رأي الموظفين في قسم شئون الموظفين والرواتب..شارك معنا

1- اذا اتصلت على هذا القسم سواء كان قسم الروااتب أو المحاسبة أو الاجازات أو شؤونالموظفين هل يتم الرد عليك في الهاتف .. أم لا يتم الرد ؟؟؟

صراحه مايردون الا عقب طلعة الروح واكثر وحده ترد مريم الهنديه واي واحد ثاني تدق عليه يحولك عليها هذا اذا رد طبعا

2- كيفية استقبال الموظف لهذا الاتصال .. بروح طيبة أم تشعر بأنه يريد الخلاص منك في أقرب وقت ؟؟

للأسف كأني اطلب من ماله الخاص او كأنه مغصوب غصب على هذا العمل ,, نفس الله يعينه عليها.

3- في حالة الرد من هذا القسم هل تنتهي مشكلتك بعد الاتصال .. أم لابد من مراجعتك للقسم بنفسك.؟؟؟

في أغلب الأحيان اللي يردون فيها تنحل المشكلة بالهاتف لكن اغلب الأحيان محد يرد فلازم اروح اخلصها بنفسي.

4- هل حصل أن ضاع من مستحقاتك المالية شيء مثل أوفر تايم ..أيام اجازة ... تعديل راتب بعد حصولك مثلا على درجة ؟؟

حصل ولكن تم ارجاعه بعد طلعة الروح

كم تقيم هذا القسم ؟؟؟ يعني نسبة بالمئة

50 % ويحتاج الكثير من التطوير او بداله للرد على استفسارات الموظفين الذي يعملون بنظام الورديات
فمن الصعب اني اكون مداوم يومين ليل ورى بعض اقعد سهران علشان اروح اخلص اموري في المحاسبه مثلا,,
او المفروض انهم يوفرون في المصافي موظفين عندهم الصلاحيه لحل جميع المشاكل الماليه والاستفسارات.


وكل الشكر لك اخي القدير على طرح هذا الموضوع المهم والذي يحتاج وقفه من الاداره لحله.

 

أقترح تخصيص موظف للرد على استفسارات الموظفين فقط ولا ينشغل بشيء آخر، وإدخال التكنولوجيا الحديثة في إجراء وإنهاء المعاملات

 

انا معالك يالوسام فتجربتي كانت نفس تجربتك

واقيم القسم بنسبة 35%

 

تقييم شؤون العاملين في الشركة 50 تحت الصفر
تطلب شهادة راتب كأنك راتب سلف من جيسهم
أكثر قسم فيه موظفين مع إعطائهم إمتياز مع مرتبة الشرف في إذلال العاملين عند خدمتهم
طبعا إلا من رحم ربي

 

اول شي يعطيك العافيه على هالموضوووع الحلو انا اقول لو يغيرون هالقسم احسن لانه محد يرد عليك الا بطلعة الررروح هذا اذا ردو بعد او عن استقبالهم نفسيه جنه ذابح احد من اهلهم والمشكله يقولون لا لازم تراجعنا اخوي وانا مشكلتي تكون بسيطه بس محد له خلق يسوي شي وشقووول بعد مشكووورين


اخوكم:بوسالم

 

السلام عليكم
الصراحه قسم المحاسبه والرواتب ما يردون علي التلفونات
لا نقول الا الله المستعان

 

1- اذا اتصلت على هذا القسم سواء كان قسم الروااتب أو المحاسبة أو الاجازات أو شؤونالموظفين هل يتم الرد عليك في الهاتف .. أم لا يتم الرد ؟؟؟

ما يردون الا بعد طلعت الروح يعني لازم تحاول تتصل أكثر من 10 مرات يالله يردون ومرات كلش ما يردون

2- كيفية استقبال الموظف لهذا الاتصال .. بروح طيبة أم تشعر بأنه يريد الخلاص منك في أقرب وقت ؟؟

مالهم خلق يردون عليك واحيان كثيره يجابونك بسرعه او يحولونك على شخص ثاني

3- في حالة الرد من هذا القسم هل تنتهي مشكلتك بعد الاتصال .. أم لابد من مراجعتك للقسم بنفسك.؟؟؟

اغلب المشاكل ما تنحل الا بعد المراجعه التلفون ما تلقا احد يسمعك واذا ردوا يقولون لك اتصل بعد نص ساعه وبعدها ما يردون عليك يعني اسلوب تطنيش لازم توقف على راسهم يالله تاخذ شغلك

4- هل حصل أن ضاع من مستحقاتك المالية شيء مثل أوفر تايم ..أيام اجازة ... تعديل راتب بعد حصولك مثلا على درجة ؟؟

حصل ان ضاع مني أيام اجازه وبعد عناء وبحث وتعب يالله يالله قدرت ارجع الأيام اللي ضاعت مني بس بعد ما طلعت عيني وانا ادور الشخص المختص

كم تقيم هذا القسم ؟؟؟ يعني نسبة بالمئة

حتى 15 % وايد عليه !!!

وهذي مو مبالغه للأسف قسم شؤون الموظفين مو متعاونين مع ان موظفينهم وايد بس ما يقعدون على المكاتب ولا يردون على التلفونات !!! اكثر قسم فيه مشاكل مو بس شؤون الموظفين دائرة الموارد البشرية بكبرها دائرة تحتاج تطوير في الموظفين وفي السياسة المتبعه لحل مشاكل الموظفين وسرعة التعامل معهم

 

السلام عليكم ورحمة الله وبركاته

فعلا موضوع يستاهل النقاش فيه ولاتهوون باقي المواضيع

بخصوص شؤن الموظفين :-

انا ما اقول الا حسبي الله ونعم الوكيل .....
اولا مايردووون وحتى لو ردوا قالولك لازم تجي واذا جيت الطعووك عندهم ومافادووك ...

واذكر مره انا حبيت اخذ شهاده راتب جيت الصبح الساعه 7ونص عشان البنك عارفين يفتح الساعه8
تصدقون ماحصلت ولا موظف يطلعلي شهاده راتب اضطريت انطر والله لي الساعه 8ونص لا والموظف جاي يتسحب شنو ماوراه ناس تنطر ؟؟؟؟؟؟؟؟؟؟؟؟

واكو مشكله انا اعرف واحد تصدقون طالع اجازه برمضان وليلة العيد داوم ......
يوم نزله المعاش حاسبين له رمضان كله ....يوم راجعهم قالوا اي هذا حقك ....قال شلون ؟
قالوا انت مداوم .....انصدم قال يبا لا انا اجازه .....قالوا شلون اجازه ؟؟؟؟؟

قال يبا نازل عندنا بالادمن انا اجازه ((يعني اجازتي مقبوله))

قالوا شلون تطلع من غير ماتوصلك الورقه الحمراء<<<<يعني فاهميين !!

بمنطقتنا والله ماعمري شفت الورقه الحمراء الا مره واحده لاااا وبعد ما ارد من اجازتي...

المسكين راح فيها ماكو الا يقصون منه الفلوس اللي حاسبينها له ....وتوهق


المهم مانقول الا عسى الله يهديهم ويحنن قلوب المسؤلين ويحسون بالطبقه الكادحه

والسلام عليكم ورحمة الله وبركاته

 

والله يو خوي وسامانا أقيم ادارة شؤوون الموظفي 0% بصراحه من ناحية الاتصال ومن ناحية اعطائهم المعلومات للموظف لا وبعد أزيدك من الشعر بيت هابين هبه من فتره بعد تدري شسوون اذا كنان عندك زميل او زميله تمون عليها تضبط وياها مسائل المرضيات وول ما تجيله مرضيتك يشكها ويقطها بلزباله مكرم السامع عشان ما تنحط بملف الموظف حق التقيم السنوى والدرجات وهذا أحلفلك عليه وجدامي صارت هالامور بس منو تحاسف يا اخي الفاضل ؟؟؟؟؟؟؟؟؟؟؟؟؟؟

 

ياقسم اكثر من فاشل وتقيمي له اقل من 0% نبي بس احد يرد على التلفون

 

مرة دقيت ابي شهادة راتب ومحد يشيل التلفون ومرات معاه خط قلت خلني اروح واشوف شقاعد يسوي الله يعينه الظاهر مشاغله وايد .المراد دشيت الغرفة لقيته يكلم واحد ويقوله تكفه بيع طلع الاخ لاهي ويا الدلال بالبورصة الله يعينهم شئون الموظفين لاهين بشئونهم