مقال تركيب نظام البصمة بشركة نفط الخليج و العمليات المشتركة عالكويتيين فقط !

الكاتب : موظف منقول | المشاهدات : 7,573 | الردود : 3 | ‏3 نوفمبر 2016
  1. موظف منقول

    موظف منقول بـترولـي نشيط

    51
    16
    8
    ذكر
    الكويت
    مساكم الله بالخير

    انتشرت صور من امس و اليوم لاجهزة البصمة الجديدة بالشركة داخل المبنى الرئيسي و شافوها عدد كبير من العاملين اللي راحو يقدمون شهادة لمن يهمه الامر المطلوبة من قسم التعويضات.

    اعضاء النقابة طبعا ما عندهم تعليق اذا واجهناهم و ما في احد منهم قال لنا حقيقة و تفاصيل تطبيقها مع العلم انه اجتمع فينا رئيس النقابة الحالية بالوفرة بعد قرار المؤسسة بتاجيل نقلنا و قال لنا "بأذن الله البصمة راح تتطبق" !!

    و بالاجتماع كان في استياء من الحاضرين و قال لهم " عادي هذا النظام موجود بكل مكان " ناسي انه يكلم ناس تداوم بمواقع و حقول و تعبر حدود و تفتيش و شفتات !!!

    و بعد ما شاف ان الحضور مستائين من موضوع البصمة و طالبو برفضها قال " اللي تبونه احنا حاضرين "..

    2016-11-02-PHOTO-00013684.jpg

    و للاسف اليوم تطبقت البصمة ولا شفنا اللي وعدنا فيه رئيس النقابه ولا حتى ببيان او تصريح ..

    و الاخبار تأكد لنا كلام رئيس النقابة بالاجتماع ان البصمة قادمة قريبا جدا و توقعت عقودها لعمليات الوفرة و الخفجي..

    يعني شنو بيستفيدون من هاذي الاجهزة الجديدة مع الانتاج الواقف؟؟

    مع العلم ان الشركة وقعت مناقصة انشاء المبنى الجديد ..


    يعني حتى المبنى الحالي بينهدم و بيشيلون الاجهزة بعد كم شهر !!!


    وين التقشف و المناقصات توها تتوقع و تتركب الاجهزة ولا التقشف عالعاملين بس ؟؟؟

    وين المساواة مع الجانب السعودي ؟

    ليش علينا البصمة و مو عليهم ؟؟؟

    يعني ما فيه ثقة بأنظمة الحضور و الانصراف ولا بالعاملين الكويتيين ؟ و المسؤول علينا واحد !!

    للاسف الاوضاع من سيء الى أسوء مع عدم وجود من يدافع عن حقوق العاملين الكويتيين و يحميهم من التخبط هذا ...


     
    أعجب بهذه المشاركة كلمة الحق
  2. كلمة الحق

    كلمة الحق بـترولـي نشيط جدا

    246
    32
    28
    النقابه تخلت عن العاملين وباعتهم خلاص

    والكل الحين متقبل الطراقات من اي جهه

    وبالاخير ينقلونا الى اي شركه ويروح علينا بدل الطريق ومكافأة وزارة النفط وباقي البدلات
     
  3. الأمين

    الأمين بـترولـي جـديـد

    9
    5
    3
    ذكر
    اللي قاعد يصير شي غريب والاغرب سكوت النقابة
     
  4. جابر

    جابر قــلــم بــتــرولــي أعضاء الشرف

    للأسف النقابه ماتساعد أحد يدافع عنها ..ولاهي مستعده تتكلم ...مهما كانت أسباب الصمت ..مجاميع عدة بدأت تنظر على إن النقابه تخاذلت عن واجباتها ..
     
جاري تحميل الصفحة...

مشاركة هذه الصفحة