مقال تكفون رئيس

الكاتب : السرايات | المشاهدات : 5,806 | الردود : 0 | ‏29 نوفمبر 2015
  1. السرايات

    السرايات بـترولـي جـديـد

    14
    3
    3
    في كل مكان يوجد درجات للمناصب ! ف منها الرسمية والمتعارف عليها يعني " شغل وكالة " ! ومنها الغير رسمية يعني نظام " أقص لك تذكرة واركبك فيها باص " !! نقدر نقول اذا مو الكل في البعض له طموح بمنصب .. ولكن ان يكون الطموح مخالف لمبادئك ! فتلك مشكله من منظوري اقدر اسميها طموح ( عمي ) .. وهم مو هاذي المشكلة !! المشكلة لما يكون الطموح مؤقت !!

    فتح الباب !

    رئيس نقابة ****** الحالي !! تعرفونه !

    رجل كان يا ما كان في وقت من الزمان صاحب مبدأ ومن أحد مبادئه انه كان ضد قائمته الحالية جملة وتفصيلا !! وهذا مو كلامي ! هذا كلام أبناء عمومته بين قوسين كبار - قبيلته - !!!!

    والحين !! خل نشوف السيرة الذاتية الخاصة فيه !

    صاحبنا يحب الاضواء يعني من الاخر برجه برج " الفراشات الليلية " تحب الليتات ، سمع عن فرصه في جمعية المهندسين قام ونزل انتخاباتها عل وعسى يضرب معاه الحظ ويحضى بمنصب وهذا حق مشروع ولا غبار عليه !! ولكن مع تلمس ارض الواقع ونصائح الناس اللي فاهمه قالوا له ( اشتر دربيل روسي ) لأنك راح تكون مجرد عضو عادي بدون منصب !! كون كان في اثنين من جماعته خاضوا التجربة وطلعوا ( فشنق )...

    ضرب المبادئ بعرض الطوفه !!

    قال في نفسه ليش ما ادخل قرية السنافر اي نقابة السنافر وبجذيه اضرب عصفور بنباطه متهالكة !! شلون !!! قال أصير رئيس فريق مثل ما صار غيري عن طريق النكابه ! وفعلا دخل وصار عضو مع من كان يهاجمهم ويعارضهم في السابق وأنهم ضد " مبادئه " !!

    الحكاية وسعت أوي أوي !!

    بعد ان ترجل وتقاعد رئيس النقابه السابق ( الله يسمح دربه ) رفع البيرق صاحبنا وقال جتني الفرصة وانا اخو نهاش !! وركب باص الرئاسة وقام يترزز بالمكتب الرئيسي اكثر من قبل وهو أول رئيس نقابه يلبس بدله و كرفته " ميد ان عدساني مول " يعني يمكن يقولون والله شكله كيوت ويالله خل نرقيه ! انا هل مره أقولك اشتر لك ( منظار ناسا ) عشان تلمح بصيص تعميم فيك !

    نسينا ما كلينا يا ريّس أفندي دوت بدله داش عدساني مول !!

    انك ما عرفت السفرات الا بعد دخولك فريق مشاريع الغرب !! وإلا قبل تدري أقصى مكان تقدر تروح له !

    تدري بعد شنو مشكلتك !! انك صدقت انك فعلاً رئيس ونسيت انك رئيس مؤقت !! وانه الحل والربط مو بيدك ! بيد اللي حطك لانه ما لقوا احد سريع مثلك بركب الباصات !!

    الدور الأساسي !!

    اللي ما استغربته منك انك مثل باجي ****** راعي متابعات فردية والا المصلحة العامه ( مو بالقاموس ) ونسى مثل ما نسوا ****** الأعزاء انه باجر في جمعية عمومية بتحاسب وبتقتص منكم كل هالتخاذل ( الله لا يحطنا بموقفك يا ريّس ) ..

    ختام السيرة الذاتية !!

    مستر دوت بدله داش عدساني مول ماهو الا صياد فرص من الاخر راعي ليتات حلمه ان يكون ثالث رئيس فريق من قبيلته الكريمه وانه بيوم أغبر كان رئيس نقابه مؤقت !!

    سرّاية/ قال العمر راح اويلي هالعمر راح !! وانا أقول / يبيلك قلب ما يتعب ولا يهدى ولا يرتاح ...
     
جاري تحميل الصفحة...

مشاركة هذه الصفحة