شنو تسوي اذا التيم ليدر حاط عليك

الكاتب : lujain | المشاهدات : 1,018 | الردود : 10 | ‏11 أغسطس 2016
  1. lujain

    lujain بـترولـي جـديـد

    30
    2
    8
    السلام عليكم
    ابي نصايح من الكل عن حقوق الموظف اذا التيم ليدر دكتاتور اضهاد و سوء معامله و خصوصا اذا الموظف توه متوظف و مايعرف دربه؟
     
    أعجب بهذه المشاركة Workers
  2. BOAHMAD

    BOAHMAD بـترولـي نشيط جدا

    340
    44
    28
    تنديل
    الكويت
    اطلب مقابلته وكلمه رسمي
    واذا مااقنعك بجوابه لك على المعامله السيئه الغير مسببه حسب كلامك ،،، اطلب مقابلة المنجر واذا ماطلعت بنتيجه وانت فعلا مظلوم اطلب مقابلة نائب العضو المنتدب
    وبعد هذا كله اذا ماطلعت بنتيجه مت حقك تشتكي عند العلاقات الصناعيه
    لكن بالاول نصيحتي لك اقعد مع نفسك وابحث عن سبب المعاملة السيئه من التيم ليدر
     
    dayzheart و Workers معجبون بهذا.
  3. lujain

    lujain بـترولـي جـديـد

    30
    2
    8
    هل يحق للموظف طلب مقابلة المنجر بدون علم التيم ليدر؟
    هل يحق للموظف انه يشوف المنجر بدون حضور التيم ليدر و شنو يسوي اذا التيم ليدر غصب المنجر الا يكون موجود؟
     
  4. عامل نفطي غيور

    عامل نفطي غيور بـترولـي نشيط جدا

    402
    10
    18
    السلام لابد بان مسؤلك المباشر على علم لان المدير قبل المقابله يعرف عن كل شئ
     
  5. q8 oil Engineer

    q8 oil Engineer بـترولـي جـديـد

    46
    11
    8
    نصيحتي لچ يا أخت لچين بما أنچ موظفه جديدة انتقلي

    ما له داعي من أولها تدشين بمشاكل

    و بالنسبة لبقية أسئلتچ يعتمد أنتي بأي شركة؟
     
  6. ما اروعك

    ما اروعك بـترولـي نشيط جدا

    455
    0
    16
    والله انا اتفق مع الاخوان الي قالوا انتقلي لان هالنوعية من المسؤولين من واقع تجربة صعب تطلعين منهم بنتيجة لو دخلتي عليهم وراح يزيد الحقد ويحط عليج اكثر اذا في مجال تنتقلين افضل واسلم والله يكون بعونج
     
  7. BOAHMAD

    BOAHMAD بـترولـي نشيط جدا

    340
    44
    28
    تنديل
    الكويت
    ياجماعه خلونا واقعيين وحقانيين شويه
    اذا مسؤلي كارهني وحاقد علي وحاط دوبه ودوبي بدون سبب وانا قايم بواجبي بالتمام والكمال وملتزم بعملي -- انا اظمن له ان النقابه واعضائها بيوقفون معاه
    لكن يكون الشخص حقاني !! مو يكون الخمال والعيب فيه ومايشوفه او انه يغمض عيونه عنه ويسوي نفسه مايشوف اي عيب فيه

    المسؤول اذا كان تيم ليدر او غيره يبي شغل وانجاز ومعاملة طيبه من الموظفين اللي معاه ومطلوب منه كذلك
    قد يكون في محاباة لموظف معاه بسبب الواسطه او القرابه لكن مو معناتها اللي يشتغل صح راح ينظلم !!!

    اطلب نقل ياصاحب الشكوى لكن خوفك تندم على انك انتقلت
     
  8. BOAHMAD

    BOAHMAD بـترولـي نشيط جدا

    340
    44
    28
    تنديل
    الكويت
    مايحق طلب مقابلة المنجر بدون الرجوع للتيم ليدر
    والا راح تتعرض للمسائلة والعقوبه
     
  9. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي
    ماله داعي كل هذا !!
    من حقك تقابل المنجر وتقوله عن التيم ليدر وتعرف ليش حاط عليك ،،
    وطول ما الواحد على حقك لايخاف لا من تيم ليدر ولا غيره وفي قانون وكل واحد بياخذ حقه
     
  10. skype

    skype بـترولـي جـديـد

    36
    0
    6

    الا انتقلي ولا تشاورين .. لو تسوين شغلج على اكمل وجه ما راح تكونين مرتاحه وراح يخسف فيج بالتقييم السنوي ويقطج برا وقت الانسنتف وكورسج انتي بآخر اللسته .. وراح يقعدلج بالطالعه والنازله

    وذيج الساعه قول ان النقابه تنفعني :)
     
  11. Analysta

    Analysta بـترولـي جـديـد

    23
    6
    3
    أنثى
    السلام عليكم

    يا اخت لجين انا مريت بوضع مشابه لوضعج بالبدايه و ماكنت اعرف القوانين وطلبت نقل و تم رفض طلبي من قبل القسم المختص مع العلم ان التيمليدر كان راضي اني اطلع
    المهم عرفت ان اسلوبه جذي وماكو طريقه اشلع فيها نفسي من القسم الا بالواسطه اكيد فقررت اسايسه و اعطيه جوه ومشيت معاه بهالمنوال و الحين صارلي 7 سنين عند نفس التيمليدر وللعلم علاقتي فيه من احسن مايكون حاليا
    ترا كلهم نفس الطينه بس يتفاوتون بين بعضهم حسب الشخصيه يعني لا تتوقعين تطلعين من سيء الى احسن لانهم عباره عن عوير و زوير والمنكسر و اللي مافيه خير


    وبس ...
     
جاري تحميل الصفحة...

مشاركة هذه الصفحة