اهداء للمدير الكذوب

الكاتب : الحقائق | المشاهدات : 632 | الردود : 0 | ‏17 أكتوبر 2014
  1. الحقائق

    الحقائق بـترولـي جـديـد

    10
    0
    0
    الكذوب

    إلى دخلت المعركة شجاع لو جيت امغلـــــــوب
    كم من شجاع ٍ بالمعارك طش راسه وعلمـــــــــــه

    مايقدم الى راعي الصملات فكاك النشــــــــوب
    وإلا الذليل يعيش في ذله ولاينطق فمــــــــــــــــه

    اما الشجاع بساعة وساعة تذل له الهــــــــبوب
    ماهو شجاع ٍ ذى يسمى حسب ماعرف ارخمــــه

    يا هوه مدري هن وش سويت والراس معصوب
    المعتزي يرفع بعال الصوت ماهي همهمـــــــــــه

    مانته على الوقفات والفزعات ياذاك مغصــــوب
    يقدم لها الي تسبق افعوله اللنطقه وقلمــــــــه

    والله مايقهرك في ها الوقت ياغير الكــــــــذوب
    الي يفرقها يجمعها وهي متلملمـــــــــــــــــــه

    هو يحسب إن الناس ماتدري عسى عمره يــذوب
    لا اصرّ في عينه وقام اشوي يرخي برطمــــــه

    هذا ومثله بعتقادي لا اعقول ولا قلـــــــــــــــوب
    يعيش بين الناس في جسمه وفي جر انسمه

    إن جيت ...ا اتجادله تحسب ولاهو بمحســـــوب
    عند الرجال الي تعرف الكذب هو والهيلمـــــــه

    واليا سكت وقام يتوجه على كمي ٍ صـــــــــــوب
    ومن الظلايم قام قدامك يسوي ملحمــــــــــه

    متجاهل ٍ وقت الحساب ويكتب بشيك الذنــــــوب
    وإلا بها الدنيا إلا غثك بيمناك ابرمـــــــــــــــــه

    وانا ادري إنه باقي ٍ كذاب لايمكن يتــــــــــــــوب
    لاكن خله كل ماشافك تجيله رمرمـــــــــــــــه


    فايز البشري
     
جاري تحميل الصفحة...

مشاركة هذه الصفحة