الكويتي ما يشتغل...

الكاتب : العابر | المشاهدات : 874 | الردود : 8 | ‏23 يناير 2008
  1. العابر

    العابر بـترولـي خـاص

    بسم الله الرحمن الرحيم...
    والصلاة والسلام على رسول الله
    تحيه طيه معطره بماء الورد للجميع...


    بدون مقدمات أحب أدخل في الموضوع إلي كثيرا مايحيرني وأنا واثق من إن الموضوع محتواه فاضي وكلام باطل لكن صار غصب طيب عالكويتي...
    الكويتي مايشتغل..
    كل ماجاك مسؤول قال لك الكويتي مايشتغل ويخفس فيه ويرفع الوافد بحجة الكويتي مايشتغل طيب حاول مع الكويتي يقول لك لأ مايبي يشتغل..
    عندي سؤال أوجهه لكل مسؤول ورئيس ورب عمل
    من إلي يشتغل بالمخافر..المطار..الهجره..الشركات..الوزارات..المدرسين..الدفاع بأنواعه وش أعد ووش أخلي ويجيك يقولك الكويتي مايشتغل طيب من إلي يشتغل المصري والسوري والفلسطيني واليمني إلي أول مادخل جيش النظام البائد وقف ضدنا وضد بلدنا ونهبوا خيرات البلد
    من إلي قاوم وإستبسل ودافع عن البلد مو الكويتي من إلي ضرب أروع الأمثله في حبه للوطن ودفاعه عن تراب أرضه وباع الدنيا لأجل يسترجع ديرته مو الكويتي..
    أحب أوصل رساله لكل مسؤول ورب عمل شعاره (الكويتي مايشتغل)
    مضمونها كلن يرى الناس بعين طبعه
    وأنا واثق بالله إنك مريض نفسي وأحب أقوله يمدحون (الدكتور مروان المطوع) جرب وروح له ولك مني وعد هديه عباره عن صحن جريش (صناعه كويتيه)...
     
  2. workerq8

    workerq8 بـترولـي مميز

    613
    6
    18
    وعليك السلام ورحمة الله

    اذا كان في من الكويتيين اللى ما يشتغلون ففي من الاجانب بعد اللى ما يشتغلون اما التعمييم انا ما اتفق معاه
    في كويتيين كفاءة ومهارة افضل بكثير من الاجانب والشى الثاني في من الاجانب بس اذا تمكن من عمله وفهم الشغل عدل
    قام يدور على شركات ثانية يشتغل فيها او حتى دول يعني كثير منهم ما عنده ولاء للشركة او الدوله اللى يشتغل فيها
     
  3. Hard_Worker

    Hard_Worker بـترولـي جـديـد

    43
    0
    0
    السلام عليكم
    كلامكم عين العقل يا جماعه وبس حبيت اضيف شغله
    اذا فعلا الكويتي ما يشتغل لنهم اساسا ما يعطونه شغل واذا عطوه يكون مو بمجاله يعني واحد خريج هندسه ولا علوم اداريه يخلونه يرتب فايلات ولا يجرد الاثاث ولا خريج علوم وجيولوجيا يخلونه طباع ؟ مهام وشغل ما لها علاقه بشهادته ومجال تخصهه فشلون تبونه يشتغل ؟

    ومثل ما قلت يخوي كل من يرا الناس بعين طبعه
    واللي يقول الكويتي ما يشتغل يايكون فيه نقص او حقد على الكويتيين
     
  4. تايتنك

    تايتنك بـترولـي خـاص

    1,239
    0
    0
    الكويتيين حتي زبالين اشتغلوا ايام الغزو
     
  5. Shoomy

    Shoomy بـترولـي خـاص

    انت قلتها يالعابر
    كل من يرا الناس بعين طبعه

    يعطيك العافيه

    تحياتي
     
  6. جابر

    جابر قــلــم بــتــرولــي أعضاء الشرف

    نتكلم بصيغة الجمع لكن أكيد فيه شواذ :
    الكويتى يشتغل ...لكن يطالب بحقوقه إذا ما أخذها ...وهذى ماتكون دايما مرغوبه.. ;)
    الكويتى يشتغل ... لكن بدون مايخلى (خده) مداس لأى مسئول ...وهذى بعد مو مرغوبه.. ;)
    الكويتى يشتغل ...ويعرف ...ويتكلم إن دعت الحاجه ...ويقدر يقول بشجاعه ...و هذى بعد قد ماتكون مرغوبه... ;)
    الكويتى يشتغل ..وممكن يترقى ويمسك مكان ....وهذى بعد دافع للتكسير فيه .. ;)
    أما الدكتور مروان ما أعتقد إنه يسوى (نكله) ويلمعونه عالفاضى ..
     
  7. العابر

    العابر بـترولـي خـاص

  8. العتيبي

    العتيبي بـترولـي جـديـد

    29
    0
    0

    سهلة جدا ,, بما أن المسؤول أكيد كويتي فراح أسأله شلون وصل لهذا المنصب دام الكويتي ما يشتغل !!! اما انه سيعترف ان يناقض كلامة أو الواسطة من اوصله للمنصب (مستحيل يقول بالواسطة )

    السبب يا أخي ان بعض المسؤولين يذم الكويتي ويمدح الوافد خوفا من المنافسة وللحفاظ على منصبه فقط
     
  9. العابر

    العابر بـترولـي خـاص

    والله كلامكم جميعا صحيح
    ومشكورين عالمرور
     
جاري تحميل الصفحة...

مشاركة هذه الصفحة