20 ملياراً فائض الموازنة الحالية

الكاتب : فيصل العجمي | المشاهدات : 1,247 | الردود : 21 | ‏26 يناير 2008
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    المبلغ يرحّل إلى الاحتياط العام بعد قفل الحسابات الختامية في 31 مارس المقبل.. %94 من الأرباح إيرادات نفطية و%6 من الجمارك ورسوم جهات حكومية
    20 ملياراً فائض الموازنة الحالية
    كتب مطيران الشامان وأسامة القطري:


    موازنة الدولة الحالية اقتربت من طي حساباتها، لتبدأ الموازنة الجديدة في مطلع ابريل المقبل.. والأرقام الأولية تفيد أن فائض أرباحها يتراوح ما بين 25ـ20 مليار دينار.. لكن الرقم النهائي لن يعرف قبل 31 مارس 2008
    وأكدت مصادر مطلعة أن «هذه الأرباح سترحل إلى الاحتياط العام ويضاف إليها أرباح الدولة».
    مشيرة إلى أن «%94 من فائض الارباح المحققة في الموازنة الحالية هي من الايرادات النفطية و%6 من أرباح واردة إلى ادارة الجمارك ورسوم محصلة لجهات تابعة للدولة».
    وأشارت المصادر إلى أن «الفائض جيد ويحتسب بدقة بعد الانتهاء من الحسابات الختامية».
    وعن الموازنة الجديدة التي نشرت «الوطن» بعضا من تفاصيلها، أوضحت المصادر أنها «حددت بسعر 35 دولارا لبرميل النفط».

    ----------------------------------------------------------

    السلام عليكم ورحمة الله وبركاته

    هذا الفائص لهذا السنه ولله الحمد محسوب بسعر 35 دولار للبرميل والاسعار ماشاءالله قربت توصل 100 دولار يعني تقريبا الفائض الحقيقي هو ضعف الرقم المذكور وهذا هو الحال ولله الحمد صار لنا كم سنه.
    وكل سنه الحكومه تقول انها ستخصص هذه الأموال للبنية التحتيه وللمشاريع التطويريه للبلد ولكن الحاصل ان الوضع كل سنه أردى من اللي قبلها ولا ندري وين تروح هذي الفوائض.

    فهل ستكون هذه السنه غير ام مثل السنين اللي سبقتها؟
     
  2. كي او سي

    كي او سي بـترولـي خـاص أعضاء الشرف

    مشكور مديرنا

    اعتقد راح يبنون 3 او 4 مجمعات تجارية

    وطبعا الشوارع كل سنة يبدلون القار وبعد شهر الحصم يكسر الجامات

    والله قاعد افكر بس ما اعتقد في شي اكثر من جذي

    لان حتى البيوت راح يوزعونها سنة 2014 في المدن الجديدة كالصبية والمطلاع والخيران وصباح الاحمد

    يعنى استريحوا
     
  3. جابر

    جابر قــلــم بــتــرولــي أعضاء الشرف

    يعطيك العافيه على النقل ... أخبار حلوه ...على الأقل تأثيرها إيجابى على زياداتنا المرتقبه :D
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36

    الله المستعان

    وانا اقول لو مجلس الأمه يطالب بتوجيه هذه الأموال الفائضه في المكان الصحيح بدال ماتتوزع التركه وتالي مايطلع لنا شي
    وعلى قولتك مدمعات وشوارع اما الاشياء المهمه فمكانك راوح
     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36

    الله يعافيك اخوي جابر

    وبالفعل يمكن هذي الحسنه الوحيده اللي راح تحوشنا من ورى هالفائض مع العلم انه كل سنه فيه فائض ومانشوف شي
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أشكرك عزيزي الفااضل علي ها المعلومات الي صاارلناا أكثر من عشر سنوات والميزانية عندنا ولله الحمد فاائض
    ولكن للأسف ما نفعتنا بشي لا خدمات ولا تصليحات البنيه التحتية بجميع الخدمات
    حتي مادري راح تنفعنا بالزيادة ولا لأ
    الي بنقووله نحمدالله ونشكره علي ها النعمه الي احنا فيها ولا مستغلينهاا
    ونسئل من الله إن المسؤولين أو الأشخاص المعنيين يشووفون حال البلد لين وين وصل
     
  7. Shoomy

    Shoomy بـترولـي خـاص

    الحمدلله ان عندنا فائض كل سنه .. لكن السؤال اللي يسدح نفسه ... وين يروح الفائض؟؟

    يروح الخزينه؟؟ .. يروح مخباتي؟؟ .. يضاف على احتياطي الاجيال القادمه؟؟ ... وين يروح الفائض؟؟

    انا اقولكم .. يروح حق بلادي .. بنغلاديش .. ويروح حق فلسطين .. وحق العراق .. وحق .. وحق .. وحق .. الخ

    ;) لا لا عن الحلال والحرام .. وعشان لايكون بذمتي .. حراام .. ترا يصلحون ويصرفون على الديره .. يعني ابسط مثال 4 مجمعات تجاريه يديده راح ينتهون من بناءها هالسنه هذي .. 2008 .. وغير هذا .. الشوارع اللي كل فتره .. شايلين طبقه منها .. يسوونلها تقشير مادري تنظيف بشره ولا قشره .. المهم ويردون يحطون طبقه يديده .. يعني يعدلون

    ولا لييييييييييييش نروح بعيييد .. منو لاحظ الكاميرات اليديده؟؟ ... انا شفتهم .. ماشالله لازم كل جم سنه نغير لكاميرات .. تدرون قبل اسود وابيض بعدين ملون .. واللي كانوا اخر فتره هذول فيهم زووم .. يقولون اليديد ديجيتال ;)

    كااااااااااااااااااااااااااااااااااااااااك .. يابنت سكتي بس .. فضحتيهم

    المهم .. هذا خلاصه الكلام .. انا مابي شي .. ابي اعرف وين تروح الفوائض ؟؟

    تحياتي
     
  8. !!..Me

    !!..Me موقوف

    239
    0
    0
    شومي اللحين تبين تعرفين وين تروح الفوائض وانتي تقولين تروح بنغلادش وفلسطين والعراق والخ الخ الخ الى مالا نهايه :)

    انا اضم صوتي لصوت الاخ جابر ان شاء الله نسمع اخبار طيبه :)

    ومشكور يالمدير على الاخبار :)
     
  9. ملكّع

    ملكّع بـترولـي مميز

    535
    0
    0
    K_O_C
    ماخلاهم السرق يسون شي .. علبالهم الفلوس بتخلص


    يخرب بيتهم
     
  10. الصايغ

    الصايغ بـترولـي خـاص

    بصراااحة انا ابارك للدول الي اوقفت ضدنا علي الفائض الي بينحط بجيوبهم
    يلا بنشوف من تاريخ الفائض منو اول زائر بيوصل ديرتنا الكريمة علشان ياخذ جزء من الفايض
    الله يخلي ديرتنا لنا قولو امين
    وجانزين يمدحووون فينا ولا يدعووون لنا بالخير
     
  11. .K.O.C

    .K.O.C بـترولـي نشيط جدا

    454
    0
    16
    قرأت موضوعك ..... وجاني عوار بعيوني........والسبب القهر
     
  12. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    q8ow اخوي اشكرك على موضوعك لكن الشمالي ينفي الكلام الي تقوله ويقول هذي اشاعات وبصراحه اخوي ضعنا بطوشه وتقبل تحياتي
     
  13. HUMMER

    HUMMER بـترولـي خـاص

    والله يابوعبدالله انا اقول ان البوق صار اشكره ومحد يتكلم حتى مجلس الامه قاعد يسكتونه بجم مليون

    وهذي الفضيحه بس زاهبين يحطون ضرايب ومخالفات على كيف كيفك والله يكون بعون المواطن الكويتي
     
  14. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    آخر تعديل بواسطة المشرف: ‏27 يناير 2008
  15. workerq8

    workerq8 بـترولـي مميز

    613
    6
    18
    ما نبي العشرين مليار نبي بس خمسة منهم ننقذ فيها الاسر الكويتية من التشرد والضياع بعد غلاء الاسعار وارتفاع فوائد القروض
     
  16. redrose

    redrose بـترولـي نشيط جدا

    442
    0
    0
    ما نبي شي بس خل يسكرون قروض الكويتين ،، وحلون مشكله ارتفاع اسعار العقار .

    ويا كثر الأراضي الفاضيه يوزعونها

    بسهم بوق عاد خل يلتفتون للبلد والشعب
     
  17. workerq8

    workerq8 بـترولـي مميز

    613
    6
    18
    في اسر كويتية تعيش ظروف الله العالم فيها بسبب الغلاء وفوائد البنوك
    صار عادي قمنا انشوف اسر كويتية تروح لبيت الزكاة
    صار عادي انتشار الكراهية والحسد بين طبقات المجتمع الواحد
    صار عادي ان البنوك يتصلون على العملاء يعرضون خدماتهم وبطاقتهم اللى ضيعت الكثيرين دون احترام خصوصية المواطنين
     
  18. EngineeeraH

    EngineeeraH بـترولـي نشيط

    110
    0
    0
    ماكو شغل
    جزر الواق واق
    الله يزيد ويبارك
    ويكثر احتياطينا ويردي حالنا احنا المساكين

    وخل اعيالنا يخشون لعيالهم ونعيش بالفقر والاحتياطي عامر
     
  19. Mr. Engineer

    Mr. Engineer بـترولـي مميز

    662
    0
    0
    يبا ما نقول إلا الله يعينا!!!

    إذا كان مجلس الأمة اللي هو المفترض فيه أن يقوم أداء الحكومة و يصلح أخطائها و يحاسبها عليها، أعضاءه هم أكبر المتنفعين في الديرة، هذا ياخذ مناقصات، و الثاني ياخذ تسهيلات، و غيره يدهنون سيره بدهن بوفيل!!! :eek:

    و بعدين على بالكم الخبير اللي يابوه عشان دراسة زيادة الرواتب ببلاش!!! :confused:

    هذا بروحه راح ياخذله الشيء الفلاني!!!

    و تقولون وين يروح الفائض!!! خلنا ساكتين أحسن!!!

    شكراً بوعبدالله على تقليب المواجع :(
     
  20. طلال

    طلال بـترولـي خـاص


    والله إنتمنى من الله عز وجل يحنن قلوبهم على البلد طبعاً المقصود البنيه التحتيه والإسكان والصحه ومشاكل المرور وغلاء الأسعار ,,


    وإن شاء الله خير وأنا متفائل كثير :)


    لاهنت فيصل
     
جاري تحميل الصفحة...

مشاركة هذه الصفحة