التصويت عليه ... بس يبيله شوي جهد في تبليغ جميع الاخوه الجدد علشان يصوتون لان وااجد من الاخوه ما يدخلون المنتدى وفي بعضهم ما يدري عن المنتدى حتى الان ....

 

ابشر بو علي سر ونحن ورائك ولا يهون 16

 

والله ماودي اني اضيق خلقكم ،

بس حمدوا ربكم انكم قاعدين تاخذون قريد على الاقل ، ترى غيركم في Knpc بالتحديد لمن كنت بالكورس ... منهم خدمته 15 سنه و20 سنه وتدرون جم قريداتهم؟

دبلوم طبعا ، كلهم 10 و11 ولا واحد فيهم عدى 12 .....



الصراحة انه انصدمت لمن قالولنا انه عندهم ظلم جذي ، قلت يعني انه شوي ارحم منهم شوي ،،


يعني حمدوا ربكم انكم قاعدين تاخذون قريد على الاقل ،،،

ونصيحة مني لكم " لا تستعجلون على رزقكم ، الخير يايلكم بس صبروا "

 

أولاً من حق كل واحد يدور مصلحته وهذا حق مشروع .....

ثانياً

القوانين الحاليه للأب جريد هي من تبعات النقابة السابقه ومانقدر نلوم الحالية عنها صحيح المفروض من النقابة الحالية المطالبة بالتعديل على القانون بس من الممكن ماتقدر تسوي شي لأن هذا أتفاق كان أساساً من النقابة ... ومن غير المعقول إن إداراة الشركة راح تعدل على القوانين كل ماتغيرت النقابة....

وحتى النقابة الحالية ماتقدر تشركم بالمفاوضات مع إدارة الشركة .... قانوناً مايصير

انا مثلكم متضرر من ألي حاصل ألحين بس خل نتكلم بالعقل والمنطق ....

ألي توهم مترقين راح ينتظرون سنه كامله acting يعني لغايت 1/11/2008 وهم مترقين من آخر شهر 11 المفروض اقل تقدير يتم تثبيتهم على درجتهم ويتم تغيير المسمى الوظيفي لهم بعد أنتهاء مدة ال100 يوم

 

شكرا"

 

الأخ حسين أشكناني بعد التحية ... أحب التنويه إلى أنه بات من الضروري كتابة شكوى رسمية متضمنة موضوع الشباب الذين
وقع عليهم هذا القرار الجائر و المحبط والغير مدروس و كذلك مشتملة على تواقيعهم و تقديمها للنقابة لإلزامهم بها بشكل رسمي
فإذا أحببت التنسيق فأنا على أتم استعداد ... لذا يرجى أن ترسلي على الخاص

 

يا شباب انا اقول انه سالفت السنوات فلم و انشاء الله بعد توقيع قريد 12 للجدد بسنه راح توقع الابقريد و الله اعلم