افضل طريقة لحماية واصلاح واير شاحن الايفون iPhone

السلام عليكم وكل عام وانتم بخير وعيدكم مبارك
هذا موضوع حصري للنفطيين ولموقع المنتدى النفطي وهو اجتهاد شخصي لحل مشكلة تلف واير شحن الايفون ونا عانيت منه كثير
والحمدلله انتهت هذه المعاناة بعد ماوجدت الحل وهو كالتالي
غلاف يستخدم للكيابل الكهربائية لتغليفها عن طريق الحرارة نسخنها بالولاعة وتنكمش على الكيبل وتشكل غلاف حماية قوي
هذا الغلاف لن تجده في اي محل تجاري فسبق ان فريت الكويت ابحث عنه ولم اجده الا عند محل اسمه القمر الاول وله افرع حسب علمي
بحولي والفروانية والمنقف وسعر هذا الغلاف المتر 300 فلس فقط ويكفي لاصلاح جميع الشواحن في بيتك ويكفي لكل واير شحن 4 سم
ولكل رأس 2 سم يعني رأسين الشاحن 4 سم فقط

نشوف العدة اللازمة لعمل حماية لشاحن الايفون عشان ماينقطع او يخرب بسرعة
نحتاج مقص و ولاعة و غلاف الواير



نقص 2 سم لكل رأس




ثم ندخل القطعتين من جهة الرأس الصغير ونقوم بتسخين القطعة حتى تنكمش على الواير ويحميه ونقوم بالضغط عليه باليد عشان يمسك مضبوط بالسلك ويجمد وانتبهوا بيكون حار بعد التسخين لحد يحرق نفسه
وانتهينا من الشغل كله وهذي صور بعد تضبيط شواحن البيت وافتكينا من الشراء المستمر لشواحن الايفون


















هذي معلومات الغلاف وحجمة المناسب لللايفون بالامكان الاستعانه به لشراء نفس النوعية




وهذي عدة انواع واحجام من هذا النوع من الغلاف الحراري استخدمها حسب الحاجة وكل متر سعرة 300 فلس فقط