هل هو ذل أو منة أو هو تشهير ؟؟

الكاتب : فركوس | المشاهدات : 536 | الردود : 5 | ‏20 يناير 2008
  1. فركوس

    فركوس بـترولـي جـديـد

    34
    0
    0
    ...
    هي مشاركتي الأولى في هذا المنتدى..
    وأرجو أن أجد القبول بينكم..
    هذه المشاركة وإن كانت بعيدة عن المجال النفطي إنما تختصنا جميعاً، فأحببت أن أنشرها هنا لما لمسته من زوار موقعكم الموقر وخصوصاً من أصحاب القرار..

    ...
    يوم المنحه ما ظل أحد بالعالم مادرى إن الحكومه بتعطينا 200 دينار..
    لاحظوا "بتعطينا".. يعني قبل لاتعطينا..
    الحكومه من صوب ما خلت تلفزيون والا جريده حتى الجمعيات فيها اعلانات المنحه..
    والمجلس من صوب ثاني.. ولا بعض الأعضاء اللي صاروا أوصياء علينا باقتراحاتهم التافهه ويبون يستثمرون هالـ 200
    والحين من يوم نزل تصريح الأمير بتاريخ 20/11/2007 برغبته الساميه ووعده بالزياده في فبراير وشوفة عينكم..
    كل يوم تصريح بالجرايد، ومناقشات بالمجلس وتصريحات، والتلفزيون مو مقصر..
    ولا راح يسكتون لين تنزل رسمي بحساباتنا..
    يعني 3 شهور بيذلونا ذل لا صار ولا استوى ولا شفناه في الدول المجاوره أو حتى الصديقه..
    ما قد سمعنا من الدول الثانيه إلا "تم اقرار زياده"..
    الدول الثانيه يا زينهم كل شي عندهم فجأه ومن غير لويه ولا ضجه..
    يا زينهم لما يفرحون شعوبهم..
    واحنا دراسه مو اقرار رسمي وشهروا فينا ولا ظل أحد في العالم مادرى عن هالدراسه !!
    يبا دراسه والله دراسه مو صج للحين !!
    ليش هالذل ؟؟
    شنو هالتشهير ؟؟
    والا اهي منه يمنون فيها علينا ؟؟
    والله كلما أشوف خبر عن الزياده أتخيل الحكومه كأنها شخص يبي يعطي محتاج وواقف يصارخ يا ناس يا عالم يا هووو شوفوني ترى بعطيه
    اشدعوه عليكم.. على شنو كل هذا ؟؟
    والله ديرتنا ديرة خير ولا ناقصها شي، والكرم شيمة أهلها وفي مقدمتهم حكومتنا بس مادري اشفيهم صارو جذي !!
    والله ما نرضى على ديرتنا وأهلها وحكومتنا أي كلمه ولا نرضى يحطون نفسهم بهالصوره..
    بس شنسوي إذا اهي تبي جذي !!
    وين اللي يعطون بسكات والناس اهي اللي تتكلم وتشهر باللي عطى وترفع ايدها وتدعي له ؟؟
    الله يرحمك يا صباح السالم يوم كنت بعز الصيف تأمر "التناكر" ترش الساحات بالماي على حساب الدوله علشان تخفف من الحر على المواطنين..
    الله المستعان..




    أخوكم/ فركوس
     
  2. المشاكس

    المشاكس بـترولـي خـاص أعضاء الشرف

    998
    1
    0
    والله ياخوي فركوس كلامك صحيح بس عاد شنو نسوي هاذي ديرتنا
     
  3. ali_85

    ali_85 بـترولـي نشيط جدا

    419
    0
    0
    الله يرحم ايام العز
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    فركوس لا تلومهم ترى المبلغ كبير و يحتاج دراسة و تحركات من النواب عشان تكون زيادة مجزية و لها اثر .... و من ناحية ثانية كنا نتمنى تكون الدراسة و التحركات سكاتي مثل ما صار بقطر و الامارات ..

    لا يغثوونك ترى الجرايد تدور اي شي عشان تكتب عنه : )
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    ياا رجل خلهاا علي ربك
    ما يعطوونك ها الزياادة الاا بعد ما يطلعوونها من كبدك
     
  6. تايتنك

    تايتنك بـترولـي خـاص

    1,239
    0
    0
    فركوس الحكومة اهم شيء ماتفركس زيادتنا ونتفركس كلنا من نار الاسعار
     
جاري تحميل الصفحة...

مشاركة هذه الصفحة