الجامعيين بالقطاع النفطي (موضوع مهم)

الكاتب : مواطن | المشاهدات : 1,668 | الردود : 21 | ‏23 يناير 2008
  1. مواطن

    مواطن بـترولـي مميز

    544
    0
    0
    يا اخوان الجامعيون بالقطاع النفطي مهضومة حقوقهم ...ولا يوجد لديهم

    اي تمييز عن غيرهم مساواة مع نظرائهم بالمؤسسات الاخرى ويجب

    ان يكون لهم صوت للمطالبة بحوافز تليق بهم كبدل ايجار وغيره ...ما رأيكم ؟
     
  2. Q8_oil

    Q8_oil بـترولـي خـاص

    1,387
    0
    0
    و الله كلامك صحيح و أنا أقولك إذا الطبيب و المهندس مهضومه حقوقهم فما بالك بالجامعيين !!

    و إللي يبط جبدك يجيك واحد دبلوم أو ثانوي يقولون لا إنتوا معاشاتكم آلاف و مادري شنو قوله إنت قاعد تاخذ معاش 4 أضعاف الحكومة إذا كنت هناك أمن إحنا لا

    و واحد ثاني يقول لا السالفة بالخبرة !! أمن هذا بو خبرة أنا أقول لا تعليييييييييق
     
  3. workerq8

    workerq8 بـترولـي مميز

    613
    6
    18
    يكفي الجامعي شى واحد ان ممكن يوصل الى اى منصب وما يلقى اى صعوبة لى قريد 15 يوصل لها من غير حتى ما يطالب فيها
    على عكس الغير جامعي من دبلوم او ثانوية بس اللى اشوفه ان الفئة المظلومة فعلا هو فئة الدبلوم او اقدر اسميهم الطبقة الكادحة
    ما في قريد ياخذه الا بعد ما يحن على مسئوله وهذا اذا رد عليه بعد
     
  4. Jassem-76

    Jassem-76 بـترولـي نشيط

    86
    0
    0
    مراقب حسابات
    الكويت
    يكفي ان الجامعي ماله حد معين بالقريد والدبلوم يكرف الشغل واخرتها حده 15 قبل التقاعد سنه يعني 25 سنه من تعيينه وهذا اذا اخذ ال15
     
  5. workerq8

    workerq8 بـترولـي مميز

    613
    6
    18
    انا لو بتكلم عن امتيازات الجامعي في الشركات النفطية راح يقولون علينا نحسدهم
    الجامعي اول ما يحط ريله فى الشركة ياخذ قريد 12 وخلال اقل من خمس سنين يكون وصل قريد 15 واللي عنده شوية معارف خلال اقل من 7 سنين يقدر يصير سينير و الباب عنده مفتوح يقدر يصير دي ام دي او شيرمان طبعا العلاقات مهمة بس ما تفيد الغير جامعي
    حتى لو شنو علاقاته له حد معين يوقف عنده يعني حياته العملية عبارة عن احباط ويأس حتى لو كان مبدع فى عمله وافضل من الجامعي في مهاراته وامكانياته
     
  6. AD-01

    AD-01 بـترولـي خـاص

    1,040
    2
    38
    اخوى مهندس البورصه

    المقارنه ما تكون بين الدبلوم والجامعي ... هذا شى وهذا شى .. كل واحد منهم له طبيعة شغل وساد ثغرة

    اذا بتقارن بين الجامعيين قارن بين مهندسين القطاع النفطي وبين مهندسين نفس القطاع بالدول المجاوره او محاسب هنى وثاني برا

    صحيح الشهاده تفرض نفسها بس مو صحيح كلامك لما قلت ان الدبلوم بالشركه يآخذ 4 اضعاف الحكومة .. ترا حتى المهندس في الشركه بعد خدمة 10 سنين يندبل معاشه مرتين عن المهندس في الحكومة !!
     
  7. جابر

    جابر قــلــم بــتــرولــي أعضاء الشرف

    كلام معقول ....
    أضيف عليه الرواتب والمميزات تفرضها حاجة الشركه لهذه الوظائف ...ممكن خريج أداب (مستشار) يأخذ أعلى من أكبر مهندس ....بالعربى ... الشركه ماتعطينا الرواتب القليله والمميزات الأقل إلا إذا كانت ضامنه إن طلعتنا من الشركه ماراح تأثر على العمليات وإنها لو تبى تجيب ناس بنفس كفاءتنا من السوق برواتب تعادلها أو حتى أقل تقدر وبسرعه بعد .(سواء مهندسين أو دبلوم أو ثانويه)...........................
    لو القناعه هذى مو عند الشركه ..كان لقيت المميزات والرواتب تبحث كل سنه ..وكنت راح تشوفها تزيد ..مثل باقى الدول ....
     
  8. غيوم

    غيوم بـترولـي خـاص أعضاء الشرف

    7,298
    1
    0

    ممكن إضيف شي .. و ترا الخبرة تلعب دور بعد ليش ما تلعب دور بالموضوع

    من خلال تجربتي بقسمي أنا مو جامعية بس عندي خبرة أفضل من الجامعيين الي معاي بالقسم .. و الله لو بأحلف انهم ما يعرفون شي بالشغل و كل مرضيات و هم مو مرضي و يأخذون قريدات + أب قريدنج صار بقسمنا و غير التقرير الضعيفة و هم جامعيين و كل الافضليه لهم ليش علشان جامعيين .. مو حرام .. و غير الجامعي الي يكرف و تقريره احسن ما تكون مهضوم حقه.
     
  9. brilliant

    brilliant المـراقب الـعـام

    8,477
    0
    0
    Engineer
    Kuwait
    يا جماعه لا تطلعون برا الموضوع

    الموضوع يقارن الجامعين بالقطاع النفطي مع الجامعيين برا القطاع


    اخوي واذا ماعنده واسطه شيسوي ؟
     
  10. workerq8

    workerq8 بـترولـي مميز

    613
    6
    18

    اخوي بريلينت اللى ما عندهم واسطة ممكن يحوش الجامعيين او الغير جامعيين بس الجامعيين على الاقل حظه ما راح يكون مهضوم بشكل كبير وخصوصا في شركات النفط الكويتية على الاقل لا تقولي ان في جامعي صارله 7 سنين وما وصل قريد 15 حتى لو ما عنده واسطة اما فئة الدبلوم فهي فئة ما لها اي مستقبل وما لهم حظ في الترقيات و حتى القريدات تاخذ وقت طويل وعلى سبيل المثال انا كنت حاصل على شهادة دبلوم محاسبة بتقدير امتياز مع مرتبة الشرف بعد خدمة اكثر من 11 سنة حصلت على قريد 12
    اما الجامعي فأول تعيين له قريد 12 هذا غير الامتيازات الثانية

    الشي الثاني شركات النفط الكويتية ما تعطي الغير جامعيين الفرصة في تكملة دراستهم حتى لو على حسابهم الخاص طبعا انتو عارفين الاسباب
     
  11. مواطن

    مواطن بـترولـي مميز

    544
    0
    0
    منو قالك هالكلام ؟؟؟ موصحيح ....توقف على قريد13 او 14 اذا ما حبتك عينهم وجامعي من حقه يترقى

    شنو الحجة فيها عليه ؟
     
  12. مواطن

    مواطن بـترولـي مميز

    544
    0
    0
    والله الجامعي قريد 11 وهذا طبيعي لانه جامعي المهندس بس 12 وينقعون سنين وهم تحت التدريب

    غيرنا بالهيئات الثانية مميزات الدنيا شوف المدرسين جم رواتبهم وشوف رواتب الجامعيين الاداريين عندنا
     
  13. workerq8

    workerq8 بـترولـي مميز

    613
    6
    18
    اخ مواطن بالنسبة لمهنة التدريس فهي مهنة صعبة وكثير من المدرسين ما يتحمل ظروف المهنة واعبائها و يطلب تحويله الى اداري حتى لو فقد الكادر المخصص له وتقدر تتأكد من وزارة التربية

    اما بالنسبة ان يتنقع اسنين بعد حصوله على قريد 12 فهي محدودة جدا يعني بالعربي ما يحبك المدير وهي قد تكون
    موجودة فى ادارة معينة بس يعتمد عليك انك تشتكي او تنتقل الى ادارة ثانية وغالبا يصير تدوير على اى ادارة

    اخوي مواطن الجامعيين اتمنى لهم كل خير وانا الحين صرت واحد منهم بعد حصولي على الشهادة الجامعية
    بس يحز في نفسي الظلم الواقع علينا وعلى كثير من حملة الدبلوم فهي فئة منسية فهو لا يفكر في يوم ان يكون قيادي حتى لو كانت مؤهلاته ممتازة وحتى لو يبي يكمل دراسته راح تكون على حساب اشياء كثيرة

    لكن في الوزارات فبعد خدمة كم سنة يقدر يتابع دراسته والتخصص اللى يختاره هو مو عندنا شروط تعجيزية
    وتخصصات هم يبونها
     
  14. اعلامي

    اعلامي بـترولـي نشيط

    65
    0
    0
    خوش موضوع ومهم جدا للمتطلعين للمستقبل

    اخواني العمال

    الموضوع هذا مهم جدا لان المقارنة بالنسبة للجامعيين تتفاوت مابين اداري وفني

    بالنسبة للمهندس يتم تعينة على قريد 12 بالبداية ويتسلسل الى الوصول الى الرئيس التنفيذي
    وبالنسبة للاداري يتم تعينة على الدرجة 11 بالداية ويتسلسل الى الوصول الى نائب العضو المنتدب فقط

    وبالمقارنة لاصحاب الكوادر بالقطاع الحكومي مثل المهندسين والمحاسبين والقانونين في البداية يكون الفرق مابين ال200 الى 250 دينار فقط ولكن بعد عشر سنوات الفرق يتعدى 1000 دينار مع العلم ان القطاع النفطي ليس فيه كوادر لهذه الوظائف. والمفروض ان يكون لهم مثل الكوادر لانها على المؤهل وليس الجهه

    ..
    نرجع للموضوع المهم بالنسبة للجاميعين والدبلوم والثانوي بالشركة

    يا اخوانــــــــــــــــــــــي

    الشركات النفطية لا ينفع فيها الا جامعي او وضيفة فينة لان الدبلوم بصراحة يقهر بالقطاع النفطي الا اذا كان فني لان هناك علاوات وبدلات تعادل او تتعدى الجامعي مما يجد فيه تعويضا لما فاته من مؤهل علمي ولكن الاداري من حملة الدبلوم والثانوية فكلي عزاء له..

    نصـــــــــــــــيحة ::

    اللي ماعنده مؤهل جامعي او ظيفة فينة قوية يا انه يكمل دراسة او انه يجتهد بوظيفة الفنية ,,, اما بالنسبة للدبلوم والثانوية يا انك تطلع او انك اتكمل دارستك ولا حرام عليك هالمعاناه ...

    وشكرا
     
  15. Instrument

    Instrument بـترولـي نشيط جدا

    339
    0
    16
    Instrument
    K.O.C

    صل على النبي

    لا مهضوم حقهم ولا شي

    ترقياتهم ماشية و كل شي أوكي
     
  16. عبدالحميد دشتي

    عبدالحميد دشتي بـترولـي مميز

    782
    0
    0
    زهب الدوى قبل الفلعه

    السلام عليكم ورحمة الله وبدون مقدمات انا مشغل حقل خدمتي 5 سنوات او اقل بشهور قريد 10 وقريبا قريد 11 وقاعد اكمل دراستي بالعربيه وماشي ولله الحمد بس انا قبل لا ادرس ما فكرت شنو راح اسوي لما اتخرج والصراحه احب مشغل حقل احس اني نولدت مشغل مع اني ادرس ادارة اعمل (انظمه) شنو اقدر استفيد من هالشهاده بدون لا احول الاداره لان ما احب شغل المكاتب احب الدق الصراحه لوووووووول
     
  17. اعلامي

    اعلامي بـترولـي نشيط

    65
    0
    0

    اخوي عبدالحميد ماراح تستفيد من شهادتك شي لان شهادتك ادارية وانت وظيفتك فنية يعني ماتخدمك في مجال عملك والعكس صحيح بالنسبة للاداري وجايب شهادة فنية .... - بس يمكن ترفعك بالنقاط في حالة تنافسك على درجة معينة ولكن الاستفادة بسيطة جداا حيث انها ترفعك نقطتين فقط ... او انك اتعدل وضعك في الادارةلان الشهادة ماتفنع الشخص الا اذا كانت بمجال عملة ..
     
  18. judgement

    judgement بـترولـي نشيط جدا

    342
    0
    0
    معاين ابار
    الصراحة ياجماعة الفنيين اكثر ناس مهضوم حقهم يتعينون على 9 وفرق الدراسة بس سنة او نص بينهم او بين الباكلريوس المفروض يعينونهم على 10 لأن تدرون القريد في البترول يعادل أكثر من سنه فليش يعينونه اقل من المهندس بثلاث قريدات !!
    على العموم يستاهلون المهندسين والجامعيين قريد 12 بس ليش مايصير الدبلوم على قريد 10 ويوصل ليما قريد 16 او 17 مثلاً ؟
     
  19. Q825

    Q825 بـترولـي مميز

    500
    0
    0
    انا اقول قولو الحمدالله على النعم الي فيها انتو وعلى كوادركم...

    غيركم بالحكومه مومحصل معاشاتكم احنا بس احسن منكم بس بالراحه بعدين كل واحد ياخذ رزقه يعني يابو ثانويه لا طالع الي اعلا منك وهم يابو دبلوم لاطالع الي اعلا منك.

    ولي موعاجبه يطلع من دوامه ويدش الحكومه ويدرس الي يبيه بسكم جشع وطمع ياكويتيين قولو الحمدالله لا زم كل مكان يكون له شغله اتميزه اما تبون معاشات قويه وتبون اتكملون دراسه عيل الكل بصير مدير ورؤساء لو كنت تبي توصل اتكون جامعي جان من بداية حياتك درست وتعبت نفس الجامعي.
     
  20. زيزوم11

    زيزوم11 بـترولـي نشيط

    110
    0
    0
    صباح الخير على الجميع
    انا ملاحظ محطه(قريد 10) وخدمتى 15 سنه وجامعى من ثلاث سنوات (ادارة اعمال) وخلال السنه هاذى تقريبا راح يخصصون المحطات المتبقيه وبصراحه مادرى وين اروح (شنو المكان الزين )
    ارجو من الشباب ابداء الراى والمساعده
    واشكر الجميع
     
جاري تحميل الصفحة...
مواضيع مشابهة
  1. المحرر النفطي
    الردود:
    3
    المشاهدات:
    1,401
  2. فيصل العجمي
    الردود:
    3
    المشاهدات:
    670
  3. المحرر النفطي
    الردود:
    0
    المشاهدات:
    1,324
  4. بدر المحامي
    الردود:
    4
    المشاهدات:
    7,064
  5. رأي آخر
    الردود:
    8
    المشاهدات:
    7,468

مشاركة هذه الصفحة