تحديث اللجنة التنفيذيه توقع قرار تطبيق البصمه في عمليات الخفجي المشتركة

الكاتب : lovers33 | المشاهدات : 5,345 | الردود : 24 | ‏28 ديسمبر 2014
  1. lovers33

    lovers33 بـترولـي جـديـد

    26
    0
    1
    السلام عليكم

    في انباء ان اللجنة التنفيذيه وقعت قرار تطبيق البصمة على عمال الخفجي, ان صحت فهي مصيبه , خاصه ان الشركه لم توفر مسار خاص للعمال على الحدود
     
  2. Wda3taha

    Wda3taha بـترولـي جـديـد

    34
    6
    8
    رد: اللجنة التنفيذيه توقع قرار تطبيق البصمه في عمليات الخفجي المشتركة

    مصخره
     
  3. 3bee6

    3bee6 بـترولـي جـديـد

    43
    0
    6
    رد: اللجنة التنفيذيه توقع قرار تطبيق البصمه في عمليات الخفجي المشتركة

    هذي سياسة التطفيش وتقليل المصاريف وخصوصاً ان الانتاج واقف
    بالاضافه الي قتل عملية تحفيز الموظف وطموحه ومعاها قتل بدل الطريق

    اللهم اصلحنا واهدنا واصلح ولاة امورنا واجعل وجودهم خيراً لنا
     
  4. almuhandes

    almuhandes بـترولـي جـديـد

    18
    4
    3
    رد: اللجنة التنفيذيه توقع قرار تطبيق البصمه في عمليات الخفجي المشتركة

    الكلام غير صحيح ، ياريت يطبقونه ومانبي نستخدم موضوع الحدود عذر ، طلعو قبلها بوقت.
    والبصمة مفيدة لو طبقت بطريقة صحيحة وليست فقط لرقابة الكويتيين
     
  5. Bos3ayd

    Bos3ayd بـترولـي مميز

    523
    4
    18
    رد: اللجنة التنفيذيه توقع قرار تطبيق البصمه في عمليات الخفجي المشتركة

    اذا تبي القانون يتطبق... خل الشركه تتكفل بتسهيل امور الموظفين وتفتح مسارهم في الجوازات والجمارك...

    يا يتطبق صح.. ولا فكونا من السالفه
     
  6. العوضي

    العوضي بـترولـي خـاص

    1,054
    3
    0
    رد: اللجنة التنفيذيه توقع قرار تطبيق البصمه في عمليات الخفجي المشتركة

    الكلام غير صحيح لان تم رفض البصمة من وزير النفط السابق وليس بإمكان الشركة تطبيقة
     
  7. Wda3taha

    Wda3taha بـترولـي جـديـد

    34
    6
    8
    رد: اللجنة التنفيذيه توقع قرار تطبيق البصمه في عمليات الخفجي المشتركة


    عفوا اخوي شنو ياريت يطبقون البصمه ؟؟؟؟ تبيني اطلع من بيتنا ساعه 2.30 بليل عشان اوصل الدوام مبجر يعني ولا شنو ؟ دربك خطر ورادار ومنفذ سيئ للموظف وبطئ شديد وماكو موظفين في المنفذين وزحمه ولويه وغير المواسم الي الناس تسافر عن طريق البر ..الخ وتبي بصمه انا اقول صل عل نبي .. اهدى يالطيب
     
  8. almuhandes

    almuhandes بـترولـي جـديـد

    18
    4
    3
    رد: اللجنة التنفيذيه توقع قرار تطبيق البصمه في عمليات الخفجي المشتركة

    يا اخوان طلعو 5:30 من البيت توصلون قبل السبع ، اكثر الزحمة حوالي السبع في الحدود ، جربو وتشوفون كلامي صحيح.
     
  9. almuhandes

    almuhandes بـترولـي جـديـد

    18
    4
    3
    رد: اللجنة التنفيذيه توقع قرار تطبيق البصمه في عمليات الخفجي المشتركة

    وغير هالشي الاخوان يقدرون الظروف علي سواء انقطاع الكهرباء والضباب وغيرها من الظروف،
    ما اقول الا حللو معاشكم ، حطو كرسي علي الحدود وشوفو متي الموظفين يوصلون الحدود ومتي يطلعون من دوامهم ، تسيب كبير.
     
  10. Wda3taha

    Wda3taha بـترولـي جـديـد

    34
    6
    8
    رد: اللجنة التنفيذيه توقع قرار تطبيق البصمه في عمليات الخفجي المشتركة


    5:30 توصل 7 مع وضع المنفذ اذا كان لك مسااار , وانت ما تعرف حركة سير المرور اخوي الكريم عطل وناس مسافره وغير مواسم الحج واوقات معينه الناس تروح فيها العمره غير الزوار انا 5.30 احرك اوصل عل 8 , اذا انت توصل 7 ف هني يالك غير الجمرك تفتيش والي يفصل عليك ينقعك , وعلى التقدير ف مو الكل يقدر .. #مدفوووونه ,. صل عل نبي ياخوي لا للبصمه , اوفر تايم مثل العالم ما عندنا , تبي بصمه ,,,,,
     
  11. Bos3ayd

    Bos3ayd بـترولـي مميز

    523
    4
    18
    رد: اللجنة التنفيذيه توقع قرار تطبيق البصمه في عمليات الخفجي المشتركة

    حللوا معاشكم؟ على اي اساس جمعت يالحبيب؟ كل كلمه محسوبه عليك.. والي ايده بالماي مو مثل الي ايده بالنار
    لما اطلع يوم الخميس من الدوام الساعه 3 و اوصل البيت الساعه 6 الا ربع... منو المسؤول؟ ليش اوقف حالي حال المسافرين الي شايل معاه 4 و لا خمس انفار؟

    تكلم بالمعقول... قل خيرا او اصمت عزيزي
     
  12. almuhandes

    almuhandes بـترولـي جـديـد

    18
    4
    3
    رد: اللجنة التنفيذيه توقع قرار تطبيق البصمه في عمليات الخفجي المشتركة

    اخوي قوية تمشي 5:30 وتوصل 8 شنو جاي بسيكل والا تمشي 40,
    بحسبة لو المسافة 120 كم وتمشي حسب حدود السرعه 120 كم في الساعة توصل 6:30 علي الحدود،
    ولكن لو ساكن في مدينة الكويت توصل قبل هذا ، وإذا وصلت 6:30 الحدود مافي زحمة اما اذا وصلت 7:00 فتبدأ الزحمة ومجربة، خلكم من الاعذار الغير مقبولة وابحثو عن غيرها.
     
  13. almuhandes

    almuhandes بـترولـي جـديـد

    18
    4
    3
    رد: اللجنة التنفيذيه توقع قرار تطبيق البصمه في عمليات الخفجي المشتركة

    اذا باص الشركة يتحرك من منطقة جنوب السرة الساعة 6 ويوصل الشركة 7:25, الظاهر الباص أسرع منك
     
  14. almuhandes

    almuhandes بـترولـي جـديـد

    18
    4
    3
    رد: اللجنة التنفيذيه توقع قرار تطبيق البصمه في عمليات الخفجي المشتركة

    اخي لما قلت حللو معاشكم ، كل واحد يتلاعب بالدوام يعرف نفسه واللي علي راْسه بطحه يحسس عليها علي رأي إخوانا المصريين، ومشكلة الخميس تطال جميع الموظفين وحلها بيد الادارة العليا السعودية اذا ارادت الحل.
     
  15. ميكانيكا قوى محركة

    ميكانيكا قوى محركة بـترولـي جـديـد

    46
    3
    8
    رد: اللجنة التنفيذيه توقع قرار تطبيق البصمه في عمليات الخفجي المشتركة

    ياجماعة انا بيتنا بالدوحه شكله الدرب بيصير علي 5 ساعات :p
     
  16. almuhandes

    almuhandes بـترولـي جـديـد

    18
    4
    3
    رد: اللجنة التنفيذيه توقع قرار تطبيق البصمه في عمليات الخفجي المشتركة

    علي كلامهم نام في الخفجي
     
  17. جابر

    جابر قــلــم بــتــرولــي أعضاء الشرف

    رد: اللجنة التنفيذيه توقع قرار تطبيق البصمه في عمليات الخفجي المشتركة

    السلام عليكم
    ممكن أحد يقول لى شنو الهدف من نظام البصمه
    إذا كان الهدف معرفة اللى يداوم واللى مايداوم فالأنظمة موجوده وكافيه وجميع المدراء والنظّار يعرفون من يداوم ومن مايداوم
    إن كان بسبب عدم الثقة بالمدير فهذى مصيبه أكبر لأن الإدارة تثق بالمدير فى تقييم الموظفين وفى ترقياتهم ومصيرهم الوظيفي وعليه إن كانت الإدارة لاتثق بالمدير فى كشف الغياب فكيف تثق فيه فى الأمور التى تعد أكبر وأكثر أهميه ..
    وبالتالي من وجهة نظري مشروعية تطبيق النظام غير موجوده
    إذا تبي الموظف 8 ساعات موجود حط له شغل يقعده هالثمان ساعات وقيّمه أخر السنه بالنسبه لهالشغل ..أكيد اللى راح (يزرق) ماراح ينجز شغله بالكامل..
    بالنسبه للطريق:
    اللى يقول يقدر يحسب وقت محدد للطريق..ويعرف متى يوصل بالضبط.. أقول له إسمحلى إنت غلطان
    الظروف اللى تمنع معرفة وقت الوصول:
    1. الظروف المناخيه والجو : اليوم مثلا طلعت من المنطقة العاشره 5:30 الصبح ووصلت تقريبا 7:30 مع العلم إن المركز الكويتي الجوازات قدامي سيارتين والجمرك سيارتين بس ..أما السعودى 3 سيارات على الجوازات وولا سياره على الجمرك ..يعنى المراكز فااااضيه ....ومع هذا ساعتين
    2. العطلات السنويه و الأعياد وزيارات الأماكن المقدسه فى السعوديه والعراق
    3. العطلات الأسبوعيه
    4. الأجهزة عطلانه
    5. الكهرباء طافيه – تخصص المركز الكويتي
    وأحيانا تصير عندك مشكلتين مع بعض فى نفس المركز وأحيانا المركز الكويتي فيه مشكله والسعودى أيضا فيه مشكله
    حنا نمر على المراكز أربع مرات يوميا يعني إحتمالات التأخير وارده جدا يوميا
    التأخير موجود دائما لكن نسبته هى اللى تتغير ..و الأهم من التأخير هو العامل النفسي ..إنت تطلع من البيت وأنت مو ضامن متى توصل الدوام..تطلع من الدوام وإنت مو ضامن متى توصل البيت..طبعا أنا ما أتكلم عن السلامه هذى بيد رب العالمين في كل الأحوال أنا أتكلم عن الوقت ..
    اللى أشار بتطبيق نظام البصمه هل يقدر يعطي ضمانات بأن الطريق من البيت للعمل لن يتعدى ساعتين مثلا ..:rolleyes:
     
  18. Bos3ayd

    Bos3ayd بـترولـي مميز

    523
    4
    18
    رد: اللجنة التنفيذيه توقع قرار تطبيق البصمه في عمليات الخفجي المشتركة

    لا فض فوك
     
  19. almuhandes

    almuhandes بـترولـي جـديـد

    18
    4
    3
    رد: تحديث: اللجنة التنفيذيه توقع قرار تطبيق البصمه في عمليات الخفجي المشتركة

    الشركة موفرة باصات لتوصيل الموظفين الي الشركة، يمكن استخدامها والشركة تقدر في كل مرة التأخير لأسباب قاهرة وهي ليست لشخص واحد ولكن لأغلب الموظفين القادمين من الكويت وفي كل مرة.
    اما مسالة الثقة للمدراء والنظار يمكنك الذهاب لبعض الإدارات بالشركة وشاهد بنفسج نسبة الحضور سواء للكويتيين والسعوديين
     
  20. جابر

    جابر قــلــم بــتــرولــي أعضاء الشرف

    رد: اللجنة التنفيذيه توقع قرار تطبيق البصمه في عمليات الخفجي المشتركة

    ولا عزّ حاسدوك ..يابوسعيّد
     
جاري تحميل الصفحة...

مشاركة هذه الصفحة