نقابة الادارة .. نست العاملين !

الكاتب : العتيبي511 | المشاهدات : 378 | الردود : 0 | ‏30 مايو 2018
  1. العتيبي511

    العتيبي511 بـترولـي جـديـد

    45
    15
    8
    ذكر
    الفحيحيل
    السلام عليكم,

    خلال مشكلة الراتب الاخيرة تبين لي شيء واحد مهم جدا..

    طبعا محد يختلف على دور النقابة السلبي جدا وهو شي تعودنا عليه..

    الموضوع هو ان الشركة ما نبهت ولا طمنت العمال ان حقوقهم و رواتبهم محفوظة!!

    يعني بالعربي الفصيح ما فيه اهتمام ولا حتى تعبوا نفسهم بايميل !!

    معقولة صرنا طوفة هبيطة الى هذه الدرجة؟

    نقابتنا قامت بدور التصريح بالنيابة عن الشركة!!
    شلون تبون استقرار وظيفي و التفكير بمصلحة العمل؟؟

    و النقابة ما دعمت توجه العمال !!
    يعني انتو يا مجلس ادارة النقابة تمثلون منو بالضبط؟ احنا ولا الشركة؟

    فزعتوا للشركة ضد الشريك و خليتوا العمال يتجهون لطرق اخرى!!

    للأسف ما فيه اي خطوة موفقة منكم في هذا الموضوع بكبره ... تشكرون الشركة اللي حتى ايميل ما ارسلت لنا عن رواتبنا اللي نداوم عشانها و رحتوا هجمتوا على الشريك السعودي دفاعا عن الادارة اللي بس يعرفون يرسلون ايميلات للفعاليات الهامشية !!

    القريش و اللذايذ و القرقيعان و معرض الانترنت اهم من معاشاتنا الظاهر :)

    ما نعتب عالشركة كثر ما نعتب عليكم .. انتوا حتى موقف مع العمال لمطالبة الشركة بصرف الراتب ما قدرتوا تسجلون..
     
    أعجب بهذه المشاركة جابر
جاري تحميل الصفحة...

مشاركة هذه الصفحة