التوظيف في الشركات الخاصة مثل schlumberger \ halliburton

الكاتب : h.89.abdullah | المشاهدات : 2,427 | الردود : 2 | ‏29 يوليو 2020
  1. h.89.abdullah

    h.89.abdullah بـترولـي جـديـد

    2
    1
    3
    ذكر
    السلام عليكم..

    انا موظف في وزارة الكهربا والماي وعندي خبره 10 سنوات في مجال توليد الطاقه وحاب اني اتوظف في القطاع الخاص..ودام انه التوظيف في الشركات الحكوميه صعبه وتحتاج واسطه ..فحاب اعرف طريقة التوظيف في الشركات الخاصه مثل halliburton و schlumberger ..للعلم انا قدمت على الموقع بس ماكو أي رد منهم..هل فيه طريقه أفضل للتقديم ؟

    وشنو طبيعة العمل في هذي الشركات ؟ وشكرا
     
    أعجب بهذه المشاركة Workers
  2. Workers

    Workers إدارة المنتدى

    7,786
    34
    48
    ذكر
    الكويت
    عليكم السلام
    وصلنا رد من احد الزملاء في تويتر ننقله لك باقتباس

    ================
    ‏طال عمرك الشركات مثل هاليبورتون و شلمبرجير اولاً التعاقد معهم صعب لانهم يحتاجون خبرات معينه ، واذا تعاقدوا مع مهندس حديث التخرج يلزمونه بمدة تعاقد معينه لانهم راح يدربونه بشكل مكثف ويرسلونه الى دورات في اوروبا و الولايات المتحدة ( دورات قصيره لكن مكثفه ) هذا من ناحيه ، من ناحيه ثانيه العمل معهم متعب جداً ( رغم ان الراتب طيب و المميزات حلوه ) و من يصبح لديه خبره معهم يصير مرغوب جداً لاغلب شركات النفط العالميه و بالذات من يكون لديه خبره في شلمبرجير ، لكن كثير من الاخوان بالكويت يعتقدون ان العمل بمثل الشركات هذي سهل بالتعاقد او سهل باداء العمل لان عندهم صوره نمطيه صعب تتغير ان الوظيفه سواء بالقطاع النفطي او العام حق مكتسب و ان الشركات العالميه هذي ملزمه بتوفير وظائف لمن يرغب بدون الاخذ بالاعتبار ثلاثة امور مهمه :
    ‏١- الشركات هذه دوليه و وجودها بالكويت بناء على عقود مع الدوله ( ممثله بمؤسسة البترول ).
    ‏٢- العمل معهم يحتاج مؤهلات جامعيه و خبرات معينه .
    ‏٣- العمل بهالشركات يكون بعقد له مده معينه وشروط معينه ما احد من الطرفين يقدر يتجاوزها الا بعد نهايه العقد و في حالة التفاوض على تمديده او توقيع عقد جديد .

    ‏فوق ما سبق العمل جاد جداً و احترافي صعب اي شخص ينفذه اذا ما عنده خبرات او مؤهلات معينه .

    ‏وسلامتك
     
  3. h.89.abdullah

    h.89.abdullah بـترولـي جـديـد

    2
    1
    3
    ذكر
    اول شي الله يعطيك العافيه وما قصرت على سرعة الرد وشكرا للتوضيح..

    انا عموما فني مو مهندس وعندي الخبره.. وبخصوص التعب في الشغل ومتى ما طلبوك لازم اتلبي طلبهم والسفر الخ.. انا هذي ما عندي مشكله فيها... بس هل فعلا انه هالشركات ملتزمه بتعيين كويتين بنسبه معينه كون هذي الشركات لها عقود بالكويت؟
     
جاري تحميل الصفحة...

مشاركة هذه الصفحة