مازال التعسف في البتشمنت

الكاتب : ممتاز ٩٥ | المشاهدات : 709 | الردود : 4 | ‏17 سبتمبر 2015
  1. ممتاز ٩٥

    ممتاز ٩٥ بـترولـي جـديـد

    6
    0
    1
    ذكر
    صباح الخير للجميع

    بداية اشكر الاخ عمار حسين
    واشكر المدير محمد العجمي

    الامور تغيرت عندنا للأحسن

    ولا ننكر لهم هالشي .

    ولكن حنا نطمع في اصلاحات اكبر واحسن

    وهني ابتكلم عن البونص والعلاوات السنوية

    مو معقولة السكشن هيد يوزع البونص بمزاجه جنه يعطي من مخباته ،

    والدليل انه مشغلين حقل ماصارلهم سنتين ياخذون بونص كل سنه واحنا صارلنا اكثر من ست سنين ماشمينا ريحته . والبعض يمكن مره بالغلط .

    وهم العلاوات السنوية مو معقوله مشغل حقل ماصارله سنتين ياخذ A

    هذي حتى الابريتر مايحلم فيها ،،،،


    للأسف كل اللي اتكلم عنهم مايستحقون هالشي

    ولكن لاسباب كل اهل البتشمنت يعرفونها عطاهم السكشن هيد بونص كل سنه وعلاوات سنويه مرتفعه .

    ترا احنا اهلنا ربونا مانذل نفسنا حق احد
    ولا نتزلف حق احد
    لكن اللي صاير انه لازم تسوي جذي عشان تاخذ حقك.

    املنا بعد ماتغيرت الاداره وصار مدير جديد وتيم ليدر جديد انه الامور تتعدل وكل واحد ياخذ حقه .

    والمشكله ان تكلمنا حطو علينا
    لكن اللي نبيه من الاداره تطلب كشوف البونص والعلاوات وتدقق فيها وتعرف انه ماظلمناهم بشي

    وفي النهاية احب اقول حق اللي يظلم الناس
    ان الله ماراح يوفقك وبياخذ حقنا منك الحين او بعدين .
     
  2. مغربي

    مغربي بـترولـي نشيط جدا

    238
    35
    28
    لا تحاتي عمار بو حسين راح ينصف الكل بحكم عملي معاه انسان محترم
     
  3. بترولي حر77

    بترولي حر77 بـترولـي جـديـد

    5
    0
    1
    ذكر
    اخوي ذكرت بموضوعك انه في ظلم عندكم بتوزيع البونص وظلم بالتقييم السنوي وعلى حسب كلامك انه هالشي صارله ٦ سنوات ممكن تقولي ليش ساكت كل هالمده وانت باامكانك ترفض تقييمك السنوي وباامكانك بعد ترفع تظلم على البونص وهالشي معروف عند موظفين الشركة للاسف انه البعض منكم اذا مامشت مصلحته لآي سبب كان يتخفى ورا اسمه ويكتب على كيفه من وحي خياله مع انك كاتب موضوع قبل هذا متناقض لطرحك اليوم كنت تتكلم عن رخص ومحسوبيه وبنفس الوقت تبي بونص وتقييم A هل تعتقد انك تستحق هالشي اخوي اذا حاس بظلم اكشف عن نفسك وتكلم بمنتهى الصراحه ومكاتب المسؤولين مفتوحه ذكرتني بالشخص اللي يبي اوفر تايم على التوانكي اللي صارلها سنين وماتكلم الا الحين سلم تكفى يالقانوني
     
  4. ممتاز ٩٥

    ممتاز ٩٥ بـترولـي جـديـد

    6
    0
    1
    ذكر
    الله يسمع منك اخوي مغربي
    اتمنه هالشي


    اخوي بترولي حر .. انت موكلينك الاداره ؟؟؟
    وليش انته ماتروح ابواب الاداره المفتوحه
    بخصوص شكواكم اليديده
    ليش متخفي باسم مستعار على قولتك !!
    وشنو التناقض لمه اكتب عن محسوبيه او عن رخصه
    انته قريت اللي انا كتبته عدل ؟؟
    توزيع البونص جنه يعطي من مخباته مو شروط وقوانين ،، وهم العلاوة السنويه نفس الشي .
    انته تركت ساس المشكله ورحت تخربط

    بس انا اشك انك واحد من هالمستفيدين
     
  5. املي بالله كبير

    املي بالله كبير بـترولـي نشيط جدا

    الله المستعان
    مايضيع حقه وراه مطالب ... لاتسكت عن حقك اخوي
    الله يفرجها عليكم
     
جاري تحميل الصفحة...

مشاركة هذه الصفحة