فرصة لزيادة المعاش التقاعدي

الكاتب : كي او سي | المشاهدات : 1,488 | الردود : 20 | ‏21 يناير 2008
  1. كي او سي

    كي او سي بـترولـي خـاص أعضاء الشرف

    السلام عليكم ورحمة الله وبركاته

    حبيت اوضح لكم بعض الامور وخاصة حق الديناصورات اللي معششه في الشركة

    هذي فرصتكم للتقاعد وزيادة المعاش فوق ال 1250

    اشلون

    اقولكم اشلون

    خل نفترض موظف صار له 30 سنه ويحق له التقاعد الحين وراتبه 1800 ويزيدون راتبه 300 يعني يصير راتبه 2100

    مع العلم يمكن يقعد بالشركة بعد سنتين ولا ثلاثة وراح يطلع تقاعد لا محاله اليوم ولا باكر بيطلع تقاعد، يعني خل نقول

    33 الى 35 سنه بالكثير ويطلع تقاعد

    يوم يقدم على التقاعد راح يرجع راتبه الى 1250 ، شنو استفاد من الزيادة (فقط الثلاثة الى خمس سنوات اللى قعد

    فيها بالشركة + الكرف بعد الثلاثين يعني اقصد عمره اكيد لا يقل عن 55سنة وهو مدقوق بالشركة


    المهم

    اذا قدم تقاعده قبل الزيادة يعني هالايام راح يرجع راتبه الى 1250 ، وتحوشه زيادة حق المتقاعدين خل نقول 100دينار

    راح يصير 1350 (بس الزيادة حقه وحق عياله وعلى طول وليس لها فتره معينه، يعني لين يطق ويموت بعد عمر طويل

    وراتبه راح يتوزع على زوجته وابناءه)


    بالاضافة يعطون فرصه حق غيرهم بالترقيات وبالتوظيف ويدفعون بالدماء الشابه اللي فيها

    الروح والعمل والمثابره

    مو واحد قاعد بالمكتب عمره قريب الستين لا شغل ولا مشغله واصلا ما فيه حيل يشتغل ، خلنا نكون واقعيين شوي ،

    وحتى التيم ليدر يستحي يقوله سو جذى او جذي بسبب ان عمره كبير


    وشاكر لكم وقتكم للقراءة ، ولكم التعليق
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    خوش كلام وموضوع مفيد :)
     
  3. ابوشوكه

    ابوشوكه بـترولـي نشيط

    خوش كلام ومفيد وكل شي ---------- بس شلون تقنع الديناصورات بهذا الكلام ؟
     
  4. workerq8

    workerq8 بـترولـي مميز

    613
    6
    18
    في مدراء من كثر ما هو امجلب بالكرسي ما يطلع الا بجنازة
    اعتقد هذيلة عندهم عقدة النقص ان ما يشوف له هيبة واحترام وتقدير الا وهو على منصبه والاخ ناس ان الانسان بشخصيته واحترامه لغيره يخلق له مكانة وتقدير بين الناس
     
  5. feed gas

    feed gas بـترولـي خـاص

    يبا منو قااالك الناس تبى تقعد فوق ال 20 سنه؟؟؟ تعال شوف حيات الابريشن فى البترول الوطنيه تحديدا وانت تشوف الناس الى ودها تفارج المكان بس مو حاصلها...يبه الابريشن فى البترول الوطنيه مو مكسب.. ياخذووووووووووووون منك ولا يعطوونك شى بالمقابل ..

    بس الله كريم انشالله جم سنه وتشوفون شلون المصافى راح اتطلع ماى ايه ماى مو بترول والسبب سوء تخطيط الى ماسكينها ..
     
  6. الطيب

    الطيب بـترولـي نشيط

    52
    0
    0
    خوش فكره بس شسوي يقعد بالبيت زهقه ؟:)
     
  7. REDWOOLFQ8

    REDWOOLFQ8 بـترولـي نشيط

    كل ديناصور من هالديناصورات لما يعطونه سيارة

    كابرس آخر موديل ويغيرون الأثاث كل سنة أو سنتين

    وقاعد على مكتب ولا مكتب الوزير يشخط ويامر

    كأنه أمير بدوامه وغير الدورات الخارجية والكورسات

    كل سنة بدولة وتذاكر السفر فلوس نقدي بحسابه

    أهو وعياله غير ينتفع من موظفين الي تحته يخدمونه

    بالوزارات على شان يرخصهم أو يعطيهم اوت ستاندنغ

    وغيرها وغيرها وغيرها من مميزات وتبونه يتقاعد

    مو يصير ديناصور إلا يتم لما يشيلونه من الكرسي الي

    حاط له صمغ ولازق عليه إلا حفرته ويمكن يدفنون الكرسي

    معاه
     
  8. كي او سي

    كي او سي بـترولـي خـاص أعضاء الشرف

    هههههههههه

    حلوه منك

    ومشكورين على المرور والتعقيب
     
  9. ولد الموسوي

    ولد الموسوي بـترولـي نشيط

    144
    0
    0
    خوش كلام والله

    بس وين اللي يسمع

    يمعود خلهم يطلعون ونترقى احنا ههههههه

    شكرا على الموضوع
     
  10. الناهض

    الناهض بـترولـي خـاص

    2,144
    0
    0
    شركة نفط الكويت
    عندنا سنير يداوم بالشمال

    بدل طريجه 1150+فورد آخر مو ديل+بانزين مجانا+قريد 16 يعني ماتنسحب سيارته حتى بالأجازه+ مانشوفه بالسنه مره وحده يداوم+كورسات بالهبل للخارج+صور الفيز بجوازه أكثر من أختام سعودي ساكن بالدمام ومقزرها خميس وجمعه بحرين+ تذاكر سنويه+ بونص+انسنتف+ماكوا لا شغل ولا مشغله

    لو تموووووووووووووووووووووت مايطله من الشركه

    انت تطلب المستحييييييييييل
     
  11. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    خـــــــــــوش كلام :)
    خل يتقاعدون :)
     
  12. كي او سي

    كي او سي بـترولـي خـاص أعضاء الشرف



    اايدك تماما

    مشكور على المرور


    شكرا على التعليق

    بس وين اللي يسمع
     
  13. مرخي رسنها

    مرخي رسنها بـترولـي جـديـد

    46
    0
    0
    [/COLOR]ياجماعه وليش الحسد ؟؟؟ يمكن هالديناصور يكون احسن من عشر شباب من النوع الي ماله خلق يداوم .. انا ترى متوظف توني صارلي سنه وشفت في ناس كبار بالسن وكفاءه ومكسب للشركه واغلب الشباب اليدد الي توظفو معاي (اغلبهم) يدورون اي فرصه عشان يزرقون ولايسحبون على الدوام.. احنا لو الله يفكنا من هالحسد والغيره الي ذابحتنا بالكويت جان احنا بخير

    سلاااااااام
     
  14. بن نفل

    بن نفل بـترولـي نشيط جدا

    456
    0
    0


    والله ان كلامك صحيح يا مرخي رسنها وكل واحد وظروفه
     
  15. q8security

    q8security بـترولـي خـاص أعضاء الشرف



    ههههههههههههههاي

    تعليق جمييل جدا


    الله يعطيك العافية [​IMG] [​IMG] [​IMG]
     
  16. قهيدان

    قهيدان بـترولـي جـديـد

    32
    0
    0
    كل هالميزات عندهم وتبونهم يطلعون مالكم امل واللهم لا حسد الله يبارك لهم ويرزقنا
     
  17. كي او سي

    كي او سي بـترولـي خـاص أعضاء الشرف



    انا معاك انه في حسد وغيره وحقد

    بس الموضوع غير

    ممكن انت رديت على اللي ذكروا المميزات اللي ياخذونها الديناصورات بس الموضوع الاساسي ماله شغل بالمميزات

    يعني ديناصور عمره 68 ماخذ حق واحد ما عنده وظيفه مو حرام

    ترى هذا صج مو غشمره
     
  18. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    اخاف صج بس يتقاعدون معاشه 1800 او 2000

    يتقاعد ويصير معاشه 1300 مستحيل يوافق يقول اجلب

    بكرسيي احسنلي لين امووووووووووت ومن الدوام

    يودونه المقبره على طوووووول
     
  19. دسمان

    دسمان بـترولـي نشيط

    141
    0
    0
    انا اعتقد ان المشكله مو بهالمميزات الي ياخذها..... المشكله بالتأمينات الإجتماعية .... لويرفعون سقف التقاعد ينتهون الدينصورات ويعيشون باقي حياتهم بالتأمينات الإجتماعية ولا كن النظام الحالي فيه ظلم لهذه الفئه وهو نظام قديم لأن القوه الشرائية لدينار اختلفة ويجب النظر في رفع سقف الراتب التقاعدي...... وكذالك نظام الشركة نهاية الخدمه يجب ان يكون هناك نظام جديد مو الواحد طاحس 20سنه ويعطونه من 13000 الف الي16000 و 25 سنه 18000 الي 23000 الف ....... وين موظفين شركة ارامكو في نهاية الخدمه .... وموظفين شركة نفط الكويت... اكيد الناس بتعشعش ولا تفكر بالتقاعد...
     
  20. كي او سي

    كي او سي بـترولـي خـاص أعضاء الشرف

    والله اخوي دسمان ما اعتقد

    خل نفترض يرفعون سقف الراتب الى 1500 وهم ياخذون الله يزيدهم فوق ال 2500

    غير المميزات اللي اذكروها الاخوان

    اعرف 3 قدموا التقاعد خلال شهر فبراير للاستفادة من هذا الموضوع اللي طرحته وفعلا نزل راتبهم الى 1250 ثم استفادوا من الزيادة الحكومية ال 120

    فصار راتبهم 1370

    هذا كان قصدي من الموضوع

    والثلاثة اعطوا فرصة حق 3 اخرين للترقيه

    وشاكر للجميع المرور والتعقيب
     
جاري تحميل الصفحة...

مشاركة هذه الصفحة