شركة الخليج للتأمين ( التأمين الصحي )

الكاتب : Hardvictory | المشاهدات : 15,798 | الردود : 4 | ‏8 يوليو 2015
  1. Hardvictory

    Hardvictory بـترولـي جـديـد

    28
    8
    3
    السلام عليكم ..
    من سنة 2010 تقريبا ومجموعة كبيرة من موظفين القطاع النفطي مشتركين في نظام التأمين الصحي .
    للأسف للأسف للأسف
    الخدمات او طريقة التعامل مع موظف القطاع النفطي سيئة جدا ، كأنهم يذلون الموظف ، كأنه الموظف يطر منهم ..
    طبعا المسئولين بالقطاع النفطي توصلوهم شكاوي او يسمعون ، ومطنشين ..
    الله يرضى ، واحد من عيالي عنده عملية بالعين ، ومن يوم الاثنين مراسلات بين المستشفى وشركة التأمين بس عشان الموافقة !
    اليوم الاربعاء والعملية السبت وما وافقوا للحين !

    ومنا الى المسئول اللي موقع العقد مع شركة الخليج للتأمين ، اذا هالشركة سيئة ترى في غيرها وايد !
    مو بلاش يشتغلون ، قابضين مبلغ كبير من مؤسسة البترول !

    اتمنى كلامي يوصل للمسئولين
    شركة تأمين الخليج تذل الموظفين
     
    Workers و المحرر النفطي معجبون بهذا.
  2. q8sell

    q8sell بـترولـي نشيط

    59
    27
    18
    ياخوي انا اعرف لهم هذول شركة التأمين ما يجون الا بالعين الحمره لاني صار فيني موقف عملية بنتي و الموافقة ما جابوها الا بعد ما تهاوشة معاهم و هددتهم.
    دق عليهم و هددهم اذا ما جابو الموافقة بنفس اليوم قولهم راح اشتكي عليكم في حماية المستهلك و ارفع قضية و اشهر فيكم في كل الجرايد و تويتر و اخذ اسم الموظف اللي تكلمه.

    و اذا يبون تقرير طبي ثاني من الدكتور كلمه خل يكتبه على هواهم و يهول بحالة المريض و خل في بالك الموافقة تتم خلال ساعة بالكثير.

    الله يوفقك و يشافي ولدك.
     
    Workers و المحرر النفطي معجبون بهذا.
  3. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت
    عليكم السلام ورحمة الله وبركاته
    زميلنا الغالي رسالتك وصلت للمعنيين ومشكلتك بإذن الله محلولة بجهود الطيبين وجزاهم الله خير على سرعة الاستجابة
    ارسلت لك بالخاص امس يرجى الاطلاع على الرسالة والرد علينا ان رغبت بمعرفة تفاصيل اكثر
    وبإمكانك التواصل معهم على هذا الرقم ٢٢٩٦١٥٥٥
    والف سلامة للطفل ومايشوف شر بإذن الله
     
    أعجب بهذه المشاركة Workers
  4. Hardvictory

    Hardvictory بـترولـي جـديـد

    28
    8
    3
    مشكورين على الاستجابة
    جزاكم الله الف خير

    امس الخميس كلموني شركة التأمين وقالوا انهم راح يغطون تكاليف العملية بالكامل .. والجمعة العصر اتصلوا فيني المستشفى وقالوا التأمين وافق على تكاليف العملية بالكامل

    الجمعة الساعة 11:30 بالليل المستشفى اتصلوا وقالوا لي ان التأمين راح يغطي جزء من تكاليف العملية !!!

    قمة المسخرة

    شكلي راح اشتغل رفع دعاوي قضائية بالمحكمة على شركة تأمين الخليح
    لاني من يوم الاثنين وانا حايس ما بين تأمين الخليج والمستشفى ، وحاليا دخلنا يوم السبت الساعة 12:10
     
    أعجب بهذه المشاركة Workers
  5. Hardvictory

    Hardvictory بـترولـي جـديـد

    28
    8
    3
    السلام عليكم ..
    الحمد لله والشكر لله
    اود ان اشكر المحرر النفطي (فريق الاعلام) بالمنتدى
    وكذلك السيد / علي الهندال
    على جهودهم ، مع اني ما اعرفهم ، الله يكثر من امثالكم
    والله يحفظكم ويقويكم لخدمة زملائكم بالقطاع النفطي ..

    السبت الصبح كان موعد الدخول للمستشفى
    دفعت جزء من اتعاب العملية نقدا لانه شركة التأمين دفعت
    الجزء الباقي ( يعني نص بنص )
    بعد وصول رسالتي عن طريق المنتدى
    تمت المراسلة عالخاص بيني وبين المحرر النفطي
    وبلغني انه السيد / علي الهندال مهتم بالموضوع

    جزاهم الله الف خير والله يجعله بميزان اعمالهم

    بعد العملية اتصل فيني عالنقال مدير الموافقات بشركة الخليج للتأمين (دكتور / محمد) ، وبلغني انه مهتم بموضوع التكاليف وراح يتابع مع الشركة والمستشفى .

    الاحد بالليل موعد الخروج ، المستشفى رجعوا لي المبلغ اللي انا دفعته ، وبلغوني انه شركة التأمين غطت تكاليف العملية بالكامل .

    شكر خاص لادارة منتدى القطاع النفطي
    شكر للسيد المحرر النفطي (فريق الاعلام)
    شكر للسيد / علي الهندال
    على اهتمامهم ومبادرتهم وجهودهم

    الحمدلله والشكر لله على كل شيء
     
    Workers و المحرر النفطي معجبون بهذا.
جاري تحميل الصفحة...

مشاركة هذه الصفحة