هل تنصحوني يا اخوان بالتسجيل لصندوق الزماله؟

الكاتب : Aziz | المشاهدات : 1,221 | الردود : 17 | ‏18 أكتوبر 2007
  1. Aziz

    Aziz بـترولـي جـديـد

    13
    0
    0
    السلام عليكم ورحمه الله وبركاته

    شباب انا من دخلت الشركه سجلت بالنقابه بس صار فيه كلام على الزماله وانا بعد سألت والاغلب نصحني انه ما اسجل معاهم ..يقولون قبل ماتصرف لك الا بعد دور والله اعلم متى دورك يحوشك وفيه لخبطه على اساس الموظفين اللى انتقلو الى البترول صار فيه تاخير
    المهم مابي اطول عليكم اكيف انتو عارفين الحكايه .. تنصحوني اسجل في الزماله ولالا ؟؟
     
  2. dehen_3ood

    dehen_3ood بـترولـي خـاص أعضاء الشرف

    وعليكم السلامو رحمة الله وبركاته

    في البداية حياك الله معانا اخوي بالمنتدى
    ويطيب لنا أنضمامك الكريم

    وبالنسبة لصندوق الزمالة !!
    فالصراحة انا كنت مسجلة فيه وسحبت بعد ما ترددت الأقاويل والاخبار عن هالصندوق
    يقصون من راتبك على أبو انك المستفيد بالنهاية بس أغلب إللي تقاعدوا وإللي انتهت خدماتهم
    ما اقبضوا شي !! اقبضوا من دبش

    يمكن في ناس استلمت بس بعد ما العام طاحت الطوفة وهالسنة طار غبارها

    إنت قاعدين يقصون منك حق التأمينات وحق صندوق التأمين الخاص وهالشي الصراحة أضمن !!

    وإنت براحتك الخيار الأول والأخير لك :)
     
  3. Aziz

    Aziz بـترولـي جـديـد

    13
    0
    0
    والله 17 دينار لاهي تزيد ولا تنقص من المعاش بس اعتقد عدلو البرنامج والحين طبعا اللى نسمعه انه بعد تقاعدك مو اكثر من 3 سنين انت مستلم
    وبعدين الشي اللى مخليني محتار انه الاغلبيه فوق النص من موظفين الشركه مسجليه فيه
     
  4. dehen_3ood

    dehen_3ood بـترولـي خـاص أعضاء الشرف

    يمكن عدلوا البرنامج والله الصراحة ماعندي خبر او ادنى فكره عن التعديل
    بس يمكن صج وإن شاء الله الكلام صحيح مو اكثر من 3 سنين
    وبعدين إنت ليش تحتار صل استخاره احسن لك
    وللي ربك كاتبه بصير
    توكل على الله :)
     
  5. Winchester

    Winchester المـراقب الـعـام

    واله اخوي مثل ما قلت انت كلها 17 دينار اذا ما فادتك ما راح تضرك ان شاء الله

    توكل على الله وانا اللي مخليني مسجل لي الحين وما أنسحبت هو عدد الموظفين المسجلين بهذا الصندوق

    وبالتوفيق
     
  6. Shoomy

    Shoomy بـترولـي خـاص

    هلااااااااااااااااااااااااااووووووووووووو
    :)

    والله ياجماعه الخير انا ابوي نصحني فيها وقالي وااايد زينه بس اللي سمعته ان صج تنطر دورك والدور يطول جنه طابور خباز برمضان قبل الفطور بنص ساعه :)
    حلو التشبيه مو ؟؟
    كاااااااااااااااااااك

    المهم هذا اللي اعرفه بس معلومه صغيره غلط مو 3 سنين لا لا لا 5 سنين هذا اللي اعرفه

    والله كريم ... بس ياخوي يا دهن عود مو على كل شي نصلي استخاره
    هالموضوع مايسوى ... عليه انه يختار يا اي يا لا وبس

    وسلامتكم :)
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    انا اقووول خلووو ال 17 ديناار تنفعكم تعبي بانزين او تعبي رصيد كرت لانه الصرااحه صندوق الزماله نفس نظاام بيت التمويل بوووق اشكره ومتي ما تقااعدت ودار عليك الحووول وصاارت عظاامك رمااد عطوووك نص الي قصوووه منك :)
     
  8. BG. 1

    BG. 1 موقوف

    489
    0
    0
    منتظر الترقية
    البيت ماخلص
    إشترك وأنت مغمض

    أ

    لان المردود يسوي

    تدفع مبلغ 1 للصندوق و15 دينار القسط المجموع 16 وليست 17 الدينار الثاني للنقابة

    مثال لو خدمتك 20 سنة تدفع مبلغ وقدر 3840 دينار

    والمبلغ الذي تستلمه بعد الخدمة أكثر من عشرة الاف دينار

    توكل علي الله وروح النقابة وسجل
     
  9. Phox

    Phox بـترولـي نشيط جدا

    400
    0
    0
    صج ان الصندوق عليه مشاكل

    بس للأمانه شى جميل .. وبالنسبه للموظفين الجدد تسوى.. لان المشاكل اول وتالي راح تنحل

    وكلها 16 دينار ما راح تضر .. بالعكس مردودها حلو وقت التقاعد

    لا يطوفكم يا شباب
     
  10. K.O.C_OpII

    K.O.C_OpII بـترولـي نشيط

    54
    0
    0
    OpII
    GC19
    نصيــحتى لك .... اعــقلها وتــوكل
     
  11. المشاكس

    المشاكس بـترولـي خـاص أعضاء الشرف

    998
    1
    0

    الله يهداج بس عاد طابور خباز ..... !!!!

    صندوق الزماله ممتاز بشكل عام إذا قورن بالمبلغ إلي ندفعه من أول أشتراكنا لين التقاعد

    صج السالفه أطول بعد التقاعد بس المبلغ يسوى الأنتظار وبعدين حسبي نفسج داشه جمعية :rolleyes:
     
  12. D.M.D

    D.M.D بـترولـي جـديـد

    6
    0
    0
    HOSPITAL
    KUWAIT
    السلام عليكم
    تبي الصراحه ياخوي
    انا من موظفين المستشفى ,, وكنت امسجل بالنقابه والزماله ,, فلما انتقلنا لشركة خدمات القطاع النفطي وقفوا اشراكاتنا ولا عطونا اي شي للجين ,, وطبعا اللحين ردونا لشركة نفط الكويت فماجددت اشراكي معاهم وللحين طبعا ماعطونا شي .
    ننطر خمس سنوات وانشوف :)
     
  13. الناهض

    الناهض بـترولـي خـاص

    2,144
    0
    0
    شركة نفط الكويت
    في شي ماقالوه الأخوان

    اذا سجلت وحبيت تسحب بعد جم سنه

    مالك ولا فلس

    هذا شرط بالعقد

    فكر وأخذ وقتك

    علشان لا تحسف

    انا مسجل فيه

    ومتحسف

    بس طاح الفاس بالراس

    بس بيني وبينك

    يمكن يكون عندي واسطه لم أتقاعد وآخذ قبل الناس

    لأن الموضوع واااااااااسطه
     
  14. AD-01

    AD-01 بـترولـي خـاص

    1,040
    2
    38
    ما عليه حسافه والموضوع فلوس تدفعها الحين وتآخذها دبل(تقريبا) اذا تقاعدت ... وبعد 20 سنه اذا الله عطانا وياك عمر راح تكون السالفة محلوله
     
  15. المشاكس

    المشاكس بـترولـي خـاص أعضاء الشرف

    998
    1
    0

    صحيح كلامك لما تشترك وتنسحب تروح عليك فلوسك .... بس مثل الي بالمستشفى ماتروح عليهم فلوسهم وحقهم محفوظ ...

    وسبب التأخير قديم لما تم نقل موظفين المينا من شركة نفط الكويت إلى البترول الوطنيه وكان عدد ألي مسجلين بالصندوق 200 تقريباً وزيد عليهم ألي يطلعون تقاعد

    وعلى العموم ألي أشترك غن شاء الله ماراح يتحسف ..... لما يقبض القريشات راح يقول أشوه أني مانسحبت :)
     
  16. مكراااد

    مكراااد بـترولـي جـديـد

    25
    0
    1
    اعتقد ان الصندوووق بيلغووووووونه والله اعلم.
     
  17. names1

    names1 بـترولـي نشيط

    93
    0
    0

    صعبه ينلغي لانه عليه احكام .. اتوقع انه يحتاج وقفه جاده من النقابة القادمة
     
  18. منصور المجيبل

    منصور المجيبل بترولي خاص أعضاء الشرف

جاري تحميل الصفحة...

مشاركة هذه الصفحة