زيادة أسعار تذاكر السينما

الكاتب : Winchester | المشاهدات : 5,721 | الردود : 47 | ‏27 يناير 2008
  1. Mr. Engineer

    Mr. Engineer بـترولـي مميز

    662
    0
    0
    مشكور Winchester على هالخبر اللي ما يفرح صراحة... :(


    أنا أقول نفس ما قالوا الأخوان...

    خلكم على الشوتايم (هذا إذا ما زادوا سعره بعد :confused:)

    و أفلام الديفيدي اللي في البسطات اللي الواحد بدينار... ;)

    و الأفضل بعد أنكم تنزلون أفلامكم من النت عن طريق التورنت، ما يبيلها شي و كل اللي تبونه موجود... :cool:

    و خلكم من السينمات و الزحمة خصوصاً في الأعياد،

    كل شوي ناس داخلين و ناس طالعين...

    و الناس تسولف مع بعض و لا عاملين أي اعتبار للآخرين...

    و الشباب اللي يقلبون الأفلام مسخرة من التعليقات و القطات!!!

    خلهم يولون، السعر من أول غالي، عيل شلون ألحين...

    شنو 3 دنانير!!! ماكو شغل أدفع هالكثر على أفلامهم السخيفة، يعني العايلة أم 6 أنفار يقطون 18 دينار!!!!



    لا لزيادة الأسعار!!!! :mad:

    لا للغلاء!!!! :mad:

    نعم لمقاطعة التجار اللي يزيدون أسعارهم !!!!
    :mad:
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    3 دنانير اشتري فيها 4 افلام دي في دي
    من ناصر الي بالقهوه يبيع

    واشوفها اكثر من مره بالبيت ابركلي
     
  3. Eng.Vampire

    Eng.Vampire بـترولـي خـاص

    محنا مجبورين نروح السينما .. نطالع بالبيت دي في دي ابرك
     
  4. ABDULLAH

    ABDULLAH قــلــم بــتــرولــي أعضاء الشرف

    10,721
    1
    36
    موظف في ش نفط الكويت
    وطن النهار - الكويت موطني
    [​IMG]

    نسبة الزيادة 40 % من السعرالحالي

    يبوننا نعيش الدور = نرضى بالأمرالواقع
     
  5. Mr. Engineer

    Mr. Engineer بـترولـي مميز

    662
    0
    0
    ملاحظة...

    نسبة الزيادة على التذاكر =( (السعر الجديد - السعر القديم)÷(السعر القديم) ) ×100

    =( (3.000 - 2.500)÷(2.500) ) ×100

    = 0.2 × 100

    = 20%
     
  6. ABDULLAH

    ABDULLAH قــلــم بــتــرولــي أعضاء الشرف

    10,721
    1
    36
    موظف في ش نفط الكويت
    وطن النهار - الكويت موطني
    عفوا انجنير : 500 فلس تقسيم 2500 فلس بالمية كم يساوي ؟
     
  7. Winchester

    Winchester المـراقب الـعـام

    عدل اخوي 20 % اهي نسبة الزيادة
     
  8. ABDULLAH

    ABDULLAH قــلــم بــتــرولــي أعضاء الشرف

    10,721
    1
    36
    موظف في ش نفط الكويت
    وطن النهار - الكويت موطني
    شكرا إذا انا غلطان كنت حاسبها على الموبايل (الحاسبة)
     
  9. mohammed

    mohammed بـترولـي نشيط جدا

    496
    0
    0
    المشكله يقولون زدنا اسعار البيض لانا العلف زاد سعر

    السينما شنو زادوا عليها سعر النفيش علشان كذا زدنا سعر التذاكر

    الحين لازم تعرفون انا تجار الكويت نصابين

    انت من اول التذكره سعرها دينارين ونص وهم مستفيد
    بعد اتزيده نص دينار ما صار طمع صار جشع

    انا اقول خلكم علىالرسيرفر الي سعره 50 دينار ويفتح لكم كل القنوات الشوتايم وart واوربت

    الضاهر ما في روحه سينما مره ثانيه
     
  10. sosha

    sosha بـترولـي نشيط

    يا علهم الضربه ! احتريت :mad:
     
  11. Eng.Vampire

    Eng.Vampire بـترولـي خـاص


    لا تحترين ما تسوى السالفة :)
     
  12. ام ريما

    ام ريما بـترولـي مميز

    وهذا بعد مازادوا المعاشات وكل شي صار غالي مادري الواحد شنو يسوي
     
  13. Shoomy

    Shoomy بـترولـي خـاص

    عاشوا

    الله كريم .. احلى شي انهم مازادوا سعر ال Vip :D
    لا تكفون زيدوها بعد !!!! :eek:
    هذا اللي ناقص:cool:

    والله مو منهم .. من الشعب اللي كل شي عنده عادي ومايوقف بوييهم ويقولهم لا :mad:

    حتى يوم الاثنين اللي التذكره ب 1.500 دينار .. وراها سالفه :rolleyes:
    يا ان الافلام سكه .. وما اعتقد هالشي .. راح تكون الافلام عاديه ويصير طق مطاقق على السينمات ;)
    يا ان يكون الفلم مدته ربع ساعه والساعه ولا الساعتين الباجين دعايات :p

    كااااااااااااااااااااااااااااااااااك :D

    انا عن نفسي .. الحمدلله .. السينما ما ادشها الا كل جم شهر مره .. يعني مو فارقه معاي .. رحت ولا مارحت .. مومهم :eek:

    الله يعين عشاق السينما .. زيدوا المصروف يا اولياء الامور .. ويا دوله زيدي المعاشات .. ويا تجار رفقعوا الاسعار ;)
    عاشت شومي :p

    تقبلوا مروري وتحياتي
     
  14. طالب القرب

    طالب القرب بـترولـي نشيط جدا

    221
    0
    0
    يعني ليش الاسعار تزيد انا حاب افهم نحاسة والله مالها اي تفسير ثاني حاسدينك ومتحسفين انك تعيش مرفه من غير ما ينشفونك.
    انا رحت ماليزيا ودخلت السينما عندهم وصدقوني بعضها جديدة والسعر 10 رينجت يعني 750 فلس. ولما قلت للموظف عن اسعار التذاكر عندنا استغرب لان السعر اكثر من الدبل عندنا يعني معقولة هالناس ما تفهم. انا اقول الله يرحم الحال والله يستر علي الزيادة .وتبون اقولكم شي تري حتي النخي والباجلا والاش زادت اسعاره كان ب250 فلس الحين 300 . الساعة بخمسة جنيه والحسابة بتحسب.
     
  15. بوكندر

    بوكندر بـترولـي نشيط

    75
    0
    0
    هذول اسمعوو انه فيه زياه معاشات وجذ يصار ,,,


    شنو بيصير لو يزيدوون المعاشات ؟؟؟؟


    الله يستر.
     
  16. sosha

    sosha بـترولـي نشيط

     
  17. sosha

    sosha بـترولـي نشيط

    لا والله تسوى .. مو عشان المبلغ نفسه .. بس ماكو تحكم بالبلد و هذا اللي يغث.. التضخم صار على بيزة و كل من يفتي من نفسه ..
     
  18. Jassem-76

    Jassem-76 بـترولـي نشيط

    86
    0
    0
    مراقب حسابات
    الكويت
    اخوي تعال بقهاوي حولي اللي يم نادي المعوقين تلقى هالهنود يبيعون الافلام بنص دينار لا واخر الافلام (مترجم) وازيدك اذا عندك بلاي ستيشن 3 هم يشتغلون عليها - بصراحه ما كو مقارنه مع افلام السينما لانك راح تشوف الفلم مدته 95 دقيقه تدخله عند السينما تلقاه 65دقيقه
     
    آخر تعديل بواسطة المشرف: ‏29 يناير 2008
  19. nuclear

    nuclear بـترولـي نشيط

    105
    0
    0
    السلام عليكم
    من زين السينما لا كراسي مثل الناس و لا نظام صوتي عدل و الفلم كل شوي يقطع و بعض الافلام يقطعون حبكة الفلم انا من رايي قاطعوهم عندكم تورنت اذا ماسووها بربع ما افهم شي بس ها مقاطعه صج مو اسبوع بعدين رادين :)
     
  20. تايتنك

    تايتنك بـترولـي خـاص

    1,239
    0
    0
    انة مادري مجبورين علي السينما واذا مجبور روح يوم الاثنين بسعر مخفض وبعدين الاسعار في دولنا لازالت جيدة اليي رايح لندن يعرف زين
     
جاري تحميل الصفحة...

مشاركة هذه الصفحة