قنواتنا فضحتنا

الكاتب : بيروتي | المشاهدات : 872 | الردود : 12 | ‏29 يناير 2008
  1. بيروتي

    بيروتي بـترولـي جـديـد

    32
    0
    0
    الله يعز الديموقراطيه

    يا جماعه انا قاهرتني بعض البرامج اللى ما همها الا السلبيات اللى بالكويت

    تشوف كل يوم طالع برنامج على ابو صراحه او خلف الابواب او شي ما شفتوه

    وعلى هالمنوال من البرامج اللى بس فضايح ديرتنا يعني نشر غسيلنا

    على الفضائيات واذا خلصنا من البرامج طلعت لك المسلسلات اللى اغلب

    ممثلينها من العاهرات الغير كويتيات والمشكله انها تتكلم باللهجه الكويتيه

    واخذ بلاوي ومصخره واخر شي يقولون مسلسل كويتي .

    والعجيب ان هالسوالف بس بالكويت يعني ما تحصل برنامج بدوله خليجيه

    يتكلم عن ديرته بس بالكويت نشر الغسل .

    والله شي يقهر
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    خل كل وااحد يضاااابح علي كيييفه وعلي العمووم وضعناا صاار وجبة دسمه لبراامج السلبيااات
    وللنااس الي يحبوون السواالف والتفلسف
     
  3. brilliant

    brilliant المـراقب الـعـام

    8,477
    0
    0
    Engineer
    Kuwait
    الهدف المادي بلا رقابه
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اخوي ما نقدر نقول عن الممثلات عاهرات الواحد ما يحط بذمته شي ... اعتقد انه المسلسلات قامت تبالغ في ابراز بعض السلبيات في الجمتع الكويتي بصراحة حسسونا انه مجتمعنا مليء بالجنس الثالث و المسترجلات هذا غير مشاهد الليالي الحمراء و كانه المجتمع الكويتي منحل و هذا مو صحيح نعم في اخطاء و في سلبيات لكن مو بالشكل الللي يبرزه مؤلفين المسلسلات .... ما ادري هل البيئة اللي عايشين فيها كتاب هالمسلسلات تختلف عن بيئتنا و لا اهم عايشيين بديرة ثانية غير الكويت : )
     
  5. الصايغ

    الصايغ بـترولـي خـاص

    علشان الدنانير القنواة تبيع الديرة وسمعتها علي الفضائيات
    البعض طبعا
    والرقابة نفسها يبيلها رقابة
     
  6. MAB12

    MAB12 بـترولـي مميز

    لما يطلعون ممثلة لابسة قصيييييييييييير ومو مخليه شي من المكياج هل ننظر لها انها محتشمة ؟

    لما يطلعون بنت مسترجلة وتحاول تغازل البنات هل ننظر لها انها محتشمة ؟

    لما يطلعون ممثلة دورها بالمسلسل انها بنت شقق هل ننظر لها انها محتشمة ؟

    لما يطلعون ممثلة نايمة ( منبطحة ) على السرير ( طبعاً المشهد تكرر كذا مرة خلف الكواليس ) هل ننظر لها انها محتشمة ؟
    انا ما يقهرني اللا لما يحطون لقاء مع المخرجه ( ف الس... ) واذا سئلوها عن المسلسل قالت انا حبيت اخليكم تشوفون واقع المجتمع الكويتي


    **اخوي شركة من صادها انا حبيت اعقب على المشاركة كلها وحبيت اعلق على مشاركتك
     
  7. Shoomy

    Shoomy بـترولـي خـاص

    شغل عدل

    :rolleyes:

    كل اللي قلتوه على راسي

    بس مو كل شي ينقال او ينعرض يكون صج صاير .. في اشياء مبالغ فيها
    انا ماقول الكويت خاليه من هالمواضيع ولا اقول الكويت ديره منتشر فيها الفساد

    اكوو فعلا ناس خربانه وفاسده واكو ناس عدله ومحترمه
    يعني الحين يا جماعه لو تروحون تشترون كرتون تفاح .. كل التفاح اللي موجود بالكرتون زين؟؟ :D
    في خربان صح ولا انا غلطانه؟؟

    هذا الحال جذي .. ومو بس بالكويت .. بكل دوله فيها هالاشياء

    الحال عندنا بالكويت .. ان المخرجين الافاضل .. قاموا يطلعون البلاوي .. ( على قولة امي .. يطلعون خياس الكويتيين :p)

    الله يهداهم .. اهم ماطلعوه وبس .. لا لا لا .. زادوه بهارات .. واضافوا عليه شويه نكهات اصطناعيه والوان عشان يطلع بمظهر حلوو يخلي المشاهد يشتهي يشوف المسلسل .. يعني يفتحون نفس المشاهد على المتابعه

    اذكر ان كاتب او بالاحرى مؤلف .. قال : انا عايش بكندا من وانا صغير وصارلي 5 سنين من رديت الكويت
    وبهالخمس سنين كان يشوف سوالف ( شلون كان يشوف .. الله اعلم ;) ) المهم من منطلق ان اهو كان يشوف هالسوالف قام الحبيب وكتب مسلسل من هني لي هناك .. طلع بلاوي المتزوجين .. والتحرشات .. وغيره وغيره

    يعني اذا واحد ماعاش بالكويت الا 5 سنين وشاف وكتب وطبق .. اللي عايش طول عمره شبيقول؟؟ :confused:

    ماعلينا ... انا ما ابي ازيد بهالموضوع .. بس اللي صار ان المجتمع الكويتي رضى ان بلاويه تطلع للناس كلها
    لكن باقي المجتمعات وبدون ما اذكر ... مارضوا بهالشي على ديرتهم

    لو الرقابه ماتبي .. ماتشتري وتبيع .. يعني تمنع المسلسل من انه ينعرض على اي قناه كويتيه وتقوم تبيعه على قناه عربيه ثانيه وهذيك القناة تعرض بلاوي وبدون مقص الرقابه بعد

    إييييييييييييييييييييييه .. قلبها متروسه والله :eek:

    جني تكلمت وايد وشطيت عن الموضوع .. مادري اذا كفييت ووفيت بالشرح .. وعورت روسكم .. لكن هالكلام طالع من صماصيم قلبي :p (شنو صماصيم .. لا تسالوني :D )

    تقبل مشاركتي يا أخي العزيز ... بيروتي

    تحياتي للجميع
     
    آخر تعديل: ‏30 يناير 2008
  8. كي او سي

    كي او سي بـترولـي خـاص أعضاء الشرف

    اختصار الموضوع يكمن في شئ واحد


    دائما الفساد والرذيله تكون مكشوفه وواضحة وضوح الشمس لقلة الادب والحياء الغير موجود بتاتا بالنسبة لهم ولتمكن

    الشياطين منهم

    والناس المحترمين لا يستطيع احد التحدث عنهم لان نادرا ما تسمع عنهم او تشاهدهم
     
  9. special

    special بـترولـي نشيط جدا

    184
    0
    0
    اولا شكرا لصاحب الموضوع

    ثانيا فعلا الموضوع مصخ اذا تبي برنامجك او مسلسلك ينجح طلع

    بس السلبيات والفضايح يعني الهم الوحيد الماده اما سمعه بلدك

    بالطقاق والشي اللي اهم فعلا ليش ما نشوف هالبرامج الخايسه

    باي دوله خليجيه ثانيه
     
  10. بيروتي

    بيروتي بـترولـي جـديـد

    32
    0
    0
    شكرا لتفاعلكم وان دل فانما يدل على حبكم لسمعة بلدكم

    والله الكويت ما تستاهل كل اللى يسونه

    واكرر شكري لكم
     
  11. الناهض

    الناهض بـترولـي خـاص

    2,144
    0
    0
    شركة نفط الكويت
    الصراحه...

    نفسيا"

    تعبنا,,,
     
  12. بيروتي

    بيروتي بـترولـي جـديـد

    32
    0
    0
    والله انك صاج يالناهض تعبونا نفسيا
     
  13. BADER

    BADER بـترولـي نشيط

    51
    0
    0
    للأسف يا شباب الابداع بالفن انعدم شوفوا ربعنا شنو يعرضون بالشهر الفضيل وشوفوا المصريين والسوريين شنو يعرضون وبتعرفون الفرق
     

مشاركة هذه الصفحة