في بعض المطالبات للموضفين على وجه العموم : 1-تحويل تذاكر السفر من مصر الى لندن . مثل بعض الشركات ... ايكويت على سبيل المثال 2-الكورسات الخارجية يقال انها كل سنتين للموظف ( الدرجة 13 ونازل ) . وهي فعليا مرة كل اربع سنوات او خمس سنوات اومرة واحدة خلال الخدمة باستثناء اللي عندهم واسطة سنويا يودونهم . لماذا لا يتم تطبيقها كل سنتين ؟؟؟ 3- اعطاء صلاحية للموظف للعلاج بالمستشفيات الخاصة نظرا للزحمة الشديدة لمستشف الشركة في الوقت الحالي (مو معقولة اذا ياي بتراجع الدكتور تنطر ساعة ونص الى ثلاث ساعات عشان تعالج وتاخذ دواك ) . 4- ليش الشركة تدفع الرسوم الدراسية للموظف الغير الكويتي وتهمل الموظف الكويتي او على الاقل ماتدفع 50% من الرسوم .( حالنا كحال باقي شركات دول الخليج اللي بعضها تتكفل بالرسوم الدراسية كاملة وبعضها تدفع 50% من الرسوم ) . 5- زيادة القرض الحسن من ضعفي الراتب الى خمس أضعاف من اسمه قرض وبنرده يعني مو منحه صج اذيناكم بس ماعليه تحملونه شوي
مطالبات منطقية ، أشد على إيديك للمطالبة معك فيها إلا أن تتحقق ، وأتمنى من القوائم المترشحة للإنتخابات المطالبة بها أيضاً. شكراً عين السيح
شكرا اخوي عالموضوع بس انا سمعت بالفتره الاخيره من واحد بالنقابه ان التذاكر ان شاء الله راح تكون كويت ايطاليا وعن العلاج بالمستشفيات الخاصه هالموضوع انطرح اكثر من مره وان شاء الله يستجيبون للمطلب الفعال هذا والكورسات صدقني مافيها واسطه لانها تيي من التطوير الوظيفي وبالدور
بالنسبة للكورسات أنا واحد صار لي سبع سنوات موظف ولا مرة رحت ولا كورس خارجي يمكن يكون كلامك أخوي هامر صحيح ، بس ترى هم المسألة فيها تلاعب العام كان إسمي موجود في كورس للقاهرة وبعد فترة إنشال وراح واحد ثاني مكاني ( رايح مرتيين ) ولما تكلمت قالوا من التطوير الوظيفي !!!!! وجت خيرة زادوا المخصصات للكورسات الخارجية وإن شاء الله قبل ما نقدم على التقاعد نكون رايحين ولو نص مرة . وبس على قولت الولد الذهبي .
اول شي يعطيك العافيه على طرح هالموضوع اول نقطه بخصوص التذاكر اتوقع ان الافضل تتم المساوات بين جميع الشركات مو مهم مصر او لندن ولا خميس مشيط المهم المساوات لان التذاكر تقر للموظف لان غير الكويتين في عقودهم شرط ان الشركه توفر لهم تذاكر لبلادهم وثاني شي الكورسات الخارجيه هذي تتم بالواسطه يعني في موظفين خدمتهم اكثر من 15 سنه والى الان ما سافر ولا كورس وغيره كل سنه او سنتين يسافر واحيانا اكثر من دوره بالسنه ويقول الفلوس حلال بخصوص العلاج في الخارج هذا الشي كان موجود قبل الغزو ايام الزلمات وكانت توصل للشركه فواتير خياليه من المستشفيات الخاصه طبعا الموظف كان يروح هناك فيه نشله والدكتور يدري ان هالموظف مو دافع شي ويقوله اشرايك نسويلك فحص كامل واشرايك نسويلك تحليل دم واشرايك نسوي للمدام جذي واشرايك نسوي لبنتك هالشي والموظف مو دافع شي من جيبه ويقول يلا ما عليه وبخصوص الرسوم الدراسيه انا معاك بهالموضوع صراحه اغلب الموظفين ابنائهم يدرسون بمدارس خاصه ومفروض الشركه على الاقل تساهم بنص الرسوم واسف على الطواله
يا جماعه يا جماعه انتوو من صجكم الشركه تتحمل ها التكاااليف اول شي خلهم يوزعووون شاي وحليب حقناا وبعدين يفكرون بالتكااليف الثاانيه
في قرار صريح صادر من نائب العضو المنتدب للشئون الاداريه يقول فيه ان الكورسات مره كل سنتين ... والمفروض ان اللى ما يودونه مره كل سنتين انه يقدم شكوى فرديه لرئيس فريقه او للنقابه اذا كانت جماعية واذا ما انحلت في قصر العدل (طريقة تقديم الشكوى موجوده بالانترانت) اذا مظلوم قدم شكوى وصدقنى ما راح يقصون رقبتك .. انا عن نفسى قدمت تظلم على شغله وعطونى حقى بدون واسطه بعد ( ادرى قويه بس والله العظيم صارت) سالفه ان واحد راح (كورس) مرتين بالسنه ما اعتقد انها صحيحه .. يمكن راح كورس ومهمة بس مستحيل تطوف بالتطوير الوظيفى كورسين بالسنه لو شنو واسطته .. التذاكر حسمتها اقبال الغانم وقالت " لا " واتوقع بعد ما هي تقاعدت راح يطلع رجال يغيرها باذن الله ايكويت مو شركة من شركات القطاع النفطى وتندرج تحت القطاع الخاص مو النفطي ولهم مميزات ثانية كثيرة. القرض الحسن المفروض يكون نفس قرض شركة نفط الخليج واللى يشتغلون بالخفجي، لهم قرض حسن قيمته 70 الف دينار يسدد على مدار الخدمة غير ال70 الف مالت بنك التسليف وحط فوقهم 30 الف من جيبك ... احلى بيت اللى يزيدهم ويرزقنا الرسوم الدراسية خوش اقتراح ... حتى ال30% حلوين لو يعطونا .. نفس ما عطونا 30% على الاندية الصحية العلاج بالمستشفى يحتاج اعادة نظر ... كل الامكانيات موجوده وتحتاج لصاحب قرار يحلها ... عين اطباء اوادم نفس الناس .. وتعاقد مع مستشارين ... وابن مبنى يستوعب العاملين بالقطاع وكل شى راح يصير تمام التمام
كلام عسل يا فيصل 55 انت والشباب اللي قبلك القرض الحسن والمستشفى الجديد امور لازم يحسمها مجلس الوزراء ويخلصنا
تسلم يا عين السيح على طرحك لهذا الموضوع ؛ و الشكر موصول لكل من أدلى بدلوه في هذا الخصوص ؛؛ بالنسبة للمستشفى ؛ لا المبنى يستوعب الأعداد ؛ و لا عدد الدكاترة يكفي ؛ أما بخصوص تكاليف دراسة الأبناء ؛ الأجنبي تتكفل الشركة بدفع 95% من تكاليف دراسة أبنائه ؛ اللي عقب ما يتخرجون يروحون يفيدون ديرتهم ؛ و الكويتي يتفضلون عليه ب 10 - 20 % خصم من التكاليف ؛ من باب أولى نعلم عيال هالديرة اللي خيرهم لها ؛ بس يا عين السيح ؛ ديرتك مثل عين عذاري ؛ تسقي البعيد و تخلي القريب ؛
تعليق بسيط بخصوص (( والكورسات صدقني مافيها واسطه لانها تيي من التطوير الوظيفي وبالدور )) اما هذي ماني معاك هي واسطه مليووون في الاميه واذا حبتك عيني ما اظلمك الدهر
شكرا اخوي عالموضوع انا اوافقك بالراي بالنسبه للرسوم الدراسيه والله مكشخين الغير كويتي على حساب الشركة واحنا يالكويتيين كل شي من جيبنا الله كريييييييييم
بالعكس كلام جميل و من حقنا جميعا عل و عسى يشوفه واحد من النقابه عنده ضمير و يشتغل على هالمطالبات و اللتي لا تقف عند هذا الحد
