احتاج نصايح من الفرامن السابقين

الكاتب : م.قيد الانشاء | المشاهدات : 419 | الردود : 1 | ‏19 ديسمبر 2018
  1. م.قيد الانشاء

    م.قيد الانشاء بـترولـي جـديـد

    31
    4
    8
    ذكر
    مرحبا

    انا توني من اسبوع خالص دوره Field operator وللامانه الشديده ما استفدت منها ابدًا

    ولما رجعت السنتر وقاعد اتدرب هني قاعد استفيد وافهم واصيد الشغل بس لما احد يقعد يسالني شسويتوا وليش جذيه وشمعنى جذيه اتنح ما اعرف اجاوب

    بالرغم من اني اكون مسوي الشغله او سائل عنها

    وايد زعلان من نفسي ان ليش قاعد يصير جذيه

    فودي لو نصايح من الشباب اللي كانوا فرامن شلون تصيد الشغل بسرعه وما تنساه وتكون فاهم ومو حافظ احتاج هالنصايح وشكرا
     
  2. Q825

    Q825 بـترولـي مميز

    501
    0
    16
    لا تزعل من نفسك انت انسان في بداية الطريق وانته بتكون من الناجحين في مجال عملك ان شاء الله

    بأي مكان بالدنيا فيه شغل محد يتعلم كل شيء من اول يوم او من اول سنة

    الواحد يتعلم الشغل ويكون ناجح بمجال عمله نتيجة تعلمه وفهمه من خبرات متراكمه الأيام والسنين راح تعلمك

    يريتك تهتم بلي اكتبه وفكر بالنقاط الي تحت:

    1- دايما اسأل وتعلم من كل واحد عندك بمكان عملك وحتى لو كان عندك سؤال وتحسه غبي اسأله ولا تستحي كل سؤال تسأله راح عينك ونور مخك على شغلات تكون مخفيه عنك

    2-ابتعد عن الناس الي يتشتكون بالدوام هؤلاء يسمونهم مصاصين الطاقة وخر عنهم وخلك مع الناجحين

    3-خلك اجتماعي مع المسئولين الي بدوامك وكون معرفه قويه معاهم عشان هالشي يساعدك بالترقيات ويبعثونك على كورسات تدريبية بره الكويت

    4-حاول تفتح مصدر دخل ثاني غير الدوام لو قدرت

    5-اخر شي وحط تحتها مليون خط لاتحكر نفسك فقط في مجال عملك الدنيا مو كلها شغل صحتك اهم شي بالدنيا
     
جاري تحميل الصفحة...

مشاركة هذه الصفحة