من يستاهل الفائض ؟ احنا ولا هم ؟

الكاتب : Toxic | المشاهدات : 463 | الردود : 8 | ‏29 يناير 2008
  1. Toxic

    Toxic بـترولـي جـديـد

    29
    0
    0
    بسم الله الرحمن الرحيم
    اظن قريتو بالجرايد ان الفائض بالميزانيه 20 مليار دينار كويتي !!
    يقولكم يا محافيظ السلامه .. اول ما اعلنت الكويت الخبر ولا الطيايير تهل علينا و اول من السودان و اكيد يبون قرض و بعد فتره يطيحون القروض عليهم !!! @@
    مو حرام ؟؟ مو احنا اولى في هالفلوس ؟؟ هالدوال هذي كانت ضدنا في ايام الغزو .. السودان و فلسطين و الاردن .. و العراق اهم اللي داشين علينا .. و للاسف ان هالدول اهي الي تيي و تطلب قروض .. !!

    والحين السؤال يطرح نفسه :

    منو الي يستاهل هالفلوس احنا و لا اهم .. رجاءا لحد يتفلسف و يقول بسنا طمع .. هذا خير الكويت و احنا اولى فيه من الغريب ولا شرايكم يا شباب و شابات :)
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    وانا أقوولك رجاءا موضووعك هذاا مترووس منه بصفحه المنااقشاات الجااده
    شنووو سويت شي مميز ومفيد للمجتمع عشاان يعطووونك الزياادة الي تقوول عنهاااا :D
     
  3. Toxic

    Toxic بـترولـي جـديـد

    29
    0
    0
    الشي المميز اني اشتغل شفتات وبين غازات سامه .. و بين معدات سكراب ما تبدلت من سنة 1992
    وفوق كل هذا حتى السيفتي الي يعطونه اياه بوطقه

    و اللي يميزنا احنا "موظفين المصافي و السناتر" لو احنا ما نشتغل و المصافي تطفي اظن ان معاشج ما راح ينزل وراح تروحين الدوام بقاري او سكوتر مثل ما صار في لندن ..

    عرفتي شنو الي يميزنا الحين ؟؟؟؟
     
  4. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    يعطيك العافيه على الموضوع وكلام صحيح 100/100 بس تدري شنوا المشكله اخوي حنا نتكلم في المنتدي وننقهر ومحد يدري عنااا ولا جاب خبرنااا يعني بلعربي حنا نقص على انفسنااا في المنتدي كل واحد يقول موضوع يقهره ويقهر القارئ
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    عزيزي علي ماعتقد يعطونك بدل خطر علي موقع عملك ;)
    وعليك تأمين داخل وخارج الدوام يعني اذا صار شي لاقدر الله وبعيد الشر عنك عليك تأمين ;)
    وعلي قولتك لو ماتشتغل في غيرك يشتغل الوافد يشتغل ماعنده مشكلة وبأقل من ربع معاشك :)

    ولو نروح الدوام بسيكل او سكوتر او حتي لو كعاابي أفضل منها رياضة ومنها نخفف الزحمه ونحافظ علي البيئة :p
     
  6. Toxic

    Toxic بـترولـي جـديـد

    29
    0
    0
    عزيزتي -----> بدل الخطر الي يعطونه اياه 100 و الداخليه 150 و في بعضهم 200 او 250 @@؟؟
    هل الداخليه اخطر من البترول ؟!؟!

    و بخصوص السكوتر و الكعابي ما راح ينفعكم بالصيف .. المكيااج يسيح و وبعدها لازم يعطون المراجع بدل خرعه :)

    واللي ايده بالنار مو مثل الي ايده بالماي
    لما تداومين بمصفاة راح تحسين بالفرق و الظلم و سلملم يا ام كعابي
     
  7. كي او سي

    كي او سي بـترولـي خـاص أعضاء الشرف

    خلونا من كم يعطونا وكم اخذنا

    شنو سوت ديرتنا بالفوائض خلال الثلاث سنوات الماضية ووين راحة الفلوس اللي بالمليارات

    رحت اليوم اسجل مولود جديد في الفحاحيل ، مبنى صج يفشل ، والله حرام يطلق عليه مبنى

    تقول سكن عزاب بسكراب الجهراء

    شتبون اكثر من هالمسخره ، مبنى حكومي للحين من طين

    شوفوا وزارة الداخلية ومبانيها

    شوفوا مستوصفات وزارة الصحة

    شوفوا وزارة الشؤون ومراكزها ووحداتها اللي منتشره بمناطق الكويت كلها

    شوفوا البلدية وخدماتها العقيمة

    شوفوا مباني اللي تابعه حق وزارة الكهرباء

    شوفوا المواصلات والروتين اللي فيها واللي غصب اتحصل موظف مع انها اكثر وزارة فيها موظفين

    شوفوا وشوفوا وشوفوا

    السؤال المفروض اللي يطرح نفسه وبقوه

    وين راحت هالمليارات؟؟؟؟؟؟؟؟؟؟؟

    وغير مدخول النفط

    هناك مداخيل كثيره

    منها

    وزارة الكهرباء ، والداخلية ، وزارة الصحة ، وزارة الشؤون ، وزارة الاعلام، وزارة التجارة ، وزارة الاسكان،

    شفتوا اكثر من هالمسخرة اللي حاصله

    والله عوار قلب

    الله يعينا، والله كريم
     
  8. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    خلاص قدم أستقالتك من النفط وروح الداخلية ولا تقعد أتحلطم :D
    وبالنسبة للمكياج لا تخاف حاطين حماية قويه ضد الشمس خخخخخخخ :cool:
    نفس الشي سواء كان المصفاه ولا الشركة كلهم عيال الكي بي سي ;)
     
جاري تحميل الصفحة...

مشاركة هذه الصفحة