شاعر "يهزأ " بنت كانت تخزه

الكاتب : غيوم | المشاهدات : 814 | الردود : 17 | ‏29 يناير 2008
  1. غيوم

    غيوم بـترولـي خـاص أعضاء الشرف

    7,298
    1
    0

    كل شبر بهالوسعيـه ملـك ربـي تعلميـن
    وأعلم إن اللي خلقني هو خلق لـك هالعيـون

    لكن انتي من جلستي وانتـي فينـي تحدقيـن
    كن ما به ناس غيري بهالكراسـي يجلسـون

    لو سمحتي عاد أسمعي وحتى لو ما تسمحيـن
    المهـم اللـي بقولـه تسمعينـه و يسمعـون


    ع الأقل ليا نظرتك سـوي روحـك تستحيـن
    غضي طرفك مثل غيرك خوف ربعي يلمحون


    الركادة عاد زينة والحياء فـي البنـت زيـن
    وفيـك جآزم لا ركـادة ولا حيـاءٍ يـذكـرون

    تعرفينـي ؟! أعرفـك ؟! مذكـر إنــا ملتقـيـن
    لا أعرفك من تكوني و لا تعرفي مـن أكـون


    وإطمأني أن كان قصدك بس فينـي تشبهيـن
    ما هـو أنـا إلي تعرفيـه والبشـر يتشابهـون


    مـا دريتـي مالتشابـه يخلـق الله أربعيـن
    وأعرف أربع يشبهنك بـس والله يستحـون

    وإن كان قصدك شي ثاني عاد قولي وش تبين
    خايف إنا نصير فرجة وإللي ماشتروا يتفرجـون


    وإذا ع البال عاجبتنـي لا يحوشـك تحلميـن
    صح ربعي من جمالك فيـك صـار يمدحـون


    بس وش لي في حلاتك دام فيهـا ترخصيـن
    حشمة البنـت وحياهـا والكرامـة يلفتـون

    ولو توفر فيك هـذا مـع حلاتـك تبشريـن
    ما هو أنا ألف غيري بـاب بيتـك يطرقـون


    وش علامك رغم كل اللي أقولـه وتسكتيـن
    مو طبيعي هالسكوت وهالبـرود وهالسكـون


    إنتـي خرسـا أسألـك ولا مانـك تسمعيـن
    قالوا ربعي ذي كفيفـة قلـت لا لا تمزحـون


    لين شفتك يوم رحتـي يمسكونـك باليديـن
    ما دريت إلا عيونـي أربـع أربـع ينزفـون

    آه ياني منه مشهـد يـوم شفتـك ترحليـن
    جيت اشوف عيون ربعي لقيت الكـل يدمعـون


    قلت سنّـة هالحيـاة وحـن ترانـا مؤمنيـن
    الله اللـي مسيّرنّـا بيـن كافـ وبيـن نــون

    وكل أبونا نختلف مع إننا مـن أصـل طيـن
    سبحان يلي مصورنا ولله في خلقـه شـؤون

    يعني حنا كل أبونـا عـاد إسمنـا بنادميـن
    وليا قضى ربك أمر وقـال لـه كـن فيكـون


    فينـا يلـي رازقه خيـر رب العالمـيـن
    وفينا يلي هو لعطفه بحاجة القلـب الحنـون


    و فينا يلي مـا شكـى مـن علـةٍ كالآخريـن
    صـمٌ و بكـمٌ و عمـيٌ فـهـم لا يفقـهـون


    بس قليل عـاد فينـا للنعـم هـم شاكريـن
    و الله يرزق هالخلايق من حيث هم لا يعلمون


    و تدري عاد يالكفيفة حنا تراى متشابهيـن
    و إن مانعمت أبصارنا القلوب أهـم إلي يعتمـون


    يالكفيفة يالعفيفـة إن قلـت آسـف تقبليـن
    يغفر الله ذنوب عبده ليا خطا وهـل تغفـرون...



    و سلامتكــــــــــــــــــــــــــــــــــمــ
     
  2. كريستاله

    كريستاله بـترولـي خـاص

    1,358
    0
    0
    الصرااحه رووووووووووووووووووووووووووووووووووووووووووووووووعه
     
  3. غيوم

    غيوم بـترولـي خـاص أعضاء الشرف

    7,298
    1
    0

    هلا أختي اشكرج علي مرور

    حياج الله
     
  4. الناهض

    الناهض بـترولـي خـاص

    2,144
    0
    0
    شركة نفط الكويت
    الصراحه

    ماتسوى عليها هالنظره..

    مشكوره غيوم وماقصرتي
     
  5. القحطاني

    القحطاني بـترولـي خـاص أعضاء الشرف

    4,717
    0
    0
    تسلم ايدج غيوم

    صح السان الشاعر

    حضه يقدر يعبر
     
  6. غيوم

    غيوم بـترولـي خـاص أعضاء الشرف

    7,298
    1
    0
    العفوووووو

    اشكرك علي طلتك

    تحياتي لك
     
  7. غيوم

    غيوم بـترولـي خـاص أعضاء الشرف

    7,298
    1
    0


    الله يسلمك من كل شر

    صح بدنك

    حياك الله
     
  8. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    مشكوره حبيبتي وما قصرتي على الموضوع
     
  9. العابر

    العابر بـترولـي خـاص

    الله الله
    لاهنتي يا اخت غيوووم
     
  10. حرف

    حرف بـترولـي خـاص

    1,776
    0
    0
    جميله هذى القصه

    انا اعتبرها روايه مجرد كلام مصفوف ماتوصل لمرحلة قصيده شعر

    شكرا غيووم
     
  11. sosha

    sosha بـترولـي نشيط

  12. غيوم

    غيوم بـترولـي خـاص أعضاء الشرف

    7,298
    1
    0
    computer department & العابر & حرف & sosha

    أسعدني مروركم و ردودكم علي القصيدة


    لا تحرموني هذا التواجد


    تقبلوا تحياتي لكم
     
  13. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ما ادري شقول يعني كلمة روعة شويه على هالنص اللي اكثر من رائع .... فكرة النصح حلوه و كلمات الشاعر يت سلسة بالاضافة الى تسلسل الاحداث (( شفيك قلبت دكتور غسان )) .. بس عجيب الشاعر داق الثقل : )

    على هالنقل كاان ودي اقوم اصفق بس اخاف اقعد الاهل من النوم (( تمت قراءة النص الساعة 1 نصل الليل))

    نص شقاااااااااقي : )
     
  14. Blue angel

    Blue angel بـترولـي خـاص

    يعطيج العافيه غيوم يه يه يحليله الشاعر ثقيل :)
     
  15. feed gas

    feed gas بـترولـي خـاص

    صححححححح لسان الشاعر.. اعتقد ان العبره من القصيده ان الواحد لا يحكم علا الناس من ضواهرهم و بدون تفكير منطقى.. الركاده بعض المرات تغنينا عن كلمه اسف بدون داعى....دمتم سالميييييييين
     
  16. غيوم

    غيوم بـترولـي خـاص أعضاء الشرف

    7,298
    1
    0

    هههههههههههههههههههههههههههه

    صراحة ضحكتني بردك

    مشكور يا خوي علي ردك الجميل

    تحياتي لك
     
  17. غيوم

    غيوم بـترولـي خـاص أعضاء الشرف

    7,298
    1
    0


    الله يعافيج حبوبة

    تحياتي لج
     
  18. غيوم

    غيوم بـترولـي خـاص أعضاء الشرف

    7,298
    1
    0

    كلامك صحيح 100%

    لأزم ما نحكم علي الإنسان بمظهر الخارجي

    تحياتي لك
     
جاري تحميل الصفحة...

مشاركة هذه الصفحة