ياللي ادور السهل ! ترى الكايد احلى

الكاتب : Koc1969 | المشاهدات : 433 | الردود : 0 | ‏6 نوفمبر 2015
  1. Koc1969

    Koc1969 بـترولـي نشيط

    132
    3
    18
    الموضوع : ياللي ادور السهل ! ترى الكايد احلى

    نقابتنا يا جماعة من الاخر صلعت ولا كشفت عن الراس خلاص فمن بعد هاليوم لحد يقولهم مكتسباتنا وحقوقنا وانصفونا ومن هالحجي اللي ما يوكل خبز !!!

    بتقولولي ليش !! بقولكم بيان النقابة الأخير خير برهان ودليل ! شلووووون !!! طلعولي تكفون مادة او نص مادة تقول من واجبات النقابة التدخل بشؤون قرارات وزير وشؤون إدارة بحته لا تمت للعامل بأي صله !!

    الشباب شدوا حيلهم وقالوا لن نسمح وقرار غير نافذ مع العلم انهم كانوا داشين وطالعين من مكتب الوزير والوزير بارك الله فيه شكرهم واثنى عليهم لما قدموا السمع والطاعة ووخروا عن الإضراب اللي كان صاحبهم مقلقصهم فيه لما اصدر بيان لأحد الصحف !!!

    طبعا النقابة الحين متوهقة من عقب ردة فعل العمال من البيان المؤسف !! بركاتك ياللي طقيت الغاز وصدرت البيان طبعا اللي ما يعرفه خل اعرفه عليه ! دوره بتلفون احد بتلاقي اسمه محفوظ " فيصل / فصيل نقابه "

    ما ينلام الريال عقب ما خذا ترليون صفر من تصويت ربعه بانه ما يكون ريّس والحجه ( اتأتأ ) يالحبيب ما تنفع زعل ومد البوز وقام يسوي كل شي بدون ما يرد لربعه !

    سؤالي ! هل البديل الاستراتيجي راح ننعفي منه عقب بيان عدم تنفيذ قرار الوزير !

    هل العشر رواتب راح يرجعونها لنا عقب بيان عدم تنفيذ قرار الوزير !

    هل المميزات اللي انشالت من هَدَايَا خدمة طويلة وخصم الأندية راح يرجعونها لنا عقب بيان عدم تنفيذ قرار الوزير !

    واحنااااااا شكوووو غيروا رئيس وإلا شالوا رئيس ! وإلا بما أنكم نقابة رئيس تبون تثبتون له تره صدرنا عشانك بيان !
     
    أعجب بهذه المشاركة Ses

مشاركة هذه الصفحة