متى بتزيدون بدل خطر الامن

الكاتب : رجل امن اول | المشاهدات : 1,078 | الردود : 11 | ‏5 فبراير 2008
  1. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    السلام عليكم ورحمه الله

    متى بيزيدون بدل خطر الامن

    الاطفائين ربعنا ياخذون 100 دينار بدل خطر واحنا 50 دينار ليش؟؟؟

    شالتفرقه معنا احنا الامن 24 ساعه نفتر ونحوس بالمصافي بين اليونتات

    والبوابات الكهربائيه شكثر نبطلها والاطفائين قاعدين لاشغل ولامشغله بس اذا صار حريق :) الله يرزقكم

    واحنا الصراحه نطالب بزياده بدل خطر الامن الى 100 دينار واتمنى من المسؤلين النظر في هذه السالفه
     
  2. القعقاع

    القعقاع بـترولـي نشيط جدا

    345
    0
    0
    والله انا معاك بكل حر ف تكتبه

    لكن لاحياة لمن تنادي

    الكلام واجد ونسمعه

    لكن الفعل وينك يافعل
     
  3. q8security

    q8security بـترولـي خـاص أعضاء الشرف

    السلام عليكم ورحمة الله وبركاتة


    الاطفائيون ربعنا ويستاهلون والامن هم يستاهل

    وأويد كلامك انا الأيام اللي فاتت مبطل بوابة السياج الكهربائي وقاعد اقول الله يستر

    مو خوف ولكن لان الوضع كما تعرفون عل البركة وعادي تنغش مثل السلام عليكم


    ناهيك عن الشوت داون وقوفنا جنبا الى جنب مع إخواننا الإطفائيين وفي منطقة الخطر إلين أخر إطفائي
    ومانحرك إلا وضابطهم خلاص بيمشي


    وأساسا من يصير شوت داون وإلا أي مشكلة تلقى مكتب الأمن فاضي زين إن حصلت واحد قاعد

    كلهم داخل وما عندهم غشمره بهالسوالف وفي أي لحظة ما تضمن شيصير لك

    وكم لايخفى عليكم الملوثات واحتكاكنا المباشر والغير مباشر بأنواعها


    المطلوب موقف جدي من الإخوان بالنقابة ويوصلون صوتنا


    للشركة




    وتقبلو مروري
     
  4. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    شكرا لك اخوي القعقاع وكيوئيت سكيورتي على مروركم

    والله ياخوي اهما عارفين الشي هذا بس مادري شسالفتهم

    وليش ساكتين عن الشي هذا للحين واول قالو راح نزيدكم ونخليها 100

    بس ماشفنا الشي ونتمنى من النقابه الي موراضيه توخر عن كراسيها انها تتحرك

    ولو مره وحده بحياتها
     
  5. ســلـsalmanـمـان

    ســلـsalmanـمـان بـترولـي جـديـد

    17
    0
    0
    ياخوي الموضوع رفعت فيه النقابة طلب للوزارة من زمان وللمؤسسه وللشركه لكن الثلاث جهات محلك سر وكل ماحاجوهم قالوا تحت الدراسه لانه الزياده اذا اقرت لازم تقرها المؤسسه والوزاره مو شركة الخدمات
     
  6. Juventus

    Juventus بـترولـي نشيط

    لو فيه نقابه قويه من باجر تشووف الزياده بس خلها على الله
     
  7. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    اي نقابه اي بطيخ والله العظيم اني ماعرفهم ولا اعرف اساميهم

    اللهم شخص واحد فقط واهوه احسنهم وانشطهم ماشاءالله عليه

    واهوه الهندال ابو فاطمه الله يعطيه الف عافيه
     
  8. بوعبدالرحمن

    بوعبدالرحمن بـترولـي مميز

    710
    0
    0
    ياخوي انا اطفائي وأيد كلامك لازم يمشي لكم بدل خطر حالنا حالكم .... تستاهلون انتو ربعنا
     
  9. برميل النفط

    برميل النفط بـترولـي جـديـد

    48
    0
    6
    وانا بعد اقول جذي
     
  10. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    انا معك اخوووي ... تستاااهلون كل خير ..

    ولكن هل رجل الامن يدش داخل النار مثل الاطفائي..ويمسك الهوز مثل الاطفائي .. ويكافح التسربات البتروليه وتسرب الغاز ومكافحة الكبريت مثل الاطفائي ... مااعتقد انه فيه احد يقوم بالاعمال هذي مثل الاطفائي..

    صحيح ان رجال الامن يقفون مع الاطفائي في موقع الحريق .. ولكن النقطه اللي ابي اوصلها انهم مايدشون مع الاطفائي ويكافحون ..

    موقعهم يكون على مساحه بعيده وليس بالكثير عن موقع الحريق .. اما عملهم فهو اغلاق الشوارع المؤديه الى موقع الحريق وتنظيم دخول وخروج السيارات والشاحنات ...

    انا اعمل في قسم الاطفاء في احد المصافي ... صدقني بمجرد دخول دااخل الوحدات وسماع اصوات المولدات والضاغطات ومكائن الدفع تحس انك في اي لحظه راح يصير حولك انفجار .. فما بالك اذا كانت فيها حريق وانت بداااخلها ...
    والله ماتدري شنو البايب اللي راح ينفجر في اي لحظه ...

    وتقارن درجة خطورة عمل الاطفائي بدرجة خطورة رجل الامن ..

    حبيت اوضح لك الفرق فقط في طبيعة العمل ... وليس اعتراض على البدل المادي او الفرق المادي اللي بينا وبينكم.

    نتمنى للجميع الخير انشالله ..

    وشكرا
     
  11. عبدالعزيز

    عبدالعزيز بـترولـي جـديـد

    31
    0
    0
    أخواننا في الامن يستاهلون كل خير بس يا أخوان ترى حتى مشغل الاطفاء مايستلم مثل الأطفائي حيث أنه يستلم

    75 دينار ومع الزيادة صارت 125 دينار مع أن المشغل أقرب للحريق من الأمن ومعلومه ترى الاطفائي مابينه وبين النار

    أعاذنا الله منها إلا مايمنعنه من الأحتراق !!!!!!!!!!!
     
  12. q8security

    q8security بـترولـي خـاص أعضاء الشرف

جاري تحميل الصفحة...

مشاركة هذه الصفحة