إستفسار ابي اعرف اقدم استقالتي من التربيه بعدين اقدم علي المؤسسه ؟

وعليكم السلام و الرحمه
اختي تابعي اعلانات حديثي التخرج و قدمي عليها في حال طلبوا تخصصج
في حال انطبقت عليج الشروط راح تسوين :
١- امتحان لغه انجليزيه لازم تعدين النسبه المطلوبه
(اعتقد في امتحان تخصص مو متاكد)
٢- مقابله و لازم تجتازينها
عقبها يدقون عليج في حال القبول عشان تسوين فحوصات طبيه و توقعين العقد

الاجراءات تاخذ اكثر من ٦ شهور لاحظت من تجارب الاخوان في المنتدي انه الاجراءات تطوووول وايد

الزبده:
لا تقدمين استقالتج الا لمن تضمنين لج مكان

 

وعليكم السلام ورحمة الله وبركاته

توظفي بالتربية واستلمي معاشج وعيّني من الله خير
ولما ينزل إعلان النفط قدمي عليه وانتي مرتاحة وضامنة وظيفتج
تالي إذا قبلوج ووصلتي لمرحلة توقيع العقد حزتها هم راح يقولون لج قدمي استقالتج من وظيفتج ..
هذا الوضع الطبيعي مع كل اللي توظفوا بالنفط وكانوا موظفين قبل ... ولا تقدمين استقالتج قبل مرحلة توقيع العقد .. خلج على المضمون

 

التوظيف الرسمي بالمؤسسة عادي قبل قالولي لا تقدم استقالتك من الحكومه عقب الفحص الطبي قالولي عندك اسبوعين تخلص اجراءات استقالتك و اتتيب صورة من كتاب الاستقالة علشان توقع العقد سهالات و وبالنسبة للعقد عقود المقاولين شي و فيه شي اسمه عقد دائم الي اهو للموظفيين الرسمي مو عقد مقاول فيه فرق بس يسمونه عقد دائم عادي و بالتوفيق ان شاء الله

 

مثل ما تفضّل أخوي اللي رد عليج .. هذا عقد دائم حق أي موظف في القطاع النفطي .. عشان تعرفين اللي لج واللي عليج
أما عقود المقاولين فهذاك شي ثاني
كل التوفيق لج

 

مثل ماقالوا الاخوان لاتقدمين استقالتج الا بعد مايقبلونج وتوقعين العقد المبدئي وتطلع نتايج الفحص الطبي وقتها راح يقولولج قدمي استقالتج ولج 90 يوم من تاريخ توقيع العقد المبدئي لمباشرة العمل