شفت كنترولر المنطقة الأولى بمصفاة ميناء الأحمدي

الكاتب : Bitumen | المشاهدات : 2,265 | الردود : 9 | ‏4 أكتوبر 2015
  1. Bitumen

    Bitumen بـترولـي جـديـد

    1
    0
    1
    ذكر
    بسم الله الرحمن الرحيم

    وحدة البتشمن قد تكون من الوحدات الغير مهمه بالنسبة للإدارة
    ولا حتى لرئيس فريق المنطقة , والدليل منذ استلم رئيس الفريق الجديد ماطب الوحده الا يمكن مره او مرتين ..
    وللأسف لم يتم الانتباه للموظفين في هذه الوحدة الا بعد عدة مواضيع طرحت في هذا المنتدى المبارك ..
    ولله الحمد كان من نتاج هذه المواضيع نقل رئيس القسم .. وان شاءالله يلحقه نقل بعض الكنترولريه او وضع حد لتجاوزاتهم..
    أعلم ان هذا اول موضوع لي بالمنتدى ولكن هذا لا يعني اني غير متابع لما يكتب فيه .. وهو ماشجعني على الكتابة..
    واليوم بتكلم عن شفت كنترولر ( جديد نوعاً ما ) ليس من القدامى ..
    وهذا الشفت كنترولر للأسف يحسب الموظفين عبيد عنده يعملون لراحته ..
    وقد كثرت مشاكله مع الموظفين ..
    ويكاد لا يخلو زام داوم فيه الا وصارت له مشكله مع احد من اهل الزام ..
    مثلاً احد الزملاء قايل له ( اقلب وجهك ) فكيف بشفت كنترول يقول لموظف اقلب وجهك ؟؟؟ وين متربي هذا الشخص ؟؟
    واحياناً لما احد يتصل عليه لامر ما .. يقوله ليش تتصل علي ؟ خل السوبر يكلمني .. يحسسك انه نائب العضو المنتدب ..
    طلباته كثيره ويتعمد اجهاد الموظفين بكثرة الطلبات والاتصالات وتطفيشهم..
    ويأخذ المعلومه من موظف وثم يتصل على موظف اخر ويسأل عن نفس المعلومه ..
    ويشترط ارسال المعلومات بالإيميل من قبل مشغل غرفة التحكم ..
    والأهم والأدهى انه يساوم الموظفين على الرخصه ... فيشترط في حال وجود نقص مايشغل أوفر تايم .. وهو مايعتبر استهتار بأرواح الموظفين وسلامة المعدات ..
    والأدهى والأمر من ذلك ان أحد المسؤولين وهو رئيس قسم بالوكالة عند تقديم شكوى لديه بهذا الخصوص .. قال هو مسؤول الشفت وبكيفه ...
    ومع احد الزملاء تأخر نصف ساعه على العمل وقام بطرده من العمل ورفض ان يشغل بداله اوفر تايم ..
    ووصل الخبر الى رئيس القسم ورئيس الفريق ومدير العمليات ,,, ومازال لم يأخذ جزاءه ..

    ما يغيض الكثير من الزملاء هو طريقة تعامله معهم بعنجهية وتعالي ..

    وحسب ماوصلني من أخبار .. هناك تحركات لعمل شكوى جماعيه من جميع موظفي وحدة البتشمن ضد هذا الكنترولر ورفض التعاون معه مادام هذا أسلوب تعامله مع الموظفين .

    في النهاية نحن كموظفين لسنا بطلاب مشاكل ولا نبحث عنها .. ولكن لا نرضى ان يعاملنا أحد كعبيد له ..
    اذا يبي الناس يحترمونه فليحترمهم .. **********
    لذلك رسالتنا الى رئيس الفريق ومدير العمليات يسنعونه والا سنقوم بالواجب ....
     
  2. بترولي قبل القرار

    بترولي قبل القرار بـترولـي جـديـد

    3
    1
    3
    ذكر
    هذه الاشكال متكاثره في المصافي الثلاث وللأسف لاحسيب ولا رقيب بما يقومون به من فرعنه علي الموظفين ورفض اجازات اضطراريه وصنع القرارات بكيفه وغيره من التعامل مع الموظفين
     
  3. بترولي حر77

    بترولي حر77 بـترولـي جـديـد

    5
    0
    1
    ذكر
    اشكرك على هالمقال اللي كتبته وفعلا هالكنترولر من حكم معرفتي فيه حيث اني موظف بنفس الوحدة للاسف الكل يتشكى منه انسان غير متعاون وفوق هذا كله انسان للاسف غير محترم وفيه عنجهيه على الفيلد اوبريتر ويتطاول بالالفاظ وهالشي مايرضى فيه اي انسان شخص مزاجي واستغلالي لوظيفته ياتسوون اللي ابيه او ازعل عليكم ومااحترم احد ويكرهك الشغل دامه موجود لانه على كل شي ينرفزك اذا اتصلت عليه ليش تتصل خل السوبر يكلمني واذا اتصل هو يسأل عن معلومه لازم يرجع يتصل ويكلم شخص ثاني للتاكد من نفس المعلومه وبالمره انرفزكم واشيك عليكم شخص فعلا غير متعاون واستغلالي وغير محترم شخص يساوم الشباب بكل شي تبون اريحكم من الشغل بشرط ماكو اوفر تايم ولما ارفضوا الشباب هالمساومه قوم الدنيا ولا قعدها تم طرد احد الشباب من زامه لانه تاخر نص ساعه !!!
    مع العلم بقانون الشركة لايتم محاسبة الموظف الا بعد ساعتين وفوق هذا والطامه الكبرى انه ماشغل مكانه اوفر تايم !!!!!؟ كانه يدفع من جيبه
    يقول لا ماابي الاداره تشوف اني اشغل اوفر تايم
    للاسف الاداره مغمضه عينها عنه لما قدمنا شكوى ضده وماحاسبته للاسف في غيره من المسؤولين على هالشاكله حنا نتمنى من رئيس الفريق ومدير العمليات يوقفون كل شخص عند حده من هالاشكال او بيكون لنا طريق ثاني ونعرف ناخذ حقوقنا وشكرا....
     
  4. المنطقة الأولى

    المنطقة الأولى بـترولـي جـديـد

    37
    2
    8
    السلام عليكم ورحمة الله وبركاته

    يقول الشاعر اللي مادري شسمه

    واجبن منك لم ترى قط عيني ## واكذب منك لم تلد النساء

    وانا هنا اتحدث عن ناس كانت لهم حقوق منعها عنهم رئيس القسم ،، ومع ذلك سكتوا عن حقوقهم ارضاء لهذا المسؤول مقابل بونص وعلاوة ونقل فيلد ابريتر لزامي وضبطني واضبطك .
    والاهم انهم اجبن من ان يواجهوا رئيس قسم.

    ولكن حين يطبق الشفت كنترولر القانون ويمنع الاجازات يصبح اسوء شخص في المنطقه !!! عجبي منكم ومن تفكيركم ..
    والمشكله ان رئيس القسم نفسه يشيشهم على هذا الكنترولر حتى يطلع من السالفه.

    انا لا اقول ان الشفت كنترولر زين ولا شين
    ولكن اتعجب من الاتصالات والتوصيات بين الشباب والتخطيط لعمل شكوى رسميه ضده ،، فقط لانه طبق القانون ..وين وقفتكم هذي يوم كانت حقوقكم تسلب ومازالت امام اعينكم وغصباً من ورى خشومكم

    ولكن ذوقوا من نفس الكأس
    والايام حبلى بالمفاجأت
     
  5. بترولي حر77

    بترولي حر77 بـترولـي جـديـد

    5
    0
    1
    ذكر
     
  6. بترولي حر77

    بترولي حر77 بـترولـي جـديـد

    5
    0
    1
    ذكر
    احب ارد على الاخ اللي يقول عنا جبناء
    تدري اخوي العزيز منو الجبان هو اللي سكت عن مشاريع التوانكي سنين كثيره ولا قدر يقول كلمه لانه وضعه كان زين مع رئيس القسم اللي فجأه بدء يحاربه من اجل مصلحته الجبان اخوي العزيز هو اللي سوى قروب للشباب وطرح فكرة وضع اوفر تايم على التوانكي ولما شاف ردت فعل عكسيه قام يهاجم الشباب قبل رئيس القسم وقاعد يلعب على وتر الطائفيه الجبان يااخي العزيز اللي يضحك بوجهه الشخص ويطعنه بالظهر ولا يقدر اصلا يواجها ويقول هذا انا الجبان اللي بس عنده منتدى ويتكلم وراه ويقول كلمته الشهيره مسح الجوخ وهو المثل الاعلى بالكلمة هذي الجبان اخوي العزيز هو اللي كان يبوس الخشوم للمسؤولين ولما صكرو الباب عليهم قام يضرب الطوف ولا يدري يهاجم منو عرفت منو الجبان سلم تكفى على نفسك وامسحلي لحيتك لانك اضهرت نفسك صحيح
     
    آخر تعديل: ‏5 أكتوبر 2015
  7. بترولي حر77

    بترولي حر77 بـترولـي جـديـد

    5
    0
    1
    ذكر
    نرجع للموضوع الاهم اللي هو الشفت الكنترولر اللي فعلا لا يستحق اي تعامل سواء عملي او شخصي لانه وبكل اسف انسان استغلالي لوظيفته وفاهم المسؤوليه غلط اخوي الكنترولر ليس لانك مسؤول يحق لك ان تغلط على الاشخاص اللي هم اقل منك درجة وظيفيه ليس لك الحق ان تطرد موظف بس لانه تاخر نص ساعه ليس لك الحق ان تمنع الاوفر تايم بس من اجل ارضاء الاداره لتوهمهم انه ليس لديك اي مشاكل في زامك ليس لك الحق وانت تعلم ان المان بور ٥ رجال ليس لك الحق ان تتكلم معهم بعنجهيتك المعهوده وقت ماتحب ارجو من الاداره وقف هالشخص عند حده لانها وصلت معانا احنا الفيلد عدم التعاون مع هالشخص نهائيا
     
  8. المنطقة الأولى

    المنطقة الأولى بـترولـي جـديـد

    37
    2
    8
    مايحتاج كل هذه الردود
    وفعلاً انت صادق
    الجبان من يسكت عن حقوقه سنين
    وينتفض لان شفت كنترولر وقف عنه الرخصه
    والمصيبه انه حتى الكنترولر مو قادر يواجهه ومازال يستخدم الشباب لضربه

    والأمر الأهم من هذا كله

    انا لا ادافع عن هذا الشفت كنترولر .. ولكن من الانصاف للنفس قبل الشخص نفسه انك تقدم شكوى شخصيه اذا هذا الشفت كنترولر قل ادبه عليك
    ماتنتظر غيرك يسوي كتاب جماعي ، الموضوع ماهو مطالبات عامه ولا حقوق عمال مثل التوانكي اللي تقول عنها وكأنك مستهين بموضوعها واللي المفترض مطالبتها عامه وليست شخصيه .

    في النهاية حاب اقولك معلومه وتقدر تتأكد منها بنفسك ( جميع السوبر والابريتر مقتنعين وموافقين بالمطالبات بخصوص التوانكي والمشاريع وليس كما قلت انهم رافضين ، ولكن البعض وماقول الكل ،، البعض ماتشيله ركبه يقابل اي مسؤول ، والبعض لا والله موافق ومؤيد ولكن بطريقه وأليه أخرى )
    فماله داعي تزوير الحقائق .

    واذا شفت كنترولر سوا فيكم هالشكل شلون لو الإداره بكبرها تحط عليكم !! اتوقع البعض ماينام الليل .
     
  9. ممتاز ٩٥

    ممتاز ٩٥ بـترولـي جـديـد

    6
    0
    1
    ذكر
    ياجماعه الشفت كنترول انا ماشتغلت وياه
    لكن ربعه اللي وياه الحين
    يمدحونه من قبل توقف الرخصه
    ولا ليش انه وقفوها قلبوا عليه !!!
    مو قبل كنا نشتكي من بعض الزامات وانتو مريحين !!
    اما سالفة يساوم على الرخصه
    تره كلهم جذي
    يحاولون يقللون الاوفر تايم
    بس انتو سويتو من الحبه قبه

    ولا تنسه انه نفس السوبر والابريتر كانو ويا نفس الكنترول قبل توقيف الرخصه
    شمعنه الحين صار كخه وقبل زين ؟؟
    امه اذا صج غلط على احد
    فخل يسوي شكوه رسميه

    مو الشباب يقولون نبي شكوه جماعيه ومادري شنو
    وانا شخصيا ماشفت منه شي وماقدر اوقع على شي ماصار وياي
     
  10. ANWARKO

    ANWARKO بـترولـي نشيط

    70
    1
    8
    Control pannal oprator
    kuwait
    السلام عليكم ورحمه الله وبركاتة

    انا اعمل في المنطقه الاولى وعملت مع جميع الكنتروليه في جميع الشفتات

    الحمدلله لم ارى منهم الا الاخلاق الطيبه وحسن المعامله

    وشكرا
     
جاري تحميل الصفحة...

مشاركة هذه الصفحة