عملية كبرى و التأمين يتعذر و يرفض الموافقه

الكاتب : macnagget | المشاهدات : 1,068 | الردود : 2 | ‏16 مايو 2017
  1. macnagget

    macnagget بـترولـي نشيط

    108
    9
    18
    السلام عليكم ،

    باختصار و بشكل بسيط التأمين ومهاتراته و مماطلاته !! يعني انا شاب عمري ٣٠ سنه اصبت بمرض وراثي بالقولون و محتاج عملية استئصال كامل للقولون ، و التأمين رافض يغطي بحجة ان والله هذا مرض وراثي !! يعني اذا على كلام مكتب التامين بأن يغطي العمليات الكبرى بحد اقصى وقدره ١٠٠٠٠ الف دينار .

    الحين بعد ما تقدمت من قبل حق منظار لازالة اللحميات رفضوها و اضطريت ادفع مبلغ ١٠٧٥ دك ! و بالامس تقدمت بطلب اشعة مقطعية للقولون و المعدة و انرفضت ! يعني الواحد ليش حاطين تامين ؟ بالذمة شنو فايدتك اذا مرض نفس هذا و حالة مو سهله ما تغطيها ، لمن نشتكي و منو يتحمل هالموضوع ؟ يعني تكاليف العملية تقدر بمبلغ مايقارب ٥،٥٠٠ الف دك ! و التأمين يقول والله مرض وراثي عيل شنو العمليات المسموحه بنظرهم شنو هالمصخره ! ياليت الادارة يلقون لنا حل ! يعني الواحد بروحه على قد حاله و مبلغ مثل هذا مو لعبة و احنا ورانا ناس و عيال ! و طبعا العملية مكلفه لانها تعتبر جراحة منظار وافضل الحلول لان الجراحه الاعتيادية خطرة و مضاعفاتها اخطر بكثير من المنظار .. يعني الموظف شنو ذنبه سنويا الشركة و الادارة تدفع مبالغ مالها حسيب ولا رقيب للتأمين و بالاخير التأمين يتجدد سنويا بدون صرف للمبالغ المتوفرة بالبطاقه !! لا حول ولا قوة الا بالله ، والحمد لله على كل حال ! بس طفح الكيل يا جماعة يعني لا اشعة يقبلون ولا عمليات يسوون ولا يتحملون اي شي وقت الضروره او وقت الحاجه شنو هالمصخره !!

    اعتذر على الاطاله و لكن مني الى الله العظيم و حسبي الله عليكم

    و ياليت الادارة اتحرك ولا تسوي شي ، يعني ولد الشركة مايصير هالمصخره يعني رافضين هالعمليه و اتحدون الواحد يسويها ويجازف بحياته عند اطباء مشبوهين و غير معروفين الله يسامحكم
     
  2. كاتب

    كاتب بـترولـي نشيط جدا

    179
    25
    28
    للأسف هم يلعبون ومو لاقين احد يوقفهم
    لكن مالك الا تروح مستشفى الاحمدي وتعالج عندهم وتاخذ رد التأمين حتى يعالجك مستشفى الأحمدي
    لانه أي مرض مايغطيه التأمين
    لك حق تروح الاحمدي
     
  3. كلمة الحق

    كلمة الحق بـترولـي نشيط جدا

    246
    32
    28
    لازم يكون في تحرك وحل لمثل هذي المشاكل
     
جاري تحميل الصفحة...

مشاركة هذه الصفحة