زيادة أسعار تذاكر السينما

الكاتب : Winchester | المشاهدات : 3,781 | الردود : 47 | ‏27 يناير 2008
  1. Winchester

    Winchester المـراقب الـعـام

    اليوم دخلت على موقع السينما وأكتشفت ان زادوا اسعار التذاكر وصارت اب 3 دنانير بس يوم الاثنين دينار ونص!!!

    الله يرحم يوم كانت السينما بربع دينار ومايدشها غير الهنود




    [​IMG]
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    الله والأفلاام الي يعرضوونهااا
    هم وتجييب المرض
    أنا اقوول خلووكم علي الدي في دي بو ديناار ابرك صح تصويره الله بالخير بس ابرك من ادفع 3 دنانير واسمع مصخره بصالة السينما
     
  3. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    عيل انصحكم لا تروحون افلام يوم الاثنين دام صارت بدينار ونص لانه الناس بتصير طق مطاقق
    وانا عن نفسي ما اروح الا سينما ليلى اقعد على الاريكه ونفيش وبيبسي شغل عدل ولا اكو يهال ولا شي واصلا سينما ليلى للعائلات فقط ومكانها مو بمجمع يعني افضل مكان للمتزوجين
    سينما ليلى وسينما بلازا
     
  4. القحطاني

    القحطاني بـترولـي خـاص أعضاء الشرف

    4,717
    0
    0
    هههههههههههههههههههههههههههههه

    شر البليه مايضحك

    ليلحين ماعطونا زياده

    :(

    خلاص مانبيه ردو كل شي على وضعه
     
  5. طلال

    طلال بـترولـي خـاص

    ويقولون حنا مع المواطن :)
     
  6. dehen_3ood

    dehen_3ood بـترولـي خـاص أعضاء الشرف

    خلكم على الشوتايم وطلبوا من الهوم سينما أبيتكم ونفيشكم وبيبسيكم يمكم :)
     
  7. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    كل شي زادو سعره اهو بس التذاكر
    الشكــــوى لله
     
  8. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    يعني فيهم قبي مو قادرين ينطرون لين تيي الزيادة و يبقونا لازم يبوقنا قبلها بثلاث اسابييع ... يعيني عليهم زادوا التذاكر 20 % من غير ما يعرفون جم زيادتناا ... من زين سينمتهم عاد اقعد بالبيت و سو بوبكورن (( اقعد يا اللغة )) و شغل النظام السينمائي بس ما اقدر اطول على الصوت جارنا مطوع و اخاف يدق على ثلاث سبعات : )

    بس ممكن احد يقولي ليش سعر التذكرة يوصل النص يوم الاثنين لا يكون ناوين يعرضون افلام الابيض و الاسود
     
  9. The^Queen

    The^Queen بـترولـي نشيط جدا

    288
    0
    0
    مو بس زادو السعر
    شالو نظظام النقاط :(
    عاد كان باقلي عشر نقاط علي الالف
    جان يلغونها نهائيا يعني قبل لي صوتو الف نقطه في مزايا حلوه ويعطونكم ري فند واشياء
    كلهم راحو ولاعزاء للمتضرريين
     
  10. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    ههههههههههههههههههه والله حاله بصراحه انا ماادش السينماا بس قهر يزيد سعر التذكرة على الناس والله اضحك وانا مقهور
     
  11. HUMMER

    HUMMER بـترولـي خـاص

    والله فشله وبنصير من الدول المتقدمه هذيل ماصدقوا شمو خبر الزياده شهر 2

    على طول زادو الاسعار موضروري خلك عالشوتايم والاوربت والهنود اللي يتمشون

    بالقهاوي والدي في دي على نص ابرك لك.
     
  12. SOS_KW

    SOS_KW بـترولـي خـاص أعضاء الشرف

    2,252
    0
    0
    الله يرحم حالنا عزيزي ...لا أدري لم لا يتدخل أصحاب القرار في وقف هذا السيل الجارف من الغلاء الفاحش الذي أرهق الكثير الكثير من المواطنين والمقيمين

    لا حول لاو قوة الا بالله العلي العظيم

    الجشع ....آفة تودي للتناحر
     
  13. نفطه

    نفطه بـترولـي خـاص

    1,523
    0
    0
    تسلم يمينك أخوي ..

    حتى تذاكر السينما .. الله وأكبـر

    باجر اتوقع حتى خبازنا راح يزيد سعر الخبزه ..

    تحياتي :)
     
  14. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    يكفي لو تبي تشتري نفيش على قولتهم بالانجليزي بوب كورن و عصير و ناشوز حق عايلة بيطلع عليك المبلغ 4 دنانير و فوق

    و الحين زادوا الأسعار للتذاكر ، الله يرحم حالنا و خل نلجأ إلى الله ، الكل طمعان في جيوب المواطنين من التجار و اللاجئين بأنواعهم

    سواء ماديين أو عاطفيين أو غيرهم :(
     
  15. The^Queen

    The^Queen بـترولـي نشيط جدا

    288
    0
    0
    لامو بس جذي
    الحين يبعونك بالسينما ساندويش امريكانا بس مو تربل السعر الا اكثر
    يعني سعرها بالجمعيه ربع هناك بدينار ليش مادري انزين شيلو لزقه السعر احس شعور اني غبيه وشاريه الساندويش بدينار واهي سعرها 300 فلس قعدت اطالع الهندي واطالع اللزقه قلته تقرا شنو مكتوب؟
    جان يقولي هذا سستم يديد مال سينما كومباني
    !!! اوكي بتربحون ربحو ماعندي مانع طرشتو سياره تييب الساندويشج وقاعد يبعهم ريال ياخذ راتب
    بس موجذي عااااااااااد حطو هامش ربح معقوووووووووووووول
     
  16. EngineeeraH

    EngineeeraH بـترولـي نشيط

    110
    0
    0
    ماكو شغل
    جزر الواق واق
    والله الشعب الكويتي مسكين
    يعطونه بايد وياخذون منه باليد الثانيه

    لا وبعد هالعالم حاسدينا .....
     
  17. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    نقاطع السينمات ؟

    عادي ترى ما راح نموت لو ما دشينا السينما

    المفروض بدل ما يشجعون الناس على دخول السينما يكرهونهم ؟؟؟؟؟؟؟؟؟؟؟!!!!!!!!!!!!!!!!!!

    نعتبر تذكرة السينما بضاعة و نشوف كم نسبة الزيادة فيها

    33.3 % اذا ماني غلطان هي نسبة الزيادة على سعر التذكرة

    مبروكين
     
  18. Winchester

    Winchester المـراقب الـعـام

    مشكوريييييييييييين على المرور ..

    والصراحة شي ما ينسكت عنه والوضع من سئ الى أسوأ ..

    وين الجهات المسؤولة من هلي قاعد يصير ..

    وكل ما صار شي نقول الله لا يغير علينا وهذي الكويت صل على النبي ..
     
  19. الناهض

    الناهض بـترولـي خـاص

    2,144
    0
    0
    شركة نفط الكويت
    والله الشرها علي لاجئ عاطفي((دعيج الخليفه))

    عضو مجلس الاداره في الشركه الكويتيه للسينما

    مالناطق الرسمي لها..

    كل يوم طالعلنا من جريده ويقول افلامنا افضل افلام

    واحنا سباقين نعرض الفلم قبل امريكا

    الله ياكبرها قبل امريكا!!!!!

    وطوفناها له وصدقنا

    وهم يقصقصون الفلم نتفه نتفه وهم راضين

    هالدور يرفعون سعرها والله قهر

    مافي رجل بالديره يقدر ياخذ قرار ضد هالحراميه؟؟؟؟
     
  20. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    مسكين يا مواطن دخلوا عيونهم بالبوك و حسابك و نشفوا المصادر
    ما كفاهم مناقصاتهم و أراضي الدولة بالمجان وجهوا لك سيف غادر
    اللي زاد التذاكر و اللي زادوا الحليب و البيض حاسدينا حتى على الستاير
    لا سووا منشآت ترفيه و يحدونك على مطعم أو سينما بأغلى التذاكر
    وإن يا الصيف خفضوا التيار و شح الماي يدعون بسبب الإهدار و ييب التناكر

    مبروك علينا شم ريحة الزيادة
    و مبروك علينا الاكتواء بنار الغلاء

    للعلم فقط : في القبر لا يأخذ الإنسان معه غير قطعة قماش !!! هل من متعظ ؟
     
جاري تحميل الصفحة...

مشاركة هذه الصفحة