مقال اكرام الميت... دفنه

الكاتب : رأي آخر | المشاهدات : 1,604 | الردود : 5 | ‏1 فبراير 2018
  1. رأي آخر

    رأي آخر بـترولـي نشيط

    64
    24
    8
    ذكر
    الاحمدي
    اخواني و زملائي بشركة نفط الخليج الكويتية

    كلنا نشوف اللي يحصل لنا ..

    ما نستلم راتب الا و نقص مننا شيء بنفس الشهر ...

    كل شهر تدز لنا نقابتنا "الميتة اكلينيكيا" بيان ترفض فيه و تستنكر و يستمر النقص بلا تحرك...

    مرة عالخفجي و مرة عالوفرة و مرة عالاحمدي و ترجع العجلة تدور علينا كلنا "حبة حبة"...

    و نفس البيان الموجه لنا ينعاد علينا...


    يا نقابة ملييينا .. ما نبي منكم بيانات تزعجنا عالفاضي !

    وين كتابكم اللي يقول البصمة بالخفجي أمنية؟ شنو فايدته؟؟ اليوم يقيمونا على البصمه !! العالم نزلو التقاييم !!

    الظاهر الكراسي و المناصب الجديدة بالاتحاد و التقسيمه اللي بينكم هي الأهم :)

    نسيتوا ان العمال هم اللي وصلوكم و المناصب ماهي وراثه !!

    اهي تكليف مو تشريف !!!:)


    الأمر وصل لرواتبنا و الأخوان صار لهم سنتين يستنكرون و يتفاجئون و يشكرون الشركة لتفهمها و لتعاونها.. وين التعاون ما أثمر ببدل الطريق؟؟

    الى متى و انتوا ترفقون مستندات؟؟؟ وين مستنداتكم ما جهزتوها من اول؟؟؟ كل شهر يمر نخسر فيه الفرقيه 45 دقيقه !!!

    للأسف مافي أي تحرك جاد منكم اخفاق ورا اخفاق ...


    شنو سويتوا عشان تحفظون حقوقنا؟ حفظنا صيغة بياناتكم من كثرها و تكرارها... كل مشكلة نفس البيان بس يتغير العنوان .. :):):)

    لو سمحتوا ما نبي منكم بيانات ضعيفة تزعجنا و موجهة لنا ماهي للشركه ;)

    بياناتكم تجمعت بتليفوناتنا اللي يقراها يتحسر على وضعنا !!

    اجتمعنا معاكم و وصلنا لكم الرسالة و وعدتونا و كله طلع بدون اي فايدة الناس جت من كل مكان توصل لكم استيائها و ما أوفيتوهم ولا قدرتوا اوضاع العاملين اللي تعنوا و حضروا عند باب مقر النقابة بسبب عدم تواصلكم!!

    من الاخر ...

    الواحد يسحب عضويته من الجمعية العمومية ابرك له واللي سبقونا فيها اتضح ان كان لهم نظرة افضل مننا للأمور :):)
     
    أعجب بهذه المشاركة مجتهد
  2. jemi

    jemi بـترولـي نشيط جدا

    243
    3
    18
    غلطان تسحب العضويه هذا الي يبونه
     
    أعجب بهذه المشاركة رأي آخر
  3. جابر

    جابر قــلــم بــتــرولــي أعضاء الشرف

    شوف طال عمرك ..محد عاجبه أوضاع الخفجي ولا تعامل النقابة مع هالمتغيرات ..بإختصار ..فقدوا الجرأة ..حتى بالبيانات والإستنكار
    لكن ..الحل مو إن الموظف يفقد الثقة بالعمل النقابي ويسحب عضويته من الجمعيه العموميه ..
    الحل بستمرار الضغط على النقابه ...وإن مانفع الضغط ..يتم تغييرهم ...
    إنسحابك من الجمعيه العموميه يعني تنازلك عن حقك وموافقتك الضمنيه على الممارسات الخطأ ...فأنت (تمسح) صوت ممكن يسقطهم غدا إن إستمرت أخطاؤهم.
     
    Workers و رأي آخر معجبون بهذا.
  4. جابر

    جابر قــلــم بــتــرولــي أعضاء الشرف

  5. رأي آخر

    رأي آخر بـترولـي نشيط

    64
    24
    8
    ذكر
    الاحمدي
    الضغط يكون من كافة اعضاء الجمعية العمومية .. المجهود الفردي لا يحرك ساكن.
     
  6. جابر

    جابر قــلــم بــتــرولــي أعضاء الشرف

    شوف طال عمرك ..يظل المجهود الفردى ..أفضل خيار(فردي) ..يليه ..عدم القيام بأى مجهود ..وأسوأ قرار ( برأيي) هو الإنسحاب من الجمعيه العموميه..
    بالنسبة للجمعيه العموميه ..
    هى مجموعة أفراد تختلف أولوياتهم وقناعاتهم ..ومدى تضررهم ..هناك أشخاص كانوا مستعدين للعمل بالخفجي حتى لو إستمرت رواتب شركة الزيت العربيه ..( يعني بدون أى علاوات ورواتب من نفط الخليج) ..وهناك أشخاص مستعدين يدخلون في نزاع مع الشركة بكبرها علشان فرقية (أيام) لبدل الطريق ..وممكن يسحب الشركة للمحاكم بسبب تقييم سنوي واحد..
    الزبدة ...
    إذا تبي تنطر الجمعيه العموميه بكبرها تتحرك ..صعبه حيل ....لكن كتاباتك ممكن تشجع ناس ثانيه تكتب
    ممكن هالكتابات تثير النقابه وتنبه على أوجه القصور فى عملها ..أما يحثها ذالك على التصحيح ...أو يكون سبب فعلي فى سقوطها وقت الإنتخابات .
    يظل الخيار طبعا لك
     
    Workers ،رأي آخر و jemi معجبون بهذا.

مشاركة هذه الصفحة