تعرضت لكسر مضاعف واحتاج اجابات منكم لوسمحتوا

الكاتب : م.قيد الانشاء | المشاهدات : 568 | الردود : 3 | ‏6 مارس 2019
  1. م.قيد الانشاء

    م.قيد الانشاء بـترولـي جـديـد

    31
    4
    8
    ذكر
    مرحبا

    تعرضت لحادث داخل الدوام اثناء العمل ادى الى كسر مضاعف بالزند والحمدلله على كل شي

    ابي جم سؤال لوسمحتوا
    متى اقدر اقدم على التعويض ؟ الدكتور بالرازي قالي عقب ماتخلص علاجك معانا نعطيك التقرير النهائي وتسلمه هل صحيح ؟

    وهل يسقط حقي بعد شهر من الحادث اذا ماسويت الاوراق من الدوام ؟

    وهل لازم اسوي قضيه بالمخفر ولا مايستدعي

    اتمنى القى المساعده منكم يا جماعه الخير بمعلومات وافيه لاني حايس ومادري شالعمل
     
    أعجب بهذه المشاركة Workers
  2. Workers

    Workers إدارة المنتدى

    7,781
    32
    48
    ذكر
    الكويت
    ياهلا ومرحبا
    دوامك يسوي الاوراق وتقرير الحادث وانت اذا خلصت علاجك وعطاك الطبيب التقرير تجيبه للدوام وهم يجهزونه لك ويعطونك كتاب للمجلس الطبي
    تروح لهم مع التقارير والاشعة والاجازات المرضية اللي خذيتها وقت الاصابة والمجلس الطبي يحولك على المستشفى التابع له انت حسب سكنك او انت تختار المستشفى الحكومي والافضل تختار المستشفى اللي سويت فيه العملية
    عشان يعطونك موعد لجنة طبية وهي اللي تقرر نسبة العجز عندك ويرسلونها مره ثانية للمجلس الطبي وبعدها تكمل الاجراءات وتصدقها من الشؤون وتوديها دوامك اخر شي وهم يرسلونها للتأمين عشان يصرفون التعويض لك
    باختصار خلك متواصل مع فريق علاقات العمل او العلاقات الصناعية في دوامك ويعلمونك الخطوات اللي تمشي عليها
    والموضوع كله ياخذ شهور وماعندك مشكلة عادي دامك سويت حادث صناعي في وقت الحادث خلاص امورك طيبة
    وألف سلامة عليك وماتشوف شر
     
  3. م.قيد الانشاء

    م.قيد الانشاء بـترولـي جـديـد

    31
    4
    8
    ذكر
    الله يجزاك الف خير على الشرح

    بس ممكن سؤال اخير ، فريق علاقات العمل او العلاقات الصناعيه وين مكانهم بال koc ؟ اي مبنى عندك خبر يا الغالي ؟ والف شكر لك
     
    أعجب بهذه المشاركة Workers
  4. Workers

    Workers إدارة المنتدى

    7,781
    32
    48
    ذكر
    الكويت
    العلاقات الصناعيه بالمبنى الرئيسي B4 الدور الاول
     

مشاركة هذه الصفحة