سؤالي نفطي

الكاتب : n3n7 | المشاهدات : 1,148 | الردود : 19 | ‏16 فبراير 2008
  1. n3n7

    n3n7 بـترولـي نشيط جدا

    271
    0
    0
    السلام عليكم
    عندي سؤال حبيت اعرف اجابة لاانه شي اطمح فيه وهو التدوير بين الشركات سمعنى ان في تدوير في بداية العام الحالي لاكن مر علينا شهرين ولانعرف ماذا حصل على الموضوع وانا اتمنى ان يكون التدوير عادل نظرأ لحقوق الموظفين ومراعاة الوضع الحالي المتأزم اداريا من قرارات الشركات الحاليه لااننا نستطيع الانتقال بين الشركات النفطيه كلها بدون اسثناء وهذا شي جميل لنا مثل التغير وشي طيب للموظف ومثلكم عارفين الشفتات بعض الاحيان ممل واذا تم التغير تريح شوي وانا انطر ردكم على هالسؤاااال الذي يدور في بالي من العام الي طاف وتحياتي لكم
     
  2. دسمان

    دسمان بـترولـي نشيط

    141
    0
    0
    وعليكم السلام ورحمة الله وبركاته.....
    أولا:
    مافيه تدوير بين الشركات

    ثانيا:
    شركة خدمات القطاع النفطي راح يلغونها ويتم دمج الإداره بشركة نفط الكويت... والامن والاطفاء الموزعين علي الشركات كل واحد ينضم لشركته...
    والسلام ختام.....
     
  3. الله يسمع منك اخوووي دسمااان لكن متى يتم كل هذااا
     
  4. القعقاع

    القعقاع بـترولـي نشيط جدا

    345
    0
    0
    اول شي يعطيك العافيه

    وبعدين فيه خبر او قرار يثبت كلامك؟؟

    طفحنا من الكلام كل من دخل عطنا كلمتين وراح
     
  5. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    اخوي دسمان سالفه يلغون الشركه انساها يبه

    ماراح تلغي يبه وارجووو من الشباب انهم مايطلعون اشاعات

    الشركه قاعده تضبط شوي شوي وتصير الى الاحسن صراحتا

    وماراح تفل الشركه

    وعلى سالفه التدوير احتمال راح يصير تدوير الله كريم ان شاءالله
     
  6. كويتي نفطي

    كويتي نفطي بـترولـي نشيط

    65
    0
    0
    بسم الله الرحمن الرحيم
    السلام عليكم
    اخوي n3n7 سالفت التدوير بين الاطفاء والامن بين الشركات مستحيله نهائيا لانه المسؤلين ادرسو هالشغله وقالو مستحيله
    شلون احول ناس من الكي يو سي الى الكي ان بي سي ويصير التدوير جذي راح يتوهقوون لانه راح يردون من يديد يتعلمون الشغل فا عشان جذي قالو كل واحد يقعد بمكانه دام عرف شغله احسن وثاني شي اذا صار تدوير راح تصير دوخه بالمعاشات والبدلات فا صعبه جداُ شيلها من بالك
    واخوي دسمان سالفت الغاء الشركه انساهاااااااا كلللش الشركه سنه عن سنه يصير وضعها احسن من قبل ويا جماعه انطرووو علي الشركه لا تستعجلووون الصبر زين وكل مطرود ملحووووووووق :) واصبر ان الله مع الصابرين لا احد يستعجل عطو الناس فرررررصه وانطرووو
     
  7. n3n7

    n3n7 بـترولـي نشيط جدا

    271
    0
    0
    اخووووي دسماان اليوم اثبتوا ان شركتنااا قاعده لاانهم ضمم شركه سنتافيه معااانااا يعني رحتى فيهااا راح يعطون كل شي حق سنتافيه الاوسكويه وينسونى
    مشكووورين حبايبي على الردووود فدييييتكم والله
     
  8. دسمان

    دسمان بـترولـي نشيط

    141
    0
    0
    بسم الله الرحمن الرحيم
    أولا : القعقاع
    الله يعافيك ... والله لو فيه قرار كان ماله داعي النقاش لأنه ينتهي الموضوع بتنفيذ القرار..... والدليل علي كلامي تصريح العضو المنتدب لشئون الإدارية والمالية بالمؤسسة علي الهاجري بدمج الشركات النفطية والقطاعات المتشابهه فيها...

    ثانيا : رجل امن إنته ليش معصب واسلوبك جذي ماغلطنا عليك طول بالك.... بعدين ارجو من الشباب مايطلعون اشاعات انته وين تعرفني عشان اكون من الشباب واطلع اشاعات ولاماطلع اسلوبك دفاعي عن الشركة وقاعد تمدح فيها انها تطور شوي شوي...

    ثالثا :
    كويتي نفطي سالفت إلغاء الشركة انساها... شدعوا موظف فيها انا ألغوها ولا ماألغوها مادريت عنهم ... بعدين شنو اصبرو ياجماعه ولاتستعجلون قاعد انقولك فيه توجه لدمج القطاع النفطي كله وانته تقول لا احد يستعجل عطو الناس فرصه شنو منتخب اهو ... شركة اثبتت انه لاجدوي من انشائها مجرد مجموعه من المستفيدون يريدون بقائها ومستميتين علي ذلك...
    رابعا:
    شركة سنتافي شركه خسرانه... والقرار الي طلع هو ضم أصول الشركة لشركة خدمات القطاع النفطي طبعا لأنها شركة فيها مشاكل طلعو هالقرار المؤقت لحين الإنتهاء من قرار الدمج..!!!! والأيام راح تثبت هالحجي وتشوف قريبا جدا...
    والأولا... ضم قطاعاتها التي انشأت من اجلها...
    والسلام ختام
     
  9. HUMMER

    HUMMER بـترولـي خـاص

    انا اول مره اسمع ان في تدوير بين الشركات اتمنى توضيح الامر اكثر
     
  10. n3n7

    n3n7 بـترولـي نشيط جدا

    271
    0
    0
    مشكور اخوي دسمان بس لالالالاتزعل علينااا كلنا اخوان وانا راح ارااااضيك وووجيبلك كاس نفط تشربه تريح اعصااابك تحياتي لك دسمااااااااااااااااااان
     
  11. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    شدعوه اخوي دسمان انا مو معصب ولا شي طال عمرك :)

    وليش اعصب بس قاعد اقولك انسى انه الشركه تتصكر مستحيله

    بعدين انا اكثر واحد ضد شركتنا والله :)

    بس الي قاعد اشوفه الحين انه شركتنا وبكل صراحه قاعده تتطور شوي شوي :)

    يعطيك العافبه
     
  12. ســلـsalmanـمـان

    ســلـsalmanـمـان بـترولـي جـديـد

    17
    0
    0
    الشركه ماراح تنحل
    الشركة راح تتوسع وتكبر وتظم لها قطاعات خدمات اخرى
    الشركة راح تبدى فيها سلسلة ترقيات ودورات في القطاعات التابعه لها
    الشركة راح تصير مع الوقت مثال للشركات الاجنبيه الخارجيه في العمل والخدمات
    يعود الفضل في تحسن خدمات الشركه للادارة الحاليه
    يمكنك طلب باسوورد الاوراكل وتجريبه في مكتب الاحمدي <-- هذا اللي هامني لاني جربته وقمت اعرف تقسيمة الراتب بس لو يصير عالنت
    واشياء وايد نسيتها طبعا قالي اياها السمي ----> بوفاطمة
    (على فكره انا موظف اوسكو بس انا انقل لكم حجي موظف اوسكوا غائب)
     
  13. دسمان

    دسمان بـترولـي نشيط

    141
    0
    0
    بسم الله الرحمن الرحيم
    العفو n3n7 وماني زعلان مادام بتراضيني...... بس الله اهديك كاس نفط اخاف تحوشنا صرفية شوف غيره...

    هلا رجل امن انا نقلة خبر رسمي لتعم الفائده للجميع وانت الله اهديك علي كل اخطاء الشركة وبهذلتها لموظفينها قاعد تقول الشركة قاعد تتطور شوي شوي هل تقصد بالتطور :
    1- المعاشات مره ناقصة ومره زايده.
    2- نظام الدرجات والترقيات الي مأحد يدري عنه روح شوف العالم جايهم آب قريد وأهم درجتهم 12 و11 13 وانت 7 و 8 ولااحد داري عنك ناسينكم .
    3- الغموظ الوظيفي ماتدري متي تترقي ولاتدري وين رايح بس اهم مايروح عليهم شي الإداره يجي من شركته ويفاصلهم علي الدرجات الموجوده والمناصب الي عندهم والمميزات والسياره والمكتب والقسم والدورات وانت خلك قاعد اتمدح فيهم .
    4- عدم وجود هيكل تنظيمي للمسميات والدرجات شنو انت قريد 7 و8 ومسؤولك قريد 13 شهالمصخره هاذي ماتصير ولا باي شركة بالعالم بس بالخدمات وانت الله اهديك اتقول قاعد تتطور بشنو ماأدري.....

    هلا اخوي سلمان .....
    اي تبدي فيها سلسلة ترقيات ودورات هالحجي ماخوذ خيره وأبرة البنج ... مالت العبيد ... اللي كل مادش علية واحد قاله هالأسطوانه... لاكن ردي علي رجل امن يكفي لك ولغيرك ..... بس والله ضحكتني بسالفة راح تصير مع الوقت مثال لشركات الأجنبية أهي حتي الوزارات احسن منها ...بس ماأقول إلا الله إعين الجميع ....
    ونصيحتي ياجماعه لاتسكتون صعدو الموضوع ولاتخافون من شي تري هذيلا المسؤولين الي من هالنوع اكبر خوافين تدرون ليش لأنه ماخذ حق غيره وظالم هالعالم اهو يدري بهالشي ومتجاوز شغلات انتو ماتدرون عنها علي حساب انه يبقي موجود بالمنصب او يثبت نفسه مثل العبيد........
    والسلام ختام
     
  14. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي


    اخوي دسمان تعقيبي على كلامك شي واحد وانا والله بقوله مودفاع للشركه لكن ابيك تعرف ان في نظم ولوائح للشركة واهي ملزومه فيها وحتى لو في فراغ وظيفي عمرها ماراح تقدر اتطمرك 5 والا 4 قريدات دفعه وحده مايصير وبالذات لموظف ماتعدى السنتين في الوظيفه الامر يبيله وقت ونظام واستثناءات..

    وبالنسبه للعبيد اذا انت ماتعرفه شخصيا ترى في ناس تعرفه عدل وقابلته وعارفه هالريال وعارف انه اكثر واحد بإدارة الشركه خايف ربه وان كان منه تقصير فلاهو كامل ولاهو معصوم ..

    بعدين ياخوي حدث العاقل بما يعقل تبي تصير قريد 12 بيوم وليله ياخي شالسالفه بطاقة شوت اهي وتفوز بقريد والا احنا بس نبي نتحجى ؟؟ هالامور يبيلها حجج قانونيه ونظام

    الله يسهل وتتعدل الامور وانشالله كل واحد ياخذ حقه وانشالله الشركه وادارتها بيتعدلون للاحسن
     
  15. دسمان

    دسمان بـترولـي نشيط

    141
    0
    0
    ياليت إلسانك الي شطوله........ تستخدمه دفاعا عن ربعك وحقوقهم مو علي طول ادافع عن الشركة......انا ماعرفك بس اظاهر انت لك مصلحه .. بعدين تقول ابيك تعرف انه فيه نظم... يبه ندري انه فيه نظم منو الي قال مافيه نظم ولوائح.. احنا انقول هيكل تنظيمي وانته اتقول 4 قريدات شقاعد تخربط... وبعدين اتقولي العبيد خايف ربه... ومن قالك احنا كفار هم احنا خايفين ربنا بس اظاهر انته مساح جوخ... اذا كان منه تقصير فلاهو كامل شهالحجي انت جم عمرك.... جان كل واحد مقصر انقوله منتا كامل راحة الديره وحقوق الناس.... الله واكبر بطاقة شوت علي ربعك بس اهم مو بطاقة شوت الي من قريد 13 بشركته صار عندكم 16 والي امس محد يعرفه اليوم جيرمن بالوكاله والي جاي من المؤسسة قريد 12 صار 15 وكل هذا مو بطاقة شوت... وشنو هالأمور يبيلها حجج قانونية ونظام .......... انت مو عارف من كلامك شقاعد تقول بس تبي اطلعهم بصوره زينه.......
     
  16. دسمان

    دسمان بـترولـي نشيط

    141
    0
    0
    الي ابوفاطمة سوري نسيت لا اذكر الاسم
     
  17. الصنفره

    الصنفره بـترولـي نشيط جدا

    198
    0
    0
    للامانه أتفق مع أخي دسمان فيما ذكره



    (للامانه الجميع لايشعر بالاستقرار النفسي مع الرواتب والسبب مالية الخدمات وهذي مشكله كبيره وأعتقد انها فقط للموظفين أو المدراء والكباريه راتبهم مية على مية )


    وبخصوص القريدات يجب ان يكون هناك جدول واضح ولاقريد 8 تقعد سنة ونص وباقي شركات القطاع النفطي 6 اشهر فقط والله ظلم على الاقل يكون التاخير البسيط بقريد 9 او 10 وليس 8


    وللاسف ليس هناك جدول للتقييم الوظفي يعني شبة فوضى وهذي اكبر سلبيات شركة الخدمات



    والمشكله الكبيره الاجهزه التي وضعوها في الروضتين للسيارات وهذا يعني أن الثقه معدومه وعدم أحترام رجال الامن المنتدبين من الخدمات أو ان يريد المناصب والشهره والسبب في القوانين الارتجاليه الضايعه


    ولاتنسون بدل الخطر 50 للامن والله يجيب الخير وعزالله ان المنتدى هذا اصبح متنفس للتعبير عن همومنا


    وشكرا لكم ,,,,,,,,,,
     
  18. ossc

    ossc بـترولـي نشيط

    110
    0
    0
    كفيت ووفيت يا الصنفره


    بس انا اللي ابي اعرف جدول القريدات


    اوكي حنا عرفنا ان قريد 8 يبيله سنه وثلاث اشهر

    طيب قريد تسعه شنو يبيله
    وعشره شنو يبيله


    وهل انا طول عمري قيتي

    ترقياتي متى؟؟؟


    يعني كل شي مجهووول

    وهذي المشكله شركه في قطاع نفطي يعني المفروض تكون اكثر مكان منظم في طريقة الترقيات

    يعني المعروف ان العسكري يدش بدون رتبيه بعدين يصير وكيل عريف
    وهلما ما جرا


    طيب احنااا شنو ؟؟؟؟؟

    لازم يكون في طموح وظيفي وترقب لترقيه او قريد ويعرف الواحد ولااا صدقوني شي طبيعي يصير ممل العمل وشي غير مستغرب عدم الانتبااه او العمل او بذل الجهد في المراقبه في المنشئات

    وفوق هذا يحسسون رجل الامن ان الشركه اللي يشتغل فيها واقفه عليه

    يعني فوق كل اللي قلته

    يبوني اقعد 12 ساعه على الكرسي واراقب لا تنام ممنوع لا تجيب كمبيوتر لا تقرا جريده

    على شنو تبيني ابذل جهد وانت ممبهذلني

    ولااا ننسىى البوابات اللي لا جات هزه ارضيه بسيطه حسيت انها بطيح عليك

    وكبره مترين ونص في مترين ونص

    ولا يجيك هوى قوي يعني مو عج

    اقسم بالله تندفن البوابه


    هذي مو حاله


    واللي يقولي الشركه قاعده تنظم نفسها ما شفنا شي غير المسجات اللي دزوها

    والايميلات عطونا اياها وماشتغلت

    تطور في الشركه اذا كان فيه تطور فهو بسيط جداً وغير ملحوظ نهائياً

    ومافي لبس نفس الاوادم

    ومعاشات ماتدري اللي لك ومن اللي عليك

    يجمعون افرتايم ثلاث اشهر ويحطونه لك

    شلون بتفرق؟


    تقرير الراتب 583
    مخصومه دايم منه 10 دنانير

    وناس تنزلهم زايده خمسين دينار مايدرون ليش

    واحنا يخصمون منا

    الشركه سلبياتها اكثر بكثير من ايجابياتها

    وفي النهايه لن تصلح الشركه الا اذا بينت لنا خططه المستقبليه حتى لو طولو بتنفيذها

    بس يكون عندنا علم

    ما ادري ليش يحسسونك انهم مخبين عليك سر


    والرجااء الوحيد في النقابه الجايه


    تقبلو مروري
     
  19. دسمان

    دسمان بـترولـي نشيط

    141
    0
    0
    مرحبا اخوي الصنفره واخوي ossc ومو بس انت الي يتفق معاي كل الشباب سواء من الأمن ولا الإطفاء حتي الي بالإداره يدرون اكثر منا بأخطاء الشركه وفضايحها بس الناس ساكته لأنها مستفيده والله ردودكم هاذي تثلج الصدر.... لانه اكبر وابلغ رد علي ابو فاطمه وربعه.... بسكم ياجماعه سكوت تكلمو لاتسكتون والله صوتنا اقوي من صوت المداحين والمتمصلحين لانه ويانا حق بس محد يطالب الكل ساكت ليمتا ليمتا تكلمو....
     
    آخر تعديل بواسطة المشرف: ‏26 فبراير 2008
  20. F.A.H.A.D

    F.A.H.A.D بـترولـي نشيط

    100
    0
    0
    انا مع اخوي دسمان كلامك كله صحيح ولافيه شي غلط هذا هو حال موظفين شركة خدمات القطاع النفطي والله الي قاله اخوي دسمان هو الواقع وانا ماني عارف شنو فايدة الي قاعد يدافعون عن الشركه يعني هو ماينخصم من معاشه ومو مبهذلينه بالقرارات المزاجيه الي يمشونها عليه واهو ساكت مايقدر يسوي اي شي واذا تصادم مع الاداره قالوله بكل سهوله روح راجع شركتك واكتبو فيه كتاب غير صالح للعمل وتقولي الشركة قاعده تتطور شلون مادري انته ماتشوف البوابات الي الي قاعد تستلم فيها ولا انت عندك واسطه و ثابت جوال وحطولك جهاز تعقب الحين خلك تمدح فيهم لأنه مبينه الثقه المتبادله بين الموظف والشركه الي قاعده تتطور وتمدح فيها انت قبل ماتكتب الرد علي دسمان وغيره من الشباب ادافع عن الشركه مافكرت بحال ربعك الي بالبوابات شلون مكانهم برا السنتر :
    1- بالغبار يندفنون.
    2- وشلون حالهم اذا صار تسرب نفط او غاز بالبوابه الشينكو.
    3- شلون يشرب ماي ابوابه مافيها براده يعني يشرب من الحنفيه والله خوش تطور.....
    4- شلون بالحمام الله يكرمكم الي نص متر بنص متر ولا احد يلاحظه يعني غير صالح للاستخدام.
    5- لايوجد مصلي الا داخل السنتر والسنتر ممنوع دخوله بالله وين امن اذا السنتر ممنوع ادشه ولا لك اي صلاحيات بس تعال وقعد واكتب اسماء هالفقارا العمال وتسجيلك ماله اي معني......
    6 - الفرشه ممنوعه......
    7 - الجرايد ممنوعه .....
    8 - الاب توب ممنوع .....
    9 - النوم ممنوع يعني 12 ساعه قاعد علي هالكرسي شلون مادري......................@-@
    10 - مافيه عامل نظافه.....
    11 - مافيه تيبوي اسوي جاي وقهوه وسيرفس للأوادم الي مداومين 12 ساعه ............
    وتقولي الشركه قاعده تطور خوش تطور بهالإهتمام والرقي بالموظفين وهذا فيض من غيض والخافي اعظم
    وسامحوني ياشباب اذانسيت شي ولا كن الي بذكركم فيه هو ان تعرفو ابو فاطمه وربعه المداحين.............
     
جاري تحميل الصفحة...
مواضيع مشابهة
  1. وبالله نستعين
    الردود:
    9
    المشاهدات:
    2,479
  2. المحرر النفطي
    الردود:
    0
    المشاهدات:
    3,442
  3. المحرر النفطي
    الردود:
    0
    المشاهدات:
    1,000
  4. المحرر النفطي
    الردود:
    3
    المشاهدات:
    2,552
  5. المحرر النفطي
    الردود:
    0
    المشاهدات:
    922

مشاركة هذه الصفحة