ميسي والسنافر

الكاتب : السرايات | المشاهدات : 1,579 | الردود : 5 | ‏22 نوفمبر 2015
  1. السرايات

    السرايات بـترولـي جـديـد

    14
    3
    3
    ميسي والسنافر

    عشاق التانغو صابتهم حالة يأس وحزن بعد إصابة الملك ميسي صاحب الكرة الذهبيه والقدم الذهبيه بابتعاده لفتره بسيطه عن المشاركة " الله يقوم بوالميس بالسلامه "

    فرق كبير بين " ليو ميسي " اللاعب ! و " *** ميسي " المشاغب !!

    بعد ما لعب لعبته على " هيما اسعاف " وعزز مكانه بالترشيح " **** ***** " صار شق عود بالبيت وحسب اللي اسمعه ويوصلني انه " **** الملقب بالسنفور جميل " خذته النشوه وقال انا الرئيس لسنافر القائمة !! ما ألومه دام السالفة صارت من صادها عشا عياله - عاد الحين بنسمع الزيطه من ورا الحيطه من السنفور ***** ! خصوصا لما نستذكر الكتف الغير قانوني لما خذاه وقت الترشح لرئاسة الاتحاد والإشاعات اللي توالمت عليه بأنه اخونچي والبيان اللي صدره بحس حزين مصحوب بموسيقى لمسلسلات أمينه رزق !! ناطرين بيانك سنفور ***** !

    أرنب نط يم الشط !! أرنبنا ****** عقب ما زعل من الوصف وقال للمعازيب خلاص انا مالي شغل بشي وببتعد !! قام يطالع نفسه كل يوم بالمنظره يتأكد ان كان صج فيه شبه من الأرنب وإلا لا !!! تبي اثبت لك انك مثل ما وصفتك !! ترجم لي شنو يعني تشيل نفسك من كل شي وبقفزة ارنبيه منك ألاقيهم يدندنون انك تروح تمسك قسم الموارد البشرية بالشمال !!! عرفت ليش لقبتك جذيه !! لأنك ما تتحكم بخطواتك مو بشكلك يا مستر !

    سومه لزقني ! سنفور نفسيه يعني من الاخر نظام انا " اسكت " محد قدي ولا احد مثلي راعي ديكور فاخر يحب الكاميرا وعفوا - صورني وانا مبوز " يعني منهم ... لا تعيش الدور وخل افندك شوي ؛ كنت متأمل انك تصير رئيس قسم ! قالك الرجال مش بوزك غلطة السنفور ' طال عمرك يا ولد ' ماراح أعيدها بوزت وانتفخت فقررت انك ما تخوضها هالسنه يا عيني عليك يا راعي الإيثار ... أتمنى يوصلني السبب الرئيسي عن الابتعاد منك قبل لا انشره ببرنامج " استر عليه يا حاحا " ..

    سنفور ***** تسريب !! كبتن مو معناته انه الجماعة طمطموا على سواد وجهك تعيش الدور بالامن وتفرد لي عضلات ! تره على فكره بالدول المتقدمة اللي يسوي غلط يظل تحت المراقبه ! حاول تصير فطين وتراجع منو اللي حواليك حايشهم فيروس تسريب ضدك !!!

    تلكس للموظفين/ ابارك لكم بنقابة سنافر هيك ! بدال ما تدافع عنكم وعن مشاكلكم بظل هالتخبطات !! انشغلت بالدفاع عن سعادة الريّس وطاحت بالوزير اللي كانوا بيوم من الأيام يطبلون له !

    سراية/ دندنها وقال من طيبة العشاق اطلب نبتعد ! وانا أقول / انته بديت وانت اتحمل ...
     
  2. AD-01

    AD-01 بـترولـي خـاص

    1,040
    2
    38
    حركاتك القديمه ما تيوز عنها ..
    ودي اقولك عيب .. لكن ادري هذي صعب تفهمها

    تحيه كبيرة للسنافر والشخصية العظيمة بالقصة اللي غيرت مجري العمل النقابي في ٨ سنوات من الابداع والمكاسب العمالية .. اشهد ان هالشخصيات معورتك ودابله كبدك وادري راح تقول لا مادريت عنها وماهموني والترقيع اللي تقوله دايما لكن ماعليه ..

    الله يعين ربعك اللي ما لقوا من يتحالف معاهم غير "الطيبين" .. حتي مصدرك " سنفور عبسان" الطيب حفظ كلمه جديدة "انا راس" ويقولها باليوم ٦٠٠٠ مرة لين انصدم بكلام جامد من واحد "صامل" جدام ربعه .. يا حسافة الخوّة ويا قل المراجل اللي يعرفها سنفور عبسان

    السنافر اللي دابلين جبدك هذول رياجيل مسكوا النقابه ٨ سنوات وابشرك كلها شهر وجم يوم وراح يبلشون بالدورة الخامسه باذن الله .. ناس يخدمون الكل وسوو اللي ما سواه "غيرهم" بأيام عزة ! زيادة رواتب ومكاسب وانجازات لكل الشرايح والاقسام والدرجات مالها اول ولا لها تالي .. الله يعطيهم العافيه كلهم ونعم النقابه اذا كنت منصف وادري فيك

    نقابة الرجال و الانجازات والافعال ويبيضوا وجيهنا الله يبيض وجيههم والشمس مايخبيها "كمبل" .. شنو الشي اللي طلبناه منهم وما صار ؟؟ تقولي البديل الاستراتيجي ارد عليك هذا موقف جاي راح ياخذه كل "رجل" يغار علي مصلحة الكويت وراح نكون معاهم فيه وراح يبيضونها .. واشك انك تسندهم لاني "ابخصك" ..

    تقولي مكاسب راحت .. اقولك طالع الجو السياسي بالكويت وتعال تفلسف عقب وطالب بدعم من مجلس الامة " المحترم" واعلن الاضراب وقط العمال بالحفرة ... ادري راح "تهايط" و"تتعنطز" وتقول حنا سباع و شجعان وترا اخرت "كرامة وطن" راحت طعام جحوش

    انا "راكد" الحين وبطلت اسلوب "السفالة" اللي خبرك واتمني تكون مواطن "صالح" وحقاني وتترك ضراط القبليه والكلام الماصخ "نقابة الحضر " اللي تقوله بدوانيتكم في الصباحية ..

    ريح بالك وجابل دوامك .. ترا كبرنا علي المرادد والهواش مع اني اعشقه وانت تدري .. والسلام ختام
     
  3. xoxq8

    xoxq8 بـترولـي جـديـد

    13
    11
    3
    ذكر
    السلام عليكم
    النقابة الحالية فاشلة وكاذبة والي يدافع عنها مستفيد شخصيا وليس للعمال ككل وسالفة كل المطالبات صارت موصحيح وحنا رافعين كتاب للموجهين للترقية لضباط امن من شهر ٥ وهم يكذبون علينا ويماطلون ويوم قرر ينزل واحد من ربعنا القريب منهم سابقا بالنقابة المنافسة راحو وجابوا الاستثناء باسبوعين فقط :) لا وطلعت اشاعة بعد !!لان كتاب الاستثناء مايدرون عنه شي والمشكلة فية ناس مصدقة كذبهم وسالفة الانجازات وين الانجازات للعمال الا كلها اخفاقات وتنازلات عشان يطلعون كم واحد فيهم تمليدر ، واليك بعض الانجازات
    ١- تخاذلهم عن مشاركة النجاح وسكوتهم المخجل
    ٢- موقفهم من البديل الاستراتيجي يفشل وجبان
    ٣- دفاعهم عن المصالح والقيادات وتركهم للعمال ومصالحهم
    تبي بعد انجازات :) ولاخلاص
    اقسم بالله العظيم وبالله الكريم ان هالنقابة فاشلة ومتخاذلة وتبدي مصالح الاعضاء وربعهم الخاصين فقط والي يبي مصلحة العمال ومصلحة الحفاظ على المميزات والراتب ووقف البديل الاستراتيجي يصوت للرؤية العمالية على الاقل اغلبهم قريداتهم موعالية يعني مالهم اطماع نفس ربع الائتلاف ولهم وقفات بنقابة اوسكو اشجع وابطل من الي اقدم منهم بنقابتنا الحالية واصغر سن لاكن وقفوا بصف العمال ودعموهم اما ربع الائتلاف والله ماشفنا منهم الا كل خيبة ونقصان بحقوق العمال
    اصحوووووووووو يامؤظفين البديل الاستراتيجي قادم وسيطبق في حال بقاء النقابة الحالية واذكرو كلامي عدل
    اللهم بلغت اللهم فاشهد
    ملاحظة: لاحد يقولي زين الرؤية العمالية بتوقف البديل اقولك وارد لان ماجربنا شغلهم ومواقفهم بس ربع الائتلاف كلكم شفتوهم يفترون على اعضاء مجلس الامة يترجونهم :) عزاااه هذولاء كفو يصيرون اعضاء نقابة نفط الكويت ( اقوى نقابة على مستوى الكويت لانها قلب الاقتصاد الكويتي ) ولها مواقف بطولية سابقة( اقصد قبل استلام النقابة الحالية) في الزيادات ومكتسبات العمال عندما كان هدف النقابة مصالح العاملين .
    دمتم بود
     
  4. عامل قديم

    عامل قديم بـترولـي جـديـد

    30
    8
    8
    ذكر
    السلام عليكم جميعا

    الجميع والنعم بأشخاصهم الكريمة ويجب ان لاننسى هذا
    اما بالنسبة لانتقاد عمل النقابة واعضائها فهو حق مشروع لكل عضو جمعية عمومية
    هنالك جولات انتخابية وهناك جمعية عمومية ارجو الجدية والشجاعة فى النقاش والمحاسبة
    لكن لا أحد يأكل الطير لسانة وقت المواجهة والنقاش ...
    ودمتم بود
     
  5. Free_Kuwait

    Free_Kuwait بـترولـي نشيط

    115
    1
    18

    انا كنت قاعد اقرأ الموضوع ووصلت عند الاخ لما قال النقابه الحاليه سوت اللي محد سواه بعزه.. زيادة الرواتب
    وهني وقفت وواجب علي ان اعقب على هالكلمه!!

    انت تتكلم من صجك.. انت والله كذبت على نفسك قبل تكذب على الناس
    ياخي الواحد يستحي شوي ******** لاتجي ترزه بالمنتدى وتكتب من ورا الشاشه كلام فاضي النقابه بنفسها ماراح تصدقه
    اذا انت مقتنع ان النقابه الحاليه هي اللي زادت الرواتب
    تصير ********
     
  6. kuwait22

    kuwait22 بـترولـي جـديـد

    16
    0
    1
    بصراحه موضوع في خبث ونفس شيطاني .... طريقة طرحك واسلوبك .. تبين من انت وكيف هو مستوي تفكيرك وتعليمك !!!!! كل هذا علشان تحمي قائمة الائتلاف !!!! من نزول اي موظف للانتخابات !! اعوذب الله من سخط الله اتمني من ادارة المنتدى مسح الموضوع لانه في الاول اسلوبه لايمكن يثرى ولايفيد احد وليس مكان لتصفية حسابات ناقصين العقول ثانيا نسب انجازات ليس الائتلاف لها صله فيه
     

مشاركة هذه الصفحة