مكسورة وتبرد

الكاتب : السرايات | المشاهدات : 895 | الردود : 0 | ‏27 ديسمبر 2015
  1. السرايات

    السرايات بـترولـي جـديـد

    14
    3
    3
    مكسورة وتبرد

    متابعين اجواء " السرايات " تعودوا شرب استكانة الشاي او القهوة او كوباية قلاص ماي للي يبون السلامة كل ما شافوا " سراية " لاحت بالسما !!

    اليوم السراية بتكون ذات طابع بايخ وسامج مثل اللي بتكلم عنهم !

    هالمره نبي نمدح النقابه !!!

    نعم نبي نمدح النقابه لانها تحركت بالأحرى صحت كعادتها من ندخل شهر الخاتمة ! شهر ديسمبر ... والسبب معروف !

    بس بشرط راح اوقف عن المدح اذا كان عشان الانتخابات ! ماشي !!

    نبدأ ببعض التحرك من الاحدث لان تحركاتها هالفترة لا تحصى ولا تعد ! ويامه بالجراب يا حاوي ..

    رفضت ببيان لها النيل من حقوق الموظفين بل انها كشرت عن انيابها عندما طرأ وأشيع انه لا يوجد مشاركه بالنجاح هذه السنه علما انها دائما ترفض بس هالمره كشرت
    ليش كشرت لان فيه انتخابات نعم لانه فيه انتخابات من جهه ولان التكشير لن يخسرهم الا ان يقولو اثبتنا موقف !! كفووووووو على هيك نكابه ..

    خل نترك باب المشاركه بالنجاح لاني مابي أجيّر الموضوع ويكون محسوب للانتخابات.

    طيب خل اشوف لي موضوع ماله شغل بالانتخابات عشان أقدر أوازن ويكون عندي مدح يستاهل ...

    باخذ موضوع بيان الانجازات اللي نزلتوه بمناسبة الانتخ......
    ذكرتم انكم تتواصلون بسبب بداية المنافسه الانتخابيه

    نعم !!! خير !!! ما سمعت ! عشان شنو !!


    يعني لو مافيه انتخابات كان مالكم نيه تتواصلون ؟ هذا اللي فهمته !!

    اولاً
    إنتوا من الاخر دخلتوا نفسكم وقلقصتوا قائمتكم ونسبتوا لها بأنها سبب نزول النفط والتناحر بين الوزير والقياده النفطيه !! والمشكلة ان السوق العالمي ماعنده اي فكرة عنكم ولا يضع لكم اي اعتبار ! والقيادة والله ما درت عنكم !! من أنتم !


    وثانياً

    لم يسقطكم احد بالتناحر بين الوزير وقياداته فأنتم من هرولتم لنصرة الاداره والقياده ضد الوزير لعلمكم ((من اين تؤكل الكتف)) علاوي ابني كبر وقام يعض !!

    بل انكم تسمون تعاملكم انه شكل من أشكال المهنية بالتعامل !! شلمهن شلمهن

    ثم عرجتوا على قانون نهاية الخدمه ٢٠١٤ واللي ثبت انكم هربتوا من الجمعيه العموميه للاتحاد من الباب الخلفي ( اشرد خوي عااااامر )

    بل انكم بعد ما قلتوا احنا مع الاضراب فصلتوا العضو الوحيد اللي مو من قائمتكم !!! لي هالدرجة كان مخرعكم !

    فأي إنجازات بتواصلكم معانا قاعدين تقولون عنها !! اي إنجازات !! انا اشوف وغيري قام يشوف ان ليس لها اي وجود !! ذكرتوا انكم تستقطبون جميع الاطياف فهل هذا بأفعالكم ام فقط ببياناتكم !!! وغيره لما ذكرتم وذكرتم وذكرتم ....


    المهم

    بيانكم بيان الغرقان ولولا قرب الانتخابات لما اصدرتوا بيان
    لكن مثل ما نقول عل وعسى ان يركب اي احد معكم الباص ويقتنع ويقول " المهايطات تتحدث "

    ختاماً

    انا من بيانكم عرفت انه الموضوع رسالة استجداء وطراره
    وشحذ اصوات !! اما الجمعيه العموميه العاديه وغير العاديه وسالفة تأجيلكم لكثير من المكتسبات الفرديه !! فأبشركم بكون لها سرايه أخرى اذا كنا من الأحياء باذن القدير ...

    تنويه للأساتذة نظام بوفهمي: سالفة انكم تنسبون المقالات او السرايه لبعض الاشخاص من المعارضين لكم سواء السابقين أو الحالين انا أقول " بيساب نفرات ممكن ما يصير في معلوم تيجا "

    فأنصحكم ان تتخذوا السرايه لصالحكم وانسبوها لكم وضموها من ضمن إنجازاتكم ! ماشي

    سراية/ يا فلان بغيناها طرب صارت نشب ! واحنا نقول/ ابطرب يا ليل ما أطولك ..
     

مشاركة هذه الصفحة