تحديث انهاء العقود في عمليات الخفجي المشتركة

الكاتب : مجتهد | المشاهدات : 10,153 | الردود : 10 | ‏8 مارس 2015
  1. مجتهد

    مجتهد بـترولـي نشيط

    67
    6
    8
    السلام عليكم .. وضع الشركه مايطمن ووضع النقابة ايضا مايطمن والمنتدى كذلك .. صارت إنهاء عقود مهندسين وعقود شركات وإنهاء عقود اخرى كبيرة ومهمة وتم تقليل عدد الطابعات بالاقسام الاسبوع اللي فات .. مؤشرات ماتبشر بخير ابدا .. الشركه والمسئولين الكبار والنقابة بدون اي تصريح يذكر بخصوص مايحصل .. أتمنى من اللي ذكرتهم يوضحون لنا سبب إنهاء العقود وهل هذا سيؤثر مستقبلا بموظفي عمليات الخفجي المشتركه ؟؟

    دمتم بود
     
    أعجب بهذه المشاركة Workers
  2. Bos3ayd

    Bos3ayd بـترولـي مميز

    523
    4
    18
    للعلم تم سحب بعض السيارات والتلفونات من بعض المسؤليين.. وتقليص عدد عمال التنظيف في دائرة الانتاج البري
     
    أعجب بهذه المشاركة Workers
  3. جابر

    جابر قــلــم بــتــرولــي أعضاء الشرف

    السلام عليكم
    رأى شخصى وتوقعات
    كل شي يقام حاليا متوقع ومبرر
    شركة الإنتاج فيها في حالة shutdown .. والمده (شبه رسميه) 30 شهر
    وحنا شغلتنا نحفر وننتج ..ماعندنا لاتكرير ولاتسويق ولا إستكشافات بمناطق أخرى ..ولا كميات نفط مخزنة بالخارج للطوارىء
    من وين راح تطلع الرواتب ؟
    حتى الرواتب حاليا تعتبر عبء على الجانب الكويتي والسعودى
    وبالتالي ضغط المصروفات هي حل أفضل من غيره
     
    أعجب بهذه المشاركة Workers
  4. مجتهد

    مجتهد بـترولـي نشيط

    67
    6
    8
    تحديث لموضوع انهاء العقود .. و أيضاً تحريك المنتدى اللي أصبح شبه مهجور .. بدون مواضيع بدون مستجدات بدون أي معلومات تفيد الكويتيين في ( المنفى ) اقصد الخفجي .. عموما تم سحب الطابعه الملونه من اغلب الدوائر وذلك بعد تقليل عددها قبل عده شهور بحجة الميزانية وسيتم اعتماد الطابعه العادية .. مؤشرات ما تبشر بخير ابداً وكعادة المنتدى سوف يعم الصمت الطويل .. بدون اي تحرك وبدون اي معلومة توضح مستقبل الموظف الكويتي

    شكرا
     
  5. جابر

    جابر قــلــم بــتــرولــي أعضاء الشرف

    هلا بمجتهد.. مو ملاحظ ان القصقصه اغلبها إذا مو كلها من التزامات وشغل دائرة ال CBD
     
  6. بو عمر

    بو عمر بـترولـي نشيط جدا

    164
    0
    16
    والله يا شباب صاير تعتيم اعلامي من كل الاطراف (ادارة، نقابة، الخ) على كل المواضيع (وقف الانتاج، البديل، المشاركة، الخ).
    مو حلوه ان الموظفين يعرفون الاخبار من الجرايد. ناس برى الشركة تعلمنا شنو صاير واحنا ما ندري.
     
  7. عمليات الخفجي

    عمليات الخفجي بـترولـي نشيط جدا

    349
    13
    18
    والله الكل محد يدري عن الي صاير وتكتم كامل من الادارة
    وان كلمتهم يقولون ما ندري وكبار الموظفين محد يعلمك بشي

    شالغريب بالموضوع الله يستر

    الدور على الموظفين المقاولين سيتم تقليصهم في جميع المقاولات مثل ما سواء بموظفين المدراس سابقا

    تخصيص بشكل رسمي السيارات لدرجة 25 وفوق فقط وللحاجة الضروريه كذلك
    حتى المكلف بالانابه على وظيفه درجتها من كبار الموظفين لا يصرف له حتى يستلم رسميا درجة 25
    الي تعتبر مطب الحياة بالشركة صعبه ومحك على السنير ستاف البعض مفتوح له المسمى ومستحق لكنهم ما يرغبون فيه

    الطابعات وحده بكل مكان ايام قبل كل قسم له طابعه الحين الجميع شبكوهم بطابعه وحده
    تقليص بنسبة كبيره بجميع لمصروفات والمشتريات والعقود

    اتوقع والعلم عند الله
    ان كل هذا من توقيف الانتاج وكذلك تقليص الاعداد الزائدة عن حاجة العمل وتحديد النسبة المعينه للعمل من ناحية الوظائف ومن ناحية الاحتياج
    ومن ناحية الخدمات المكتبيه وخدمات المكاتب والاعمال

    كذلك عندك البيوت وقفوا صيانتها تستلم بيت داخل سكن العوائل من دون صيانه حاليا
    كذلك الدورات التدريبيه تم تقليصها لعدد معين و تم تحديدها للمستحقين وشروط صعبه مره ما تنطبق الا على ناس بروفيشنل


    الكلام خلال الشهرين القادمين جانبنا يستلم زمام الامور بالعمليات المشتركة وفي تشكيل اداري محدود ولمل بعض الشواغر على (مستوى المدراء التنفيذين وروساء الاقسام السوبرانتدنت )
    الهلال على الحروى ماباقي له شي على التقاعد عمر الا اذا مدد له من الظهرن و السبيعي رسميا شهرين متقاعد عمر
    والكلام ان الخضير سيكلف باستلام الرئاسة بشكل موقت

    والكلام كذلك ان جانبنا بيرفض استلام الرئاسة على الوضع الي صاير حاليا وهذا اقرب ما يصير
     
  8. جابر

    جابر قــلــم بــتــرولــي أعضاء الشرف

    كل واحد يجيب سيرة الترقيات قدامي أقول الله يستر بس على المسلمين...لاتضيع حقوقهم....السنتين الأخيرات شفنا العجب ..
    مانقول الا ..الله يذكرك بالخير يابوفجحان ..

    ومثل ماقال أخونا عمليات الخفجي ..فيه كلام على حركة قريبه وإن (الباكج) اللى توقف السنة السابقه راح يمشونه ..يمكن هدية بعد العيد
    الناس اللى طالعه مو أقل من 28 شخص ...فيها مدراء وسوبر انتدانت ...يعني راح الترقيات تشتغل ...واللى تطوفه هالترقيات يمكن مايحصل شي بعد لمدة طويله ..
     
  9. عمليات الخفجي

    عمليات الخفجي بـترولـي نشيط جدا

    349
    13
    18
    صحيح بيمشون بكج والعدد المتوقع رسميا من 25 - 27 موظف الدفعة الي تم توقيفها سابقا البعض منهم طلع من دون بكج
    والتنقلات والتعينات شغالين عليها ماعندهم غيرها شغل حاليا في كم اسم مطروح من الجانبين بمناصب عليا
     
  10. AZIZ77

    AZIZ77 بـترولـي نشيط

    135
    1
    18
    بالنسبة لدرجة 25 وميزة السيارة هل هي تكهنات ولا شي رسمي؟؟
    واللي انصرف على درجة24 هل تسحب سيارته؟؟
     
  11. عمليات الخفجي

    عمليات الخفجي بـترولـي نشيط جدا

    349
    13
    18
    لا الصرف لدرجة 25 شي رسمي هذا من kjo وفيها قرار joc رسمي
    اما المصروف له ودرجته 24 تبعنا هذولا ياعزيزي kgoc على البادجت تبعنا ومن حسابنا ماهو على ال kjo

    احنا كلامنا بشان العمليات المشتركة والي قاعد يصير فيها بعيدا عن ادارة كل جانب :)
     
جاري تحميل الصفحة...

مشاركة هذه الصفحة