هل الجمال شيء ثابت يمكن قياسة ... تعال اقرى الموضوع : )

الكاتب : شركة من صادها عشى عيالة | المشاهدات : 706 | الردود : 11 | ‏22 يناير 2008
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اللي خلاني اكتب هذا الموضوع هي الردود اللي قريتها بموضوع كرستالة (( هل تشترطين او تشترط الجمال بشريك حياتك )) بصراحة بعض الردود اصدمتني لما كانت تتكلم عن الجمال و كأنه شي ثابت و يمكن قياسة بدقة ....

    خلال السنين اللي طافت تكونت عندي فكرة انه مسألة الجمال يتدخل فيها الذوق بشكل كبير و تختلف من شخص لي اخر يعني لو اعطي مثال حليمة ( شلخونا فيها ) نسبة كبيرة من الشباب يعتبرونها جميلة لكن هناك شباب يرون انه جمالها ناقص ليش قصيرة .. توم كروز من اجمل ممثلي هوليود تعتبرة الكثير من الفتيات غير جذاب لانه بشرته بيضة ...

    بنقل لكم بعض الاراء اللتي توضح تداخل الذوق في تحديد مدى جمال الشخص ..

    شاب نفطاوي حنطاوي قصير : يا ولد ودي اتزوج وحده تكون عنقاا ( رقبتها طويلة ) تكون بيضة و ضعيفة من الخصر...

    شاب نفطاوي صاحب جسم رياضي: تصدق ما احب البنت الضعيفة اصلا تلوع جبدي لما اشوف بنت خصرها صغير و ايدها ضعيفة ... احلى شي المتروسة .

    شاب قصير اشقر : شفييييك ما في احلى من البنت الحنطاويه و السمرة و لا شعرها اسود و عيونها بعد .:eek:

    شاب مصدق نفسه حلو : شنو هذا بنات الكويت كلهم جياكر ما يعجبوني:rolleyes: ... انا احب (( تكفى شوفو المواصفات )) البنت اللي ويها طوالي :confused: و ما عندها خدود :confused: و عيونها مو كبار و حادين و كلش و لا تكون زايده ربع كيلوو و ابيها قزمه احسها اكثر انوثة .


    انروح للبنات : )

    بنت شايفه عمرها : ويع اللي خطبني رفضته مو حلو جماله جمال انثوي (( شنو يعني )) :confused:

    بنت حنطااويه مملوحة : انا احب الريال يكون عنده كرش . :eek:

    بنت بيضة : مو حلو على الريال البياض ابيه حنطاوي او اسمر و يكون عريض عاد عرضه عضلات و لا متين مو مشكلة

    بنت تتشرط : ما احب الريال يكون عنده عضلات ابيه ضعييييييييييييف :D

    بنت ملكة : ما ابي يكون حلو كافي انا حلوة (( و الله واثقة )) اهم شي يجذبني بس شلون ما ادري ..(( جان زين عندي حبل بواخر عشان اجذبها )) :p

    بعد كل هالاراء هل تعتقدون انه الجمال ثابت لا يختلف باختلاف الذوق؟؟؟؟

    انهي مقالي بمقوله شاب نفطاوي حكيم : الله ما يخلق واحد الا يخلق له البنت اللي تناسبة (( ترى قال هالمقوله و اهوا يلعب بكرشته))

    ابي كل واحد يحدد لي المواصفات اللي يعتقد انها مثالية لجمال البنت ؟؟؟ و كل بنت تحدد لي المواصفات المثالية لجمال الرجل ؟؟؟

    اعتبرو نفسكم لجنة تحكيم في مسابقة ملكة و ملك جمال الكويت


    (( ترى انا اللي كاتب هاا .. مو احد ايي يقول منقوول ))
     
    آخر تعديل بواسطة المشرف: ‏23 يناير 2008
  2. Blue angel

    Blue angel بـترولـي خـاص

    لوووووووووول يعطيك العافيه شركه موضوع حلو ، الجمال يختلف مقياسه من شخص للثاني ، سبحان الله خلق كل واحد فينا مميز بصفه و جميل من ناحيه معينه (( و لقد خلقنا الانسان في احسن تقويم )) ، بالنسبه لي انا اهم شي شخصيته يكون قلبه طيب و صريح و شكله ما يهمني اذا كانت لي مشاعر ناحيته و اهوا يبادلني نفس الشعور ، الجمال شي مؤقت يمكن بلحظه يروح :)
     
  3. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    انا ما قلت لج شنو مواصفات سبع البرمبه P: انا ابي رايكم بمواصفات الجمالية للرجل و المرأة : )
     
  4. طلال

    طلال بـترولـي خـاص

    هههههههههههههههههههههههههههه



    :rolleyes:
     
  5. تايتنك

    تايتنك بـترولـي خـاص

    1,239
    0
    0
    الشادي بعين امة غزال
     
  6. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    المشكلة انه صار بعين حبيبته مو امه : )
     
  7. Blue angel

    Blue angel بـترولـي خـاص


    مابي اقول رايي هووووووووووووووونت :(
     
  8. مواق

    مواق بـترولـي مميز

    501
    0
    0
    قال تعالى: زين للناس حب الشهوات من النساء .. تفسير الآية هو ان في قلب كل رجل ميل لجميع نساء الدنيا مهما اختلفت أوصافهم او أشكالهم او ألوانهم .

    ولهذا السبب يصعب على الرجل تحديد مدى الجمال للمرأة .
     
    آخر تعديل بواسطة المشرف: ‏23 يناير 2008
  9. كريستاله

    كريستاله بـترولـي خـاص

    1,358
    0
    0
    الجمال الخارجي مو مقياس للرجل والمرأه لانه فاني

    اهم شي جمال الروح
     
  10. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اشكر كل شخص قرى الموضوع ....
     
    آخر تعديل بواسطة المشرف: ‏23 يناير 2008
  11. الغالية

    الغالية بـترولـي خـاص

    1,035
    0
    0
    هههههههههههههههههههههههههههههههههههههههههه

    شوف طال عمرك ... باختصر كلامي بمقوله شاب نفطاوي جيكر : الرجال مخابر .. ماهي مناظر

    واذا بنتكلم عن المثالية .. فمافيه رجل مثالي ولا فيه بنت مثالية ..
    اهم شي معدن الرجل نفسه .. واقواله وافعاله تثبت انه رجل بمعنى الكلمة :)

     
  12. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    هههههههههه .... يا جماعه ترى جميع الشخصيات اللي ذكرتها بالموضوع اهيا شخصيات حقييقية و هذا الشاب النفطاوي الحكيم (( ابو كرش )) يشتغل بالبرودكشن :D اما الباجي فأمتنع عن ذكرهم لا يغسلون شراعي :p
     
جاري تحميل الصفحة...

مشاركة هذه الصفحة