التقاعد المبكّر لموظفي عمليات الخفجي المشتركه

الكاتب : جابر | المشاهدات : 17,883 | الردود : 7 | ‏14 يوليو 2015
  1. جابر

    جابر قــلــم بــتــرولــي أعضاء الشرف

    السلام عليكم ، حسب ماوصلني اليوم بخصوص التقاعد المبكّر لموظفي عمليات الخفجي المشتركه – للأسف التعميم لم يصلني ولكن هذا هو المحتوى :

    الإدارة التنفيذيه تقوم حاليا بمراجعة كشوف المرشحين للتقاعد المبكر Special Termination Package

    وتدعو المرشحين الراغبين للتقاعد المبكر للتقدم من خلال دوائرهم.

    شروط الترشيح هى كالتالي :

    1. كويتى أو سعودى الجنسيه

    2. خدمة لاتقل عن 15 سنه (مع عمليات الخفجي المشتركه)

    3. العمر لايقل عن 45 هجري ولايزيد عن 58 هجري

    4. له حق التقاعد والحصول على راتب شهرى من التأمينات

    5. الأولويه ستعطى للموظفين في الوظائف الإنتقاليه Transitional positions

    6. ليس لهذا العرض علاقة بالتقاعد الطبي

    7. الترشيح غير ملزم والقرار بقبول أو رفض المرشحين هو لجنة العمليات المشتركه JOC


      للعلم : أخر يوم لقبول الطلبات حسب ما وردني هو 3/8/2015 ، وأى معلومات أخرى أكيد موجوده عند الشباب في دائرة شئون الموظفين وسلامتكم
     
    أعجب بهذه المشاركة Workers
  2. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    يعطيك العافيه اخوي جابر
    موضوع التعميم الغريب انه لم يصل لاحد والبعض لا يعلم عنه مجرد المدراء واللي أعرفه انه صارله أسبوع واصلهم
    الأمر المستغرب لماذا لم يصدر تعميم حتى يستفيد الجميع منه من قبل شئون الموظفين
     
    أعجب بهذه المشاركة Workers
  3. عمليات الخفجي

    عمليات الخفجي بـترولـي نشيط جدا

    349
    13
    18
    اتوقع ارسل للمدراء والسوبرانتدنت

    اولوليه للوظايف الانتقاليه والقرار من joc تحكمهم حسب التكلفة والميزانية والاعداد الي متقدمين للبكج والاحتياج للكفاءات

    يبون فرقى ناس واجد وبيمشونهم بهالعرض واتوقع انه لناس معينه

    وفي ناس ودها تطلع كذلك فرصة لهم يمكن يمشونهم بهالدفعه المكملين خدمة يرتاحون يشوفون حياتهم
     
    أعجب بهذه المشاركة Workers
  4. جابر

    جابر قــلــم بــتــرولــي أعضاء الشرف

    ويعافيك يا هلا بن مبارك
    أغلب الظن دزوه حق المدراء في العشر الأواخر حتى يصل للموظفين..بعضهم ماله خلق والباقى يمكن حتى مو مداوم:rolleyes:
    مفروض دائرة علاقات الموظفين (مع تقديري للجميع فيها) تكسر هالحاجز الرسمي وترسل الإيميل مباشرة للموظفين لقصر الفترة وكونه خطاب من الإدارة العليا للموظفين ..ومصيري للبعض منهم ..الموظف لازم يحسب كم يطلع له ويراجع التأمينات وإذا كان كويتي لازم يراجع نفط الخليج ..قبل أي قرار

    ربك يجيب اللى فيه الخير
     
    أعجب بهذه المشاركة Workers
  5. جابر

    جابر قــلــم بــتــرولــي أعضاء الشرف

    ملاحظات مهمه للكويتيين بخصوص حسبة التقاعد (واحد من الشيبان مرني اليوم يستفسر عنها ..قلت أحطها للجميع هنيه):
    الميزة الأفضل تعطيك راتب عن أول خمس سنوات + راتب ونص عن أي خدمه فوق الخمس سنوات ( حسب قواعد نفط الخليج الكويتيه وليس الخفجي)
    وعليه تكون الحسبة النهائية من نفط الخليج ...راح يشوفون شكثر يطلع لك من الخفجي ويزيدون لك عليها
    اللى خدمته 25 سنة تقريبا .. يحصل له 35 راتب ..ا( 5 رواتب عن أول 5 سنوات و30 راتب عن 20 سنة المتبقيه) ..
    لراتب هو اللى يحسب عند التأمينات (مو الخفجي) وتقريبا راح يساوى مجموع الراتبين السعودى والكويتي إذا مو أكثر بشوى بعد..(نفط الخليج يبلغونك بالراتب اللى على أساسه تتم الحسبه)

    كل هذا حلو ...لكن
    نفط الخليج تطبق القانون الأهلى وليس النفطي في بند الخصم ( ليست وحدها ..كل الشركات النفطيه الكويتيه تطبقه أيضا) فتقوم بخصم كل مادفعته الشركه للتأمينات بدلا عن الموظف طوال مدة خدمته ..

    مثلا .. موظف (مجازا) توظف بسنة 2005 ..براتب 2750 دينار ...فالشركه تدفع عنه تقريبا 300 دينار شهريا ..يعني خلال العشر سنين دفعت بداله 36 الف دينار ...
    هالمبلغ سيخصم من حقوقه ...يعني مبلغ خدمة 25 سنه ممكن يكون كبير حيل ( أيضا مفروض شركة نفط الخليج تبلغك كم دفعوا بدالك طوال مدة خدمتك)

    راجعوا نفط الخليج وإخذوا معاكم المبلغ اللى راح يطلع لكم من ال ESS الخفجي وإحسبوها عدل قبل لاتوقعون على أي شي

    لاتنسون بعد صندوق المؤسسة أعتقد هناك شرط للسن قبل إستحقاقه ..يعني راجعوا ال KPC ....


    وبالتوفيق للجميع ..اللى راح يمشي... واللى راح يقاوم ويظل معانا :D
     
  6. عمليات الخفجي

    عمليات الخفجي بـترولـي نشيط جدا

    349
    13
    18
    مشكور جابر نورت الشباب ببعض المعلومات المهمه للي ناوين يطلعون الله يبارك لهم ويوفقهم بحياتهم المستقبليه
    ويفتكون من شي اسمه دوام والحدود والدرب :)
    يعني بنقاوم جميعا اااخ لوني مكمل كان ربع دقيقة ما اقعد اقل من الدقيقه بعد :)


    في حجي متقدمين كذا شخص درجته كبيره 25+ ومتوهقين ما بيطلعونهم كلهم الميزانيه يبونها تغطيي اكبر عدد من الموظفين
    لانها تكلف عليهم طلعت الكباريه بتقليص الاعداد وهم ودهم يطلع اكبر عدد ممكن
    في هيكله وترقيات جديده وتسكير مسمسيات زايده قديمه مالهم حاجه فيها
    خصوصا بعد شهر 10 استلام ربعنا joc
     
  7. جابر

    جابر قــلــم بــتــرولــي أعضاء الشرف

    حياك الله طال عمرك ..مع إني شخصيا ما أفضل تسرب الكفاءات ( الكويتيه) ..
    لكن ظروف الشركة الحاليه تحتم أن نترك اللى يبي يطلع ..يروح ..والتوفير للشركه كبير حييييييل

    نظام الباكج هدفة الوصول لنسبة 50% مع الجانب السعودى ..يعني أفضّل إن اللى يطلعون من الجانب السعودى أكثر من الكويتي ..

    بس شنقول ..مادام الجميع بالكويت يشتكى من الميزانيه والمصاريف .. مفروض الجانب الكويتي يزيد الميزانية لو يتسلفونها من البنك الوطنى:D
     
  8. احمد المرزوق

    احمد المرزوق بـترولـي جـديـد

    42
    2
    0
    يعطيك العافيه فيها شوي حوسه وكبار السن لازم ينبهون لها
     
جاري تحميل الصفحة...

مشاركة هذه الصفحة