توضيح للجميع بخصوص القانون النفطي و اللي قاعد يحصل الحين بالشركات

الكاتب : Eng.M-Q | المشاهدات : 1,943 | الردود : 12 | ‏24 مارس 2015
  1. Eng.M-Q

    Eng.M-Q بـترولـي نشيط

    72
    4
    8
    Applications Engineering Advisor
    Kuwait
    السلام عليكم ورحمة الله وبركاته

    ياجماعه حبيت اوضح لكم شي بخصوص القانون النفطي و اللي قاعد يحصل الحين بالشركات ( عقود كي او سي / عقود كي ان بي سي )

    كلنا سمعنا اخر فتره بان في ناس بدت توقع عقود يديده و تاخذ زيادات وغيره وغيره

    الموضوع و مافيه: الشركات قاعده توقع مع المقاولين

    Adjustment order

    يعني : تعديل بالعقد و زياده في ميزانية العقد

    يعني اللي مطبق مو القانون النفطي

    لان لو متطبق القانون النفطي جان صار كالاتي:


    بدل خطر
    تسجلنا بالتامينات تحت بند الاعمال الشاقه
    بدل طريج
    زياده في الرواتب بشكل منصف مقارنتا بالكي او سي / او الكي ان بي سي
    بونس
    تامين واحد لكل العقود

    مالاحظتوا انه زياداتنا تختلف عن بعض ولو انه البعض متشابه بالشهاده و سنين الخبره

    و الزياذه تختلف من عقدد لي اخر

    و الرواتب اللي قاعدين نحصلهم كا زياده غير عن الجدول اللي تم طرحه بالمنتدى


    بالنهايه

    هذا اجتهاد و تحليل شخصي للامور بحكم زياراتي التكويت و الكونتراكت هولدرز و تيم ليدرز وشغلات شفتها بعيني

    وشكرا
     
  2. Eng.M-Q

    Eng.M-Q بـترولـي نشيط

    72
    4
    8
    Applications Engineering Advisor
    Kuwait
    وزياده

    اللي يقول احنا ناخذ مطالبنا حبه حبه

    العقد لمه يتوقع

    يتوقع بالكامل

    بكااامل بنوده و شروطه مو بالقطاره

    و القانون النفطي موجود من سنين ماعتقد بيوافقون على جم شغله


    خلوكم صريحين وواضحين مع الناس الله يرحملي والدينكم
     
    أعجب بهذه المشاركة Yes
  3. ahmed_1

    ahmed_1 بـترولـي نشيط

    126
    1
    18
    اخوي احنا بس نسمع ونشوف على ارض الواقع ماكو شي للحين لا من الشركه ولا النقابه ولا الkoc يعني مادري لي متي جذي مافيه مصداقيه بالافعال مانبي اقوال
     
  4. Eng.M-Q

    Eng.M-Q بـترولـي نشيط

    72
    4
    8
    Applications Engineering Advisor
    Kuwait
    في ناس وقعت بالكي او سي

    واعرفهم شخصيا

    و زياداتهم عشوائيه ،،، اسال عن شركة صفوان ( سبتكو ) وقولهم شلون الزياده

    حته وايد منهم ما وقعوا لان الزياده غير منصفه بنظرهم
     
  5. ahmed_1

    ahmed_1 بـترولـي نشيط

    126
    1
    18
    يامعود انا ابي الاوفر تايم مايمشيلنا بلkdc
     
  6. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    للتوضيح

    اخوي adjusment order

    هو امر تعديلي للعقد في البنود و الميزانية للتوافق مع القانون الي اقر ٢٠١٣/٤/١ والي اهو قانون النفطي الجديد الخاص فيكم



    و بخصوص بدل الخطر مو كل العاملين في القطاع النفطي العام ينزلهم بدل خطر و منهم الموظفين الاداريين في الاحمدي

    اما بخصوص الاعمال الشاقة مو كل الموظفين تنطبق عليهم شروط الاعمال الشاقة وانا موظف في koc ما تنطبق علي الاعمال الشاقة و بالاصح اغلب الموظفين في القطاع النفطي العام الاداريين ما ينطبق عليهم الاعمال الشاقة

    اما بدل الطريج في القانون النفطي الخاص موجود و تقدر تراجع الجدول و راح تشوف انه الراتب لنفس الوظيفة يختلف حسب الموقع

    اما بخصوص زيادة الرواتب فالقطاع النفطي العام له سلم رواتب يختلف عن سلم الرواتب في القطاع النفطي الخاص

    اما بخصوص تأمين واحد لجميع العقود فهو امر مستحيل لاختلاف العقود عن بعضها ولانه لكل عقد ميزانية خاصة للكويتين المعينين عليها

    اما بخصوص ملاحظتك على اختلاف الرواتب مع ان الشهادة و الخبرة وحده فهذا امر طبيعي و السبب ان لكل وظيفة سلم وظيفي و قريد معين

    مثال

    وظيفة foreman
    تدرجها الوظيفي
    foerman 1
    foerman 2
    lead foerman
    snr. foerman
    لكل وظيفة نفس الشهادة ولكن تختلف حسب سنوات الخبرة و ممكن ان انت و صاحبك عندكم نفس سنوات الخبرة لكن في شاغر واحد لوظيفة
    lead foerman فلازم واحد يترقى اهني راح تكونون نفس سنوات الخبرة لكن اهو اعلى بالمسمى فطبيعي راتبه اعلى منك

    اما بخصوص الزيادة غير عن الجدول الي تشوفه بالمنتدى فهي كالتالي:

    لنفترض ان راتبك ٥٠٠ دينار و شهادتك دبلوم و خبرتك ٤ سنوات و على سبيل المثال الجدول اول مربوط للوظيفة و سنوات الخبرة ٦٠٠ دينار راح يتم زيادتك ١٠٠

    اما صاحب ك ٥٥٠ دينار و شهادته دبلوم و خبرته ٤ سنوات و على سبيل المثال الجدول اول مربوط للوظيفة و سنوات الخبرة ٦٠٠ دينار راح يتم زيادته ٥٠

    الي صار ان انته زدت ١٠٠ و صاحبك زاد ٥٠ علشان توصلون اول مربوط الدرجة


    وانشالله اكون وصلت المعلومة بطريقة صحيحة


    ولكن اتفق معاك بشغلة ان القانون الي اقر في ٢٠١٣/٤/١ في بعض النواقص علشان يكتمل القانون النفطي بشكل صحيح
     
    قبس من نور ،Workers و Mslam معجبون بهذا.
  7. قبس من نور

    قبس من نور بـترولـي جـديـد

    38
    29
    18
    ذكر
    Computer Systems Engineer
    Kuwait
    كثيرة الشكاوي لكن انك تجد رد منطقي فهذا شي يثلج الصدر خصوصا واني ومع كثيرين مقبلين على المقابلة في الاسابيع القادمة وقاعد اشوف شكاوي كثيرة تخلي الواحد يحتار ان الوضع مو مستقر مع موطفي العقود الخاصة في القطاع النفطي
     
  8. corvettezo7

    corvettezo7 بـترولـي جـديـد

    33
    0
    0
    مهندس
    الكويت
    السلام عليكم ورحمة الله وبركاته
    معاك عبدالقادر الهندي مهندس بصفوان ووقعت وزيادتي كانت 140 دينار ومن غير ما يعادلون ست سنوات خبرة ....حالي حال اللي توه متخرج
     
  9. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    السلام عليكم اخوي

    لازم تشوف المسمى الوظيفي في العقد كم عدد سنوات الخبرة المطلوبة فيه بالاضافة ان قرار الترقية لوظيفة تعادل خبرتك اهي من صلاحيات رئيس الفريق الي عنده العقد

    و انصحك اخوي تراجع المهندس المباشر المشرف على العقد و تشرحله وضعك لانه اغلب الي وقعوا العقود الجديدة يحطونهم على اول مسمى و بعدها رئيس الفريق اهو الي يقرر اذا راح يرقيك او لا
     
    أعجب بهذه المشاركة املي بالله كبير
  10. corvettezo7

    corvettezo7 بـترولـي جـديـد

    33
    0
    0
    مهندس
    الكويت
    وعليكم السلام ورحمة الله وبركاته
    اخوي بالعقد مو محددين سنوات الخبرة ...وتقصد برئيس الفريق اهو الuser ..؟
    والمهندس المباشر هل هو اللي بالاحمدي اللي مسؤول عن عقدنا بال KOC ؟
    اتمنى توضح المسميات استاذي الصراف .
     
  11. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    رئيس الفريق هو موظف koc و عشان توضحلك اكيد مر عليك هل مسمى team leader
    هذا الشخص اهو مسؤول العقد

    المهندس المباشر هو موظف koc الي يتعامل معاكم بشكل يومي

    بالمختصر لا تناقش المقاول بموضوع زيادتك و ترقيتك
     
    آخر تعديل: ‏25 مارس 2015
    Workers و املي بالله كبير معجبون بهذا.
  12. املي بالله كبير

    املي بالله كبير بـترولـي نشيط جدا

    بارك الله فيك اخوي الصراف
    اجاباتك تثلج الصدر صراحه
    الله يجعلها بميزان اعمالك الصالحه
     
  13. corvettezo7

    corvettezo7 بـترولـي جـديـد

    33
    0
    0
    مهندس
    الكويت
    السلام عليكم ورحمة الله وبركاته
    تسلم استاذي على ردك وجزاك الله خير وجعله بميزان حسناتك
     
جاري تحميل الصفحة...

مشاركة هذه الصفحة