تذكرون

الكاتب : MR HANDSOME | المشاهدات : 830 | الردود : 17 | ‏16 أكتوبر 2007
  1. MR HANDSOME

    MR HANDSOME بـترولـي نشيط

    120
    0
    0
    تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر ووصاخه وبعدين يقصلك الصورة بالآله اللي عنده ام ذراع والاطراف مشرشره يعني يكون حركه

    تذكرون المعجون الصغير اللي ريحته تبط الراس ومعاه عود لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه

    تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعربك.....صج كانت معاناة بالعيشه

    تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك

    تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود ها فلان تكنها ولا ما تكنها لووول شدعوه شي زين عاد ...وكان لازم مالبورو احمر شعار الرجوله

    تذكرون لما يروحون الصبيان السوق مع الوالد يشتري لهم خامات حق العيد ...اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش تقول فرقة التلفزيون لوووووول

    تذكرون شامبو درين اللي بغرشه حمره مادري ورديه يعني كان كشخه بس ياوووووووووويلك يحوش عيونك 3 ايام انت عمي لوووووول

    تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم لووووووووووول

    تذكرون لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس غزال........واخر شي طايح مره ثانيه يم ريولك لوووووووووول
     
  2. dehen_3ood

    dehen_3ood بـترولـي خـاص أعضاء الشرف

    لوووووووووووووووول يسلمووو على هالنقل الجميل يا الوسيم :)
     
  3. HUMMER

    HUMMER بـترولـي خـاص

    هههههههههههههه
    انت من وين مطلع هالموضوع
    عساك عالقوه اخوي
     
  4. كنبس

    كنبس بـترولـي مميز

    814
    0
    0
    تذكرووووون ايام أول

    وطبعا مواليد الخمسينات داشين معانا بالحسبه


    تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها .

    تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه .

    تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب .

    تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع ( بلاستر وباندج)

    تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل -

    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه .

    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر
    تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.

    تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب .

    تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم .

    تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
    خدامتكم تلاقي اصابيعك اتعربك.....صج كانت معاناة بالعيشه.

    تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول

    تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....
    تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول

    تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه .

    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.

    تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره .

    تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال .

    تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.

    تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه

    تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله .

    تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول .

    تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم .
    تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت .

    تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين

    تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه .

    تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد ......

    تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
    كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ .

    تذكرون كمبيوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .

    تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش ( تقول فرقة التلفزيون لوووووووووووووووووووووووووول .)

    تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم .... لووووووووووول .

    تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف .....
    ترررررن تررررررن سكشن فايف.....هاي سوبر فالكون ههههههههه .

    تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول

    تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .

    تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول .
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    كآآآآآآآآآآآآآآآآآآآآآآآآآآآآآآآآآآآآآآآآآآآك
    حلوه حلوه حلوه كثر منهااااا ((:)
     
  6. الفيصل

    الفيصل بـترولـي خـاص أعضاء الشرف

    هههههههههههههههههههههههههه




    تذكرون لما كنا نحط قوطي السانكست على رفرف القاري من وري :)



    تحياتي لك
     
  7. بلبل عنقريزي

    بلبل عنقريزي بـترولـي خـاص

    2,187
    0
    0
    تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول


    ههههههههههههههههههههههههههههههههههههههههههههههه

    عانيت من هالشي
     
  8. dehen_3ood

    dehen_3ood بـترولـي خـاص أعضاء الشرف

    يا مال العافية على هالإضافات الحلوة يا كنبس
     
  9. KOCiya

    KOCiya بـترولـي خـاص

    1,596
    0
    0
    تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول
    .
    .
    لوووول شخباري
    اذكر اني شفته مره وحده بحياتي :)
     
  10. كنبس

    كنبس بـترولـي مميز

    814
    0
    0
    الله يعافيكم
    صج تذكروووووووووون ايام اول شزينها والله
    ياما كنا ننام الظهر ببيت جيرانا وامهاتنا ماتدرى وين نايمين من زود الثقه والامان
    تذكرون الخباز وهو يسوى لنا خبز بو صاروخ وفيه جبن مثلث
    تذكرووووووووووووووووووون
    تذكرون بطول البيبسي الى بثلاجه الارضيه وفيها ماااي وتاخذ البطل وهو باااااااااارد
    اللللللللللللللله
    اياااااااااااااااام والله
    تحياتي
     
  11. موظفة

    موظفة بـترولـي جـديـد

    24
    0
    0
    قلت موظفة
    الكويت
    يا زينها من ايام ---------------بساطة --------- ونفوس حلوة -------- اللة يعطيكم العافية
     
  12. Shoomy

    Shoomy بـترولـي خـاص

    انا ما اذكر هالسوالف :(
    يمكن لاني مو من العصر الحجري ;)
    كااااااااااااااااااااااااااك اتشاغا وياكم

    تذكرون كمبيوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .
    للحين صخر عندي

    تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد ......
    كااااااااااااااااك للحين اسويها

    تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول .
    هم للحين اسويها

    تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه
    على وجهها سمة الابرياء وفي خدها حمرة ناضرة(يعني نضرة = نقيه)

    صج صج صج يعطيكم العافيه وماقصرتوا

    تقبلوا مروري

    تحياتي
     
  13. زهرة التوليب

    زهرة التوليب بـترولـي خـاص

    تذكرون لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس غزال........واخر شي طايح مره ثانيه يم ريولك لوووووووووول

    لين الحين اقول حق عيالي يقولون جذي :p

    لوووووووووووووووووووووووووووول
     
  14. المهندس

    المهندس بـترولـي خـاص

    1,305
    8
    0
    كبرنا والحياه ما صارلها طعم اللا من الوجيه السمحه اللي في المنتدى :)
     
  15. النزغة

    النزغة بـترولـي خـاص

    1,073
    0
    0
    واااي مت من الضحك كلة كوم و سوبر فالكون كوم ثاني لول و يعطيك العافية
     
  16. Mr. Engineer

    Mr. Engineer بـترولـي مميز

    662
    0
    0
    هههههههههه، حلوة :D

    أنا صراحة ياما انزفيت على هالسالفة، أتذكر كان فيه مسابقة أنك تجمع حروف كلمة BMW 745 و تربحها،

    حصلناهم كلهم بس حرف واحد كان نادر قمنا بطلنا سحارتين كاملين و ماكو شي، و أذكر الوالد زفنا زف على هالسالفة، لوووووول.

    صج كانت أيام

    تحياتي للجميع
     
  17. كنبس

    كنبس بـترولـي مميز

    814
    0
    0
    اذكركم بعد
    تذكرون اول الصور والعكوس بالجنجفه
    صور سعاد حسني وكمال الشناوى وصباح ومديحه يسرى و عماد حمدى و و و و و
    ونلعب عليهم العكوس ومنو يربح ويجمع اكثر عكوس

    تذكرون ايام العيد نروح البحر بالبلاجات ونشوف الهنود والصعايده يصورون ووراهم زوليه يعنى منظر وماسك بايده ورده من نايلون
    وهات ضحك كاااااااااااااااااااااااااااااااااااااااااااااك
    والله ايام فلللللله قبل
     
  18. مختبرجي

    مختبرجي بـترولـي نشيط جدا

    196
    0
    0
    KOC
    اي والله ايام حلوه
    ولا سالفة زلف سبعه ههههههههههههههه
     
جاري تحميل الصفحة...

مشاركة هذه الصفحة