مدير العمليات

الكاتب : عامل بسيط | المشاهدات : 1,892 | الردود : 6 | ‏2 يناير 2015
  1. عامل بسيط

    عامل بسيط بـترولـي جـديـد

    6
    0
    0
    [justify]اكتب هالموضوع بعد ماشفت كم مشاركة مع الاسف ترفع الضغط من بعض الاخوان

    ماهمهم الا الدفاع عن مدير العمليات
    هالمدير اللي من جانا ماشفنا الا كل امر شين
    درجات تتأخر
    شواغر تتسكر
    دورات تدريبيه هو اللي يرشح وقافل عالترشيح ومايرشح احد
    حتي الدورات الداخليه عفسها ولعب فيها
    همه بس شلون يوفر فلوس
    حتي لو علي حساب تدريب العمال وتطويرهم
    حتي لو علي حساب اجراات الامن
    حتي لو حساب مصلحة الشغل
    مايدخل الكنترول روم الا ويهدد ويتوعد بدال لا يشجع ويرفع المعنويات
    التهديد والوعيد

    درجاتنا تأخرت لانه موعاجبه النظام الجديد للمفاضله
    دوراتنا الخارجيةنحلم فيها حلم
    دوراتنا الداخليه تتكنسل وتنلغي
    الناس في العمليات ملت وزهقت
    رؤساء فرق
    مهندسين
    مشرفين
    مشغلين
    حتي عمال المقاول بيطفشون

    ولما تنتقده النقابه وتطالب بحقوقنا يطلع من يدافع عنه
    عيب علينا والله
    [/justify]​
     
    آخر تعديل: ‏2 يناير 2015
  2. اوبريتر

    اوبريتر بـترولـي جـديـد

    14
    0
    0
    رد: مدير العمليات

    شنو تترجي من عمال يشخط فيهم المدير بالكنترول روم ولا احد يرد حتي السوبرفيزرية حطوه صامت ولا كلمة مع ان هم المقصودين فهيك عمال بدهم هيك مدير .

    اخذ من كيسه وعايده هذا المثل طبقه المدير عشان يعطينا اوفر تايم العمرة السنوية خصم علينا ووفر علي حسابنا وهو الحبيب مسافر دورة بوقت العمره السنويه عشان لاتروح عليه الدورة .

    النقابة ماقصرت فيه لكن اغلبية اللي ضد النقابة يدافعون عن المدير ليس حبا فيه انما كرها بالنقابة حتي وان كان دفاعهم عن المدير ضد مصلحتهم .

    الشركة ماندري خصخصة والا تغيير نشاط فلازم نوقف مع نقابتنا ورانا مشاكل ونبي ناس تشوف مصالحنا سواء النقابة الحالية او اي نقابة ولازم نفهم احنا لو ضد بعض بالانتخابات مايمنع ان نكون يد وحده وري نقابتنا وضد اي واحد يضلمنا .
     
  3. v_good_1

    v_good_1 بـترولـي جـديـد

    3
    0
    0
    رد: مدير العمليات

    مع احترامي لوجهة نظرك كلامك مو صحيح

    أصلا ما عرفنا العدالة ولا المساواه في الترقيات ولا الدورات ولا التقاييم الا مع وجود السويلم ومدير العمليات


    ولا ضرنا الا النقابه ورئيس النقابه الي يبي ياخذ ترقيته على حسابنا وهو أصلا ما يداوم واحنا الي نتعب ونداوم

    وأكيد طبعا ما راح يجوز له العدالة لانه بس يبي يضبط نفسه وبعض ربعه فقط ويبي المسؤولين يمشون على الي يبي


    وأي احد بيعد الحق قلتوا هذا ضد النقابه ؟ اي نقابه؟ أصلا هذي نقابه ما خافت الله في العمال الي وصلتهم وقاعد يضربون يمين ويسار بس


    لأهدافهم الشخصيه ويندارون بالريموت كنترول

    ترا العمال تعرف وتشوف ارجوا احترام عقولنا شوي وخلكم في دراستكم برا
     
  4. اوبريتر

    اوبريتر بـترولـي جـديـد

    14
    0
    0
    رد: مدير العمليات

    عزيزي v good
    مع احترامي لك كلامك فضح نواياك وتوجهك . ياخي السويلم مايضبط احد بياع كلام ومايضبط احد الا له فيها مصلحة والكل شايف شخصيته الضعيفة الركيكة مع حمد دخيل .
    حمد هو اللي كان مأخر الدرجات الاخيره كلها طبعا حجته التقييم الجديد لان مايخليه يضبط ربعه وربع سويلم ، حمد عنده شله محد يقربها ، واي تقايبم اللي تتكلم عنها ياخي اذا ماعندك علم اسأل عن لجنة التظلم كم واحد مسجل وبتعرف .
    اما الدورات ماراح ارد عليك الكل شايف وانت شايف بس مسوي روحك مو شايف تكفي دورة الساعه بالمطافي والا اليوم المفتوح وعقبها المنظمين راحوا المغرب مع حبايبهم هههههه يقولي دورات
    حمد السبيعي لاقي له اذناب ومخبرين يحركهم علي كيفه .

    بالنسبة للنقابة هي تدافع تن نفسها لكن من وجهة نظري
    مافيها شي لو رئيس النقابة طالب بحقه واسمح لي كل رؤساء النقابات خذوا درجات يعني عادي ومو شرط يداوم .. بس شكلك جديد وماتعرف شي بالشركة ياخوي و اتمني اكون فدتك ..
    الصراحة ماشوف احد من ربع رئيس النقابة تضبط وين قولنا اخاف جدد ومانعرفهم

    اخيرا نصيحة ببلاش… .
    طريقة تفكيرك وانتقادك وانت تعلم انك علي خطأ او تتعمد انك ترفع من شأن من لايستحق وتنزل من قيمة من يستحق وذلك لمصالحك الشخصية او لعداوة مع شخص او كرهك للنقابة يصب في مصلحة من تدافع عنهم وهم الوحيدين اللي مو محترمين عقلك .. اتمني انك تفهم معني كلامي سلام
     
  5. عضو بالشركة

    عضو بالشركة بـترولـي نشيط

    140
    4
    18
    رد: مدير العمليات

    الموظفين تظلمو عند الوزير ورجعلهم حقهم وأشكروه بلوحة شكر الكل شافها

    وهذي مصيبه كبيره في عهد النقابه الحاليه التي خذلت العمال للأسف بعد ما أخذو ثقتنا فيهم

    أنكشف الغطاء عنهم ولن يرحمهم العمال والتاريخ

    أسوء أسوء نقابه مرت علي العمال والدليل تخفيهم وتهربهم عن العمال في الأواني الأخيره والكل ملاحظ الشئ هذا

    حتي أسم القائمة أصبح غير مقبول لدي الكثير من العمال والكثير منا ينتظر الإنتخابات القادمه للتغيير بإذن الله للأفضل

    لكن نتمني من القائمة المنافسه التحري بأختيار أسماء القائمة لأجل الرقي بالعمل النقابي وتحقيق طموحات الموظفين المسلوبه

    في وضح النهار وأولها أختبار اللغه الإنجليزيه اللي أتت به النقابه الحاليه الفاشله

    وهذا الأختبار جعل جميع الموظفين في إنشغال دائم ومحاتاه به ؟ وفي نفس الوقت تتحدث النقابه الفاشله وتقول أنه إجراء روتين

    فقط ولا يشكل عائق عليكم ؟ كفي ضحك وكذب علي الموظفين ... فالكذب ليس من صفات المسلم لأنه يكذب حتي يكتب عند الله

    كذابا
     
  6. ( بي أأي سي )

    ( بي أأي سي ) بـترولـي نشيط

    85
    6
    8
    الزبدة أن المدراء ورؤساء الفرق والسويلم فوقهم

    ضد العمال والنقابه لا تهش ولا تنش وجودها وعدم وجودها نفس الشئ

    ودعوة المظلوم ليس بينها وبين الله حاجب

    ظلم بالترقيات وظلم بالتقارير والإدارة العليا تعلم وتتفرج

    الموظفين بأنتظار الفرج من الله سبحانه وتعالي لا من غيره

    حسبنا الله ونعم الوكيل
     
  7. النداوي

    النداوي بـترولـي نشيط

    136
    2
    18
    المشكله إن رئيس الفريق يفكر يصير مدير والمدير يفكر يصير نائب عضو منتدب

    وين يفكر فيكم كلن باله مشغول

    أهم شي لاتعكرون مزاج مدير أو مسؤول لحد يطالبهم بشئ وراهم سفرات وتجميع فلوس موفاضيلكم أنتم طلباتكم ماتخلص أصلنً أنتم المشكله فيكم شتبون بحقوقكم

    كله نبي نبي أحمدو ربكم وجبة الغدا ب٢٠٠ فلس والباقي تدفعه الشركة مدلعين
     
جاري تحميل الصفحة...

مشاركة هذه الصفحة