نعيب زماننا والعيب فينا وما لزماننا عيب سوانا

الكاتب : Hard_Worker | المشاهدات : 601 | الردود : 6 | ‏21 يناير 2008
  1. Hard_Worker

    Hard_Worker بـترولـي جـديـد

    43
    0
    0
    السلام عليكم ورحمه الله وبركاته

    الناس كلها تشكي الحال الي وصلت له الديره وتلقي اللوم على الحكومه او فئات معينه من الشعب( الحضري يلقي اللوم على البدوي - والفقير يلقيه على التاجر - والشيعي على السني وبكل الحلات العكس صحيح) وجنه الناس الي تشكي اهم الي راح يصلحون حال الديره اذا كانت لهم سلطه معينه بس هل هذا الكلام صحيح ؟

    صحيح ان هالناس الي تشكي اهم المصلحين؟

    يا اخوان احنا كلنا السبب بتردي حال الديره مو الحكومه ولا سياستها.احنا بدوله ديمقراطيه لو كنا بدوله دكتاتوريه جان قلت صح من الحكومه بس والله تردي حال الكويت مو من الحكومه من الشعب نفسه احنا ما نبي نصلح(نقول نبي نصلح ونعدل ونسنع بس وقت الصجيه غير مصالحنا ومصالح عيالنا واهلنا تي قبل) وشلي خرب الديره غير هالشغله ؟؟؟

    احنا الي توسطنا حق عيالنا او معارفنا او ايا كان ووظفناه او وصلناه مناصب واهو ما عنده المؤهلات ان يكون فيها

    شنو توقعون يصير لمى واحد يمسك منصب وهو ماعنده المؤهلات اللازمه؟(ماقصد المناصب القياديه-الادارات كلها بشكل عام) هل راح يبدع هل راح ينتج؟يصلح؟؟ ويمسكون مناصب حكوميه ويعفسون الحكومه وبعدين نقول الحكومه تعبانه!!!! ونلقي اللوم على الحكومه وبالاساس الحكومه والوزرات احنا الي شكلناها لمى دخلنا عيالنا فيها وحطيناهم بامكان ما يصلحون لها

    ومجلس الامه مثال اوضح لمى ندري ان الشخص الي مرشح نفسه لا عنده مؤهلات ولاعقليه ولا فكر وبعض المرات ندري انه ياي يبوق بس هم نصوت له ونخليه يدخل المجلس وبعدين نذم المجلس!!!! ليش نذمه واحنا الي وصلنا الناس الي فيه احنا الي خليناهم نواب ؟احنا الي شكلنا المجلس

    صواتنا لهم لنهم عيال عمنا او من تيار معين او لمحسوبيه او لانهم اعضاء خدمات يوظفون عيالنا.صوتنا لهم عشان يخدمونا حتى لو ما كانت فيهم المؤهلات الامطلوبه

    وهذي الدوامه الي احنا فيها من اردى لي اردى كل شي بسببنا واحنى نلقي اللوم على الزمن والدنيا وعلى الحكومه

    نعيب زماننا والعيب فينا وما لزماننا عيب سوانا
    والله المستعان
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    للأسف هالكلام صحيح

    يعطيك الف عافيه على هالكلام
     
  3. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    احنا نختار الاصلاح لما نختار القوي الامين : )

    كلامك عين العقل
     
  4. Hard_Worker

    Hard_Worker بـترولـي جـديـد

    43
    0
    0
    والله يبتها عدل بكلمه القوي الامين
     
  5. غيوم

    غيوم بـترولـي خـاص أعضاء الشرف

    7,298
    1
    0
    أخوي أنت قلتها " نعيب زماننا و العيب فينا و ما لزماننا عيب سوانا "

    نبي نأخذ كل شي و لا نعطي بالمقابل

    الحياة أخذ و عطي .. و الإصلاح يبدأ من نفس الشخص ما أنطر أحد يدليني عليه


    تقبل تحياتي
     
  6. Hard_Worker

    Hard_Worker بـترولـي جـديـد

    43
    0
    0
    عدل كلامج اختي وهذا الي قاعد اقوله انا , قاعدين نبدي مصالحنا على المصلحه العامه
    يمكن انتي فهمتي غلط
     
  7. تايتنك

    تايتنك بـترولـي خـاص

    1,239
    0
    0
    مايعيب الا المعيوب
     

مشاركة هذه الصفحة