استفسار موجه لذوي الخبره بالعقود (التكويت)

الكاتب : Eng. Ebra | المشاهدات : 1,059 | الردود : 4 | ‏7 نوفمبر 2016
  1. Eng. Ebra

    Eng. Ebra بـترولـي جـديـد

    39
    8
    8
    ذكر
    السلام عليكم،

    يا جماعه الخير عندي استفسار بسيط.
    الحين لمن الشركه إدق علينا لحضور وتوقيع العقد. هل في شغلات بالعقد لازم نخليها بعين الاعتبار؟

    بمعنى، شنو الشغلات الاساسيه المستحقه لنا كموظفين تكويت؟

    على سبيل المثال، اذا العقد ما يشمل تأمين صحي، هل هالشي طبيعي؟ ولا لازم اراجع النقابه وابلغهم؟
    وهل الشركه مجبره تعطينا تذكره وبونص كل سنه ولا الموضوع راجع للشركه نفسها.

    افيدونا بارك الله فيكم
     
  2. Eng.d.al

    Eng.d.al بـترولـي نشيط

    53
    27
    18
    أنثى
    الي اعرفه انه
    لج ٢٠٠ دينار تذاكر سنويه
    ولج تأمين صحي وبونص
    اكيد
    واتوقع من تكويت نفسهم
    بالنسبه للقريد
    اذا مهندسه بيوظفونج على قريد ٧
    وكل سنتين الى ٣ يقولون يتغير القريد يعتمد على تقديرج السنوي من رئيس العمل نفسه
     
    أعجب بهذه المشاركة Eng. Ebra
  3. AAT

    AAT بـترولـي جـديـد

    25
    12
    3
    ذكر
    CR-O
    دولة الكويت
    تقريبا كل العقود بالتكويت الحين تشملها اللائحه اليديده مالت 2014 والمميزات مالت التكويت العامه اهيه:
    تأمين صحي (صيدليات+عيادات ومستشفيات خاصه)
    تذكرة سفر ( مو تذكرة بالصج.. بس يعطون 200 دينار كل سنة ايداع بالحساب)
    زيادة سنويه علراتب (من 10 دنانير لي 50 دينار علمؤهل الدراسي ودرجة التقييم السنوي من المسؤول المباشر + بونص سنوي بحد راتب كامل من غير خصم التامينات طبعا)
    اجازة سنويه مدفوعه 42 يوم
    القريدات (الدرجه الوظيفيه) كل سنتين لكن بالاختيار ولها موضوع كامل بالمنتدى والعاده ماتنذكر بالعقد..
    مستحقات/مكافأة نهاية العقد والي اهي 15 يوم عمل على كل سنه من الخدمة بالعقد ( نص راتب )
    هذيل الشغلات الثابته والي اغلب العقود اليديده تكون مذكوره فيهم تقريبا..
     
    أعجب بهذه المشاركة Eng. Ebra
  4. Eng. Ebra

    Eng. Ebra بـترولـي جـديـد

    39
    8
    8
    ذكر
    مشكوور وعساك عالقوه.

    بس السؤال الحين، اذا في شي من الشغلات اللي ذكرتها مو موجوده بالعقد. شنو اللي أقدر اسويه بهالحاله؟
     
    أعجب بهذه المشاركة AAT
  5. AAT

    AAT بـترولـي جـديـد

    25
    12
    3
    ذكر
    CR-O
    دولة الكويت
    اذا في شغله من هذيله مو مذكورين بالعقد، اسأل الشركة (المقاول) قبل ماتوقع عقدك عندهم، مليون بالاميه كل المميزات والشروط واللوائح المطبقه او المتفق عليها بين الشركة الرئيسيه والمقاول (الشركه الي توقع عندها) عنده الرد عليها. لأن التكويت مالك اي صلة فيهم الا عقب توقيع العقد.. بيقولولك اسأل الشركه.. ف لا توقع على شي الا لم تكون مقتنع وراضي فيه، والغالب الكل يكتب بالعقد هلشغلات فلا تحاتي.
    بالتوفيق
     
جاري تحميل الصفحة...

مشاركة هذه الصفحة